我認為 aoc越黎越少人玩既原因

希↙

1.我覺得有d人持住自己勁
就看不起一d廢過自己既人
有時還會用一些語言中傷別人

2.有d人輸打贏要,想自己場場都一定要贏
唔贏就發顛罵人,有時還會向敵方互串

3.我覺得做新手真係好慘
例如我係爭堡新手,入到去冇人教我玩
只識罵我,踢我,最慘就係罵完我都係冇人教到我玩

4.例如玩兵堡,有時我覺得同盟戰術有點錯誤
諗住比d意見,但佢地唔會聽,佢地覺得自己高手,還會反罵我,結果送左好多分
但佢地仍然接受唔到自己錯誤,覺得我是佢地敵人,其實我都係想大家好姐

我忍受唔到呢種風氣
點解aoc玩家喜歡互串互踩為樂呢?
唔通踩完人,會令自己特別開心
琴日想搵人玩evo都沒人入,而家aoc平均得返3百幾人玩,有時線上人數得150人,aoc越黎越少人玩
想防止aoc人數不斷下跌
我認為大家應該互相包容
如果自己真係勁,應該耐心教導一些唔識玩既人
如果自己真係廢,應該虛心向別人學習
如果自己戰術真係出錯,應該誠心聽取別人意見
還有我希望雙方唔好有敵對立場,即使遊戲中是敵對,但實際中不是

~香腸~

最重要係因為呢隻game太耐了
畫面唔夠好多online game靚
技能果d唔夠魔獸多
已經無咩人認同"簡單就是美"這個aoc的特點了

邪惡的小老鼠

靠樓主將aoc發揚光大

fire2007

一直連唔到線,只能同電腦鬥,自創D故事劇情[[onion_44]]

eva917zero

如果想學點玩,教學圖書館一定可以幫到新手
要在戰鬥中教人玩,我覺得會好難
尤其係我呢d唔善長打宇既人

我睇晒教學圖書館既evo先入場玩
玩左5場左右已經上手,仲贏過
玩既第一場,都知點玩,唔會無方向

接受人意見,認自己既錯,係要好大勇氣
aoc入面差唔多100%無人可以做到
尤其係玩左一段時間既老手
老手對自己立場係好堅定
比人話錯,仲要同意人地,你話有咩可能先
(你玩兵堡話我錯,我一定罵你,意見可以比,話我錯就唔得囉)
所以通常討論戰術=罵戰既開始
要比意見同朋友就好,同街人真係唔好
同街人玩,少d講野,合作會變得和諧

比意見既技巧要好高
語氣用詞要有禮貌
唔可以有否決人既意思
尋找別人優點
當然你既意見要真係正確,十分有見地先好啦
咁樣可以提高人地接受你意見既

好似兵堡咁,戰術可以唔只一條
你buy你果條,人地buy自己果條
其實可能兩條都係岩既
你果條可能好d啦,不過人地過條可能都唔係錯
不過戰術岩左,都唔代表殺到人
仲要睇實行順唔順暢,大家合唔合作

好似你講果個例子,結果你d同盟送晒分
其實好多變數,可能係你唔合作呢
戰術末開始就罵戰,仲點配合
人地條戰術無左你配合,最後末送晒分囉

roymen135

一隻遊戲，都有自己個壽命，無可能長時間都好多人中意玩
比如話，e家叫你玩任天堂d遊戲，你都會覺得悶，aoc，大大話話都出左大約十年到
唔算係話好奈，不過都唔係短期間，所以，玩家少左都好正常，以前大家仲可以有個zone玩下，e家呢

roymen135

我想講係開bug場個問題，真係好嚴重下
其他劇有無bug我唔太清楚，但兵堡d bug，真係多到嚇死你
有時入人地場，明明發現在係bug場，同人講，無人會信你，再唔係一講完，就被t
其實，要玩，點解唔公平咁玩，點解偏傷要開個bug場，唔通咁樣贏左，真係會開心d咩？
打機，唔係輸，就係贏，其實唔洗睇得咁重，個過程先係最重要，唔好為左想贏，就做d無聊野

另外黎講，兵堡真係一作要求合作的遊戲，唔似6r，6r，本身技巧高，就可以贏到對手，兵堡唔得，兵堡會存在著一d問題，被克，一開始得d城堡兵，無得比你出其他，固定左，所以要靠人，e個係不爭個事實，所以玩兵堡同外人玩，係無保障，係事實黎，但唔覺得因為要贏，（29，你識唔識攻嫁）（29你打pXpX啦）（你係咪傻嫁）（p幾係29）咁上下d野，洗唔洗阿，隊友唔識，咪主動去就下佢囉....真係輸左，咪輸囉，又唔洗死，另外，如果自己真係唔太勁，多d接受下人地個意外，無壞嫁，如果唔合作，成場遊戲會好悶，如果識得合作，就算最後唔夠打，都會玩得好開心

022bdfe6f978b92

兵堡我到悶哂，同埋兵堡依家有好多小朋友，果班小朋友輸唔起就洗頻同彈人，搞到我唔想再玩兵堡，樓主唔玩綠亞啦？其實玩兵堡玩到神級就已經可以轉玩外堡同新堡，至於教學方面一定要先實戰後理論但靠教學區係唔得咖

singstarwing

如果想學點玩,教學圖書館一定可以幫到新手
要在戰鬥中教人玩,我覺得會好難
尤其係我呢d唔善長打宇既人

我睇晒教學圖書館既evo先入場玩
玩左5場左右已經上手,仲贏過
玩既第一場,都知點玩,唔會無方向

接受人意見,認 ...
eva917zero 發表於 4-5-2009 09:58

志同道合,當初有人開新手場我入左去有人教我玩小小,
自己再睇教學圖書館先識玩
送你一篇轉貼evo教學文,近期睇到的
http://www.mofa.com.tw/pmsgmofa.asp?msgid=60249&archive=1
台灣人寫
版主唔好話我宣傳其他壇牙,我當post新聞咁post喳
post既係文章而唔係論壇