有情飲水飽??

元氣大佬

我本身都冇錢...
我而家識左個都算有錢既女仔...
佢家庭都算有錢,佢老豆比零用錢都比$3000,佢d親戚尋晚又比左幾千蚊佢[佢自己銀行都有1萬蚊]
仲算唔算有錢?我自己有1,2千蚊零用錢都有排用..
而家咪我同佢好地地...
佢好識體諒我,佢知我冇錢...好多方面要錢佢都幫我出...
佢又有買衫比我[不過我話唔使姐]佢之前幫我換左電話...
佢又話請我去迪迪尼...不過我拒絕左昨嘛...
有時佢d現金用哂我都有買野比佢/幫佢出住先[多數唔使還]
只要我能力負擔到我都會幫佢,我自己又唔係好有錢..
我試過將成個月飯錢比哂佢...完全冇追過佢還錢...

鐘意一個人唔一定要好有錢..
最緊要有個心就可以了!
我個人拍拖係講心唔講金既...
如果一定要有錢先可以拍拖既,,,咁窮人一定要單身了!
[以上全是真人真事,唔好話我作野]

冰月~

正常,,,愛情既野係唔會計住計住''
你女朋友都唔錯wo@v@

白棋

願打願捱既女朋友去邊到搵?
引用devil名句

雄少

唔好意思~
窮人的確係冇得拍拖~
愛情根本就係有錢仔ga玩意
連食都食唔飽ga人
會唔會諗愛情???
..........................
點解個個都話讀緊書個陣好溝多d女
因為讀緊書個陣d女唔識野...好易溝
到佢知道e個社會係點....ga時候
你想溝....冇$$$..就唔好講啦...
......................................
點解成日都將
錢銀同女人放係同1個位置上面??
因為2樣野係分唔開~
男人咁拼為咩??都係為錢銀,女人
所以大家深思下~

阿士匹靈

我第1份工  就係因為我初戀 ,,, 就算佢唔介意我冇錢  但係我都會介意  唔通日日坐公園咩唔出街 唔食飯  唔送野 ?

helena29

如果自己都搞唔掂就唔好諗啦
拍拖多多少少都要駛d錢
假設如你所言,
幾日/幾個禮拜就散,不如唔好開始

最惡頂既男仔唔係冇錢
係有錢但係唔捨得駛
仲要幾蚊都同你計
大家一齊點會分得咁清楚..
呢d人應該一世都冇女人

卍賢卍

只要開心過就足夠了
加上另一半真的愛你的話,就不會介意你有錢無錢

hk021178

對自己冇信心就唔好去馬啦,你有信心既,可以自制禮物比佢,係home睇dvd都係一個唔錯既活動