結束感情沒有罪??

殘兵~騎士

各位...可唔可以比d時間  睇下篇野,,然後比個意見呢?? 唔該哂=]

我鐘意我女朋友已經兩年多了    我同我女朋友拍左拖一年了
我近幾個月開始發覺....我自已已經無以前咁愛佢
原因一:佢唔比我同fd一齊
原因二:為左佢,,我放棄左好多野   友誼,,金錢,,與父母的關系,,時間,,興趣.....
          我唔想再放棄呢d野喇....
原因三:我好累喇,,女朋友成日要我陪佢   班fd又要搵我玩....
          (岩先....我個fd打黎(個fd係男仔)  佢好唔開心  身為fd既我  係應該安慰下佢
          呢個時候,,我女朋友打電話黎,,唔比我同我個fd傾,,我又唔可以cut我女朋友線...
          結果我就對唔住我個fd喇)
原因四:我對佢唔知有無feel.....
          (如果你呢家問我  仲愛唔愛佢  我會答你 :「唔知呀,,真係唔知呀...咪問!!」)
原因五:我鐘意左第二個女仔!!
          (呢個可以肯定答你  我鐘意佢!!   
          不過我唔會同佢一齊,,因為我知我個fd鐘意佢,,我只想同果個女仔keep住兄妹關系)

我記得我已經同佢講左三次分手,,
第一次:我講完之後,,發覺自已未放得低佢   簡單d黎講  我唔捨得佢...
          加上佢喊哂咁叫我唔好走(走=分手)
          我同返佢一齊...
第二次:因為佢家人對佢唔好,,又無乜fd,,又驚佢會傷害自已、甚至自殺既關系,,
          所以我唔忍心離開佢,,結果一齊返...
第三次:我係考試既第2日,,係朋友既支持下,,同佢提出分手...
          之後佢話唔想影響考試,,而我都唔想影響到佢,,所以決定唔分手...

但係講到低,,我這樣做是對或是錯呢??
電視話           : 當自已唔再鐘意對方時,,分手係對果一般感情既尊重
電視話           : 要放棄過去先搵到未來...
好多人同我講  : 唔鐘意既唔好再一齊,,會好辛苦  亦對對方唔公平
我自已諗        : 我鐘意左第二個女仔,,所以應該忠於自已,,同呢家既女朋友分手

但係,,

我自已諗        : 佢咁愛我,,如果我同佢分手  咁樣好hurt佢
我自已諗        : 我唔知自已呢家仲愛唔愛佢...
我自已諗        : 我唔想佢唔開心
佢講過     我係佢既支柱   我走左   佢就會捱唔住...

我呢家既做法  :  唔好分手,,繼續同佢一齊....直到佢鐘意第二個
                       但係會同我呀妹(我肯定我鐘意果個)繼續來往  包括 撮合我呀妹同我個fd

我咁做岩唔岩??唔該各位可唔可以比d意見呢??thx=]
都多謝各位用咁多時間,,睇哂呢篇野  thx-v-

成仔∼＊

你都話唔知自己仲係米鐘意佢,,
我諗你應該先解決呢個問題...
唔好理你e家同佢咩關係先~~

另外就係~既然你同佢一齊咁辛苦~
佢又管到你咁嚴,,點解你好似冇同佢申訴過??
可能講完佢會放寬你少少...

如果你係有dd仲鐘意佢~一齊唔mind,,你地傾掂d問題,,會開心當然好~~

如果你覺得自己已經唔鐘意佢,,不如一早放開..直接講分手...
我個人唔鐘意拖...hurt就一定會,,,,但一齊時間愈長,,,感情愈深,,
到時分可能仲hurt~~

如果你想搵個方法說出口,,你不如試下,,多d理朋友,,
少d理佢,,話朋友其實對你好重要,,佢都係唔制先話分手~~
原因就話一齊咁耐你都唔識體諒我....我好辛苦,分手吧~
或者有人覺得呢個係藉口,,,不過其實都算係事實/.\

如果佢話你係佢既支柱...但其實分手後都可以做朋友,,或者契兄妹..
淨係睇你篇野~我覺得你唔會係太衰既男仔,,分手後你應該都唔會唔彩佢ge...
做兄妹都可以好似以前咁錫佢,,,而且你又可以理多d朋友~

