有好多人都認為自己讀唔到書
所以諗住開一個post黎鼓勵下人,順便開解下自己
給各位對讀書失望的學生:
我諗
認為讀書係有心無力既人諗野偏激左
而且我亦認為講"有心無力"既人讀起書黎會更加努力
點解我咁講?
有根有據,因為我本人就係一個例子
我以前都係一個唔鍾意讀書既人
一個13,4歲既細路粗口爛舌,掛住玩,相信屢見不鮮
由細個開始成績一路差到落中二
有心情讀果個都應該唔係人.....
當長輩問起我既時候都答"我都唔係咩讀書既材料,讀黎托呀?"
但其實真正原因係因為我覺得
如果要認真讀書,就要24小時on duty
好辛苦,冇晒私人空間
要對住本書個心又唔多鍾意
其實我地並唔係真係覺得讀唔黎
而係覺得,如果用盡力都拎唔到好成績點算
因為我地都係覺得一做就要做到最好,最完美
但係依個世界又冇所謂完美
我地知道,所以就唔願讀
但係只要一讀,基本上都會朝住完美進發
各位
當你試過讀書之後
你會發現原來唔需要24小時 on duty都可以有好成績
咁樣你地仲讀唔讀呢?
定係繼續生活在迷惑,恐懼之中?
一個已經明白的中五學生上 |
發表於 29-12-2008 23:34:30
變色卡