|
|
3年前,我識到剛分手的男友。
年半前,我同左佢一齊。
我同佢一齊時,可以算係第三者。
因為個陣佢同第二個女仔一齊,而且個女仔有左佢bb
當時佢地已經過左三個月,所以一定要生。
佢話係因為個女仔好衰,覺得我好好,先同我一齊。
但我好自私,明知佢有bb,明知我係第三者都仲要同佢一齊
佢話當個女仔生完仔,就會趕佢走,之後同我一齊
同我一生一世,我會係佢最後一個。
在呢年幾裡面,我真係好開心...
我同佢去過好多地方,睇過好多戲,
而且,佢個仔生完之後...
個女人真係走左...
個女人應該係發現左我o既存在,
而且我bf又唔理佢,所以自己走左...
當時,我真係以為係個女人衰,又唔理個仔,所以走左佬
我仲諗住,我會為左呢個男人,唔介意佢有個仔,而且仲想做佢個仔個媽咪
但好景不常。當我地過左一周年紀念後...
我發覺佢對我越來越淡...
但我一直都冇諗過佢有第二個,
佢話佢公司好多野煩,好多野忙...我信晒佢
但過左兩個月,佢依然對我係好泠淡...
呢2個月來,佢冇同我去過一次街...
最多我去下佢屋企,佢去下我屋企
之後,我真係頂唔順。同佢講左分手。
個陣佢話佢唔想分手,咩條件都肯,只要我同番佢一齊。
但我冇同番佢一齊,因為我分手時搵到一個比佢條件更好o既男人
但我對呢個男人o既愛一定唔夠一年個個多...
而且如果唔係佢咁對我,我都唔洗同第二個一齊。
因為呢一年來追我o既男人都有好幾個...
雖然我對佢地有好感,但因為一年呢個男人,所以放棄晒佢地
過左3個星期,我好掛住一年個個男人
我打比佢,同佢講:如果係fd就得閒出來食飯。(主要想見到佢)
不過,佢一直都未得閒同我食飯。
一次,我個fd打比我,同我講左d野...
話其實一年呢個男人其實係數個月前已經有第二個,
ja係我同佢一齊時,佢已經同緊第二個一齊。
而且個個女仔依家仲有左bb...
我聽完,真係勁唔開心。
因為我仲差d想同返佢一齊,而放棄一個對我好好o既男人。
好彩我個fd話左比我知...
不過我真係覺得佢好人渣,
屋企本身有個仔唔理...
我對佢咁好,佢又唔理...
係鐘意出去玩女人...
e加仲要搞大左人地個肚...
我自問!我為左佢,放棄左自由(因為佢唔鐘意我落bar,所以我唔去)
我為左佢,放棄返工。因為佢唔鐘意我返工,又話咩冇時間見面
我為左佢,放棄左幾多條件好過佢o既男人
我為左佢,放棄左朋友...
但佢,知我想同返佢一齊...
仲想玩返我轉身!!!
因為係我講分手先,佢唔甘心。
所以佢想玩返我轉頭。
但佢真係好人渣。
我相信依家同佢一齊個個女仔,遲早o既下場都係同我一樣
開心過後,先發現呢個男人係一個人渣。
我雖然好唔開心...
但好彩我同佢一年來都冇bb
而且我覺得好對唔住之前為佢生仔個女人...
雖然我唔識佢,但係我搶走左佢老公...
不過依家,同樣地,我比人搶走左個老公...
我比起為佢生仔個女人,
真係唔算得係乜野。
雖然我唔開心...
但我都發覺呢個世界比我不幸o既女人多的是。
所以,我要提一提呢到o既姊妹
小心身邊o既男人!
香港絕對唔係一個單純o既社會,
唔好以為呢個世界真係有好男人...
就算有,都係一個有限度好o既男人。
如果為佢生仔個女人睇到呢篇野...
我真係想同你講一聲:對唔住!
而依家...
我可以做o既,就係盡量用時間去忘記呢個人渣...
但真係好辛苦...
好心痛... |
|
發表於 2-1-2009 02:08:13
變色卡