之後你想點做就睇你喇~~

[ 本帖最後由 成仔∼＊ 於 26-12-2008 02:46 編輯 ]

p445hkk20001

無論你點做 無分對與錯 我明白
呢d野 你問人 意見 也很難 比意見你 我又唔想害左你
而且 要 考慮 既野 實在太多 所以 無一個決對 既正確 做法

不過 我建議你 長痛不如短痛 如果 無feel 再繼續下去   我怕你2頭 唔對岸 就麻煩

piyopiyo

唔好話我直接
你呢d就係而家社會最唔想見到ge情侶
為左對方放棄自己ge朋友,興趣,家人,直接將自已ge社交圈子縮到2人ge世界
到最後,交往ge異性又唔多,以為而家對住果個已經係最適合果個,勉強結婚,最後發現原來唔適合,最後咪做左一個家庭倫常慘案ge主角lor[[tk_14]]

冰月~

樓主都係因為炎佢管得太勁所而無晒自己既空間先中意第２個女仔’’
你唔知你係咪中意佢只係因為你覺得你既愛係同情緊佢，但你亦有時覺得你真係中意佢係咪？

正面黎講佢管得你咁緊因為佢真係中意你，唔想失去你’’
反面係佢對你唔夠信心，覺得你會跟第２個走佬，所以成日睇實你’’
既然樓主知道佢無咩朋友而佢屋企人又對佢唔好，咁佢當然想你呢個做老公既陪住佢啦’’
樓主何解唔試下同佢講清楚關於自己個人時間同空間既問題？
講清楚我覺得大家都好過Ｄ’’

樓主上面所講既你唔會同個個女仔一齊都係因為你個朋友，如果你無朋友中意佢呢？
咁咪即飛左你而家個女朋友？

不要當電視講既野當真，夠有廣告話求學不是求分數，一樣俾人投訴！？
既然你只係想同個女仔ＫＥＥＰ住兄妹關係同撮合你呀妹同你個fd
，咁請你好好對你既女朋友’’

你睇清楚你講既野，除左同情佢，你自己仲係愛佢的，所謂２年既愛就咁完？你講你唔知係咪真係中意佢，我覺得你都係想睇下Ｄ人點回你，再作決定’’樓主，咁既女仔唔係度度有，當然佢都有錯，令你放棄你既父母關係，時間興趣個Ｄ有左女朋友大部份都要放棄架喇，其實都只係因為你時間既問題先出現分手呢２個字，停一停．想一想．三思而後行’’

好似好多野講咁－。－

白棋

其實你女朋友管你管得太嚴,
不如你同你女朋友開門見山講清楚,
可能佢會就你,
你同佢講「上次有個fd好傷心,要我安慰,但係果陣你就打電話黎,要我cut佢線,
我覺得好對唔住個fd,
你可唔可以以後唔好管我咁多,
等我地彼此都有個自由空間,
傾電話,出街當然無問題,
但係我希望你都可以比我同d fd可以有溝通自由,
唔好下下管束住,因為真係好辛苦」
我諗咁樣講都差唔多,
你其實唔洗搞到分手,
因為你會後悔,
係一定會後悔,
好似文神咁講,
三思而後行,
諗清楚先去馬,
不過若果你咁堅持要分手,
我地阻你唔到,
只要你得到幸福

oph

仔可以為女生
但唔可以為女亡
                   by oph

白棋

收下你呢句啦[[m23]]

d6c3fac1fca841b

1)一齊左咁耐感情真係可以話淡就淡?
你覺得冇咁愛佢只係佢管得你太嚴姐,
我都好認同上面幾位人兄咁講,
有d野真係需要2個人傾清楚,
冇人係鐘意俾人搞到冇私人空間,
如果你女朋友真係愛你,佢一定會為你改
至少要同佢爭取到陪家人,陪朋友既時間,
但同時你都要俾到信心佢,你唔會因為私人時間多左而愛上第2個。

2)你話你鐘意左第2個女仔,但又同情你依家既女朋友
如果你對依家既女朋友真係100%出於同情,完全冇晒愛,
我上面段野收返,請你直接同佢講分手
我相信冇女仔覺得出於同情既愛係值得留戀,
而且你真係同情佢,分左手你都可以關心佢。
仲有,你問心,2個女仔俾你揀一個,你鐘意邊個多d?
如果你揀左你女朋友,
請你唔好再花心落去,你女朋友係好需要你既照顧~_~"
如果你揀左另外個女仔,
咁你就唔好因為你朋友鐘意佢而放棄自己鐘意既人,
因為個女仔都未必會鐘意你朋友...
感情既野係冇分邊個錯,每一次既分手只係為左找更正確既人,
希望樓主你搵到真正愛的人:handshake

~!卡卡西!~

如果樓主真係想同佢一刀兩斷先好睇埋落去



如果咁樣既話,你應該比佢一個唔好既印象,簡單d黎講,等佢黎飛你