真人真事!尖東一商場下地女廁

how7788

其實都發生左1年左右..
但係平時冇乜係睇forum...
岩岩上黎睇到...就講下一次親身經歷啦.....

咁個次係同我媽媽一齊去左個個toilet..
一路行..我都同我媽講..咁遠架個廁所..因為個廁所係係地牢既最入地方...
咁入到去..有3格, 最後個格門的size大約得前面2格既一半寛度..
一個人跟本好難入去..你一望就會覺得係要黎放d清潔用具咁..
咁之後我入左第一格, 我媽入左幾2格.......
咁我就聽到開門關門聲..之後又郁個鎖既聲..
即係似到門鎖唔到, 所以開下關下chok下個鎖咁啦..
咁我以為係我媽媽到門鎖唔到..所以佢一路試下想鎖咁啦..
都整左10秒到..我就問..."媽, 鎖唔到門呀????"
但係佢冇應我..之後就冇左d門聲...
咁去完出黎啦..我又問多句...."頭先鎖唔到門咩???"
我媽已經即刻話快d走啦!!!!

咁出左去之後問返...
佢話佢都聽到有聲囉....
同埋佢見到第3格有隻黑色皮鞋咁既野..
咁我地諗返...如果真係係人既話....有2格正常廁格唔去...
應該唔會有人去第3格掛..第3格跟本唔似一個廁所..
同埋我地入去果時第3格係關左門既..咁應該唔到有d開門關門想鎖門既聲啦.....

諗諗下....都似係果d野啦......之後先識驚..................