質疑 William靚牙真假 陳志雲寸英皇多人整容

near813

陳志雲大跳拉丁舞，贏得全場掌聲。

無綫高層陳志雲前晚擔任商台節目《十人巷黃白大戰》的主持，除借參賽者的妝容暗寸樂易玲化濃妝外，更大玩表演嘉賓陳偉霆（ William），當 William效法周秀娜夾胸刷牙來演繹牙膏廣告時，陳志雲大讚他牙齒潔白，又借機指其公司英皇的同事愛整容。

由商台和無綫合辦的發掘新星節目，前晚在紅磡理工大學賽馬會綜藝館舉行《十人巷黃白大戰》，無綫高層陳志雲、森美、藍奕邦等則擔任評判，陳偉霆、鄧紫棋（ G.E.M）和周柏豪就擔任表演嘉賓。

放大圖片

森美（右）已被歸納為陳志雲的愛將之一，兩人在台上表現合拍。

放大圖片

陳偉霆在台上抵死扮演周秀娜夾胸刷牙的經典甫士。

嘲樂易玲搽厚粉

放大圖片

周柏豪（前排右）即場考驗參賽者的急才。

3位表演嘉賓更即場被考，大會要求他們臨時演繹不同的廣告，當 William得知要扮拍牙膏廣告即大感愕然，陳志雲抵死說：「你仲乜咁惡望住我，你棚牙咁靚，真定假，喺你公司好多人鍾意整容喎。」令 William十分尷尬只懂連聲否認，最後他扮周秀娜夾胸刷牙的樣子，並大擺 o靚模甫士，贏得全場掌聲。
陳志雲除不放過 William外，就連參賽者也成為被他玩的對象，陳志雲前晚取笑其中一個參賽者的妝容，並說：「之前見你 10幾歲人化妝咁厚，見你好似見樂易玲咁，今晚個妝就濃淡得宜，好似汪明荃咁。」

William熱捧周秀娜

事後陳志雲接受訪問時就笑言自己只是講笑，不怕樂小姐會嬲，並補鑊指樂小姐是美女，以前的男友均十分靚仔。對於得罪英皇，陳志雲亦冇有怕說：「我只係講傳聞啫，玩吓啫，唔怕英皇嬲，冇所謂。」
至於慘被狂玩的 William就笑言不覺肉隨砧板上，亦自誇當時已成功轉移話題，不過對於為何效法周秀娜而不效法女友 Angelababy的甫士時，他即說：「因為之前有同事畀過周秀娜嘅寫真集我睇，有啲相幾深刻， Baby寫真都有深刻嘅地方，就係啲景好靚。」
採訪：王連連
攝影：陳俊強

無記錯陳志雲係鍾意男人