我本來有個好要好既女朋友,佢對我好好..雖然一年前佢飛左去外國讀書,但係我地既感情都仲係好好好好,本來說好了,今年12月返黎一齊過聖誕,佢要半工讀,我可以比埋錢佢飛返黎,因為我真係好想見佢,好想可以攬下佢......平時因為我地有時差,差18個鐘,所以我返工做完野就會即刻走,盡量快d回家同佢傾下計,見下面....我個人比較內向,有好多野我唔開心,我唔敢同佢講,怕佢都會唔開心,一啊以來彼此流過不小淚...我個人既性格,係比較鐘意用行動黎表現自己,所以好多野我都好小會講出口,,開心既我好鐘意同佢分享,唔開心既我會係佢訓左自己一個人喊,我知道有時我脾氣一直都唔好,係發脾氣果陣會唔小心講左d好傷佢心既野,但呢方面我一路都有改善緊,我改左係xanga開左個ac,用黎係每次當我崩潰/唔開心既時候比自己發洩下,因為我唔想傷害到佢.......我地上個月仲好地地,有傾有笑,直至我知道佢halloween開始係咁同個男仔出去,所以我好擔心,我知個男仔係鐘意佢,但我問佢對個男仔點,佢就話只係當佢係細佬咁,因為個男仔細佢3年,岩岩先18......我唔明點解我咁擔心,咁著緊,佢都唔避忌下,我唔知係唔係我對佢黎講已經冇咁重要,但我都信佢真係冇野.....佢見我成日都唔開心,所以問我係唔係因為佢成日都冇咩點陪我,所以咁,因為我地只係得星期6日可以有最多時間傾下計,我話我想佢陪下我,唔好成日都出街,佢話ok,但佢一樣都係咁出.......到左11月頭,佢學校有個秋季舞會,佢話搵個男仔買情侶飛會平d,同我講左好耐,咁我諗住佢都唔會呃我既,咁咪ok囉,佢又話唔洗做d咩,只係就咁入到去就會分開玩,我信的,我真係信佢的,因為佢話過2個人係埋一齊點可以唔信對方,佢話我知佢個partner比人拒絕左好多次,所以當問佢果陣佢又想有人同佢買平飛所以應承左同佢去,仲話買飛只係岩岩撞到.....我都係而家先知完來係佢主動去約個男仔去舞會同買飛.......之後佢地果幾個星期日日都出去玩,我個心好亂,我唔明點解佢唔理下我點諗,我個心真係好痛,我地因為呢樣野嘈左幾次,但佢次次都話冇野仲話我唔信佢,問點解我可以唔信佢......到左前2星期月日,我話佢知我有fd拍左-5年拖都分左手,我好怕我地分隔異地成年,會突然失去佢,果日,我地傾傾下佢講左一句好傷我心既野.......我講笑咁講話"我咁好你唔會同我散既",但佢答我話"吓,你呢d周圍都係架喎",我同佢一齊2年了,2年以來佢都係覺得我最好,冇人可以代替,果下我打擊真係好大好大,我因為呢樣野唔開心左幾日.......到左星期5,佢話我知佢星期6日又要出街,2日都係睇波,咁我咪比佢出囉......上星期6我地又因為信任既問題嘈左1次,嘈左1次大大鑊,因為佢好想結婚,但我係一個有計劃既人,係未能力之下,我唔想結婚住,所以我同佢講我未有諗過住,果陣佢講只要我仲係愛佢,同佢一齊我就會等到我同佢結,只要我想就可以同佢幾日都係埋一齊,我真係好開心的,因為很溫暖........但之後我地講開信任問題,講起果個男仔,我問,佢出面係唔係有第2個,佢話唔係,話我點解可以唔信佢,我問返佢有冇諗過點解我會唔信,佢就話佢做左好多野只係我冇心去聽,但我最介意的佢都沒變,我們又不開心了......到星期1睇佢fd個fb我先知佢只係星日去睇波,星6唔知去左邊,星日佢地仲去玩都冇話我知,我見到佢地d相同個男仔痴得好埋,我個心好痛,但我問佢佢又會話我唔信,我果日呢左係房喊左成日,好唔開心,但都迫自己去信.......星2佢已經話同我分手了.......話我成個星期都唔搵佢,佢係我心目中係一個樂天派,平時既佢好多時第日就冇事,但今次佢幾日都好冷淡,我怕會又說錯話,所以想比大家靜一下,佢話佢每次唔開心都唔係我去開解佢,如果佢係香港的話我一早就攬實佢,比佢感受下我係佢身邊唔好亂諗野,我又可以消除不安.....佢分手既其他原因都係我改了的,佢都知的.......我好無助,唔知應該搵咩人去幫我.......我搵佢既朋友幫我,佢又話我好似癲左咁,令到佢好驚......我求左佢幾日比多個機會我,都拒絕了.......一直問係唔係有第3者先分,佢話唔係,但一直有個男仔係佢身邊對佢好好,話個男仔見到佢成日喊都好唔開心,到散左之後先講佢知鐘意佢.....佢一直唔肯認已經同個男仔一齊,但我睇返佢地去玩既相既回覆,知道佢地果陣已經一齊了........點解到散左仲要呃我既信任.........我好傷心,點解佢會為個男仔變成咁,而家既佢對我黎講好陌生,我已經對佢連朋友的信任都好難有了.....
字太多了,我只係想發泄下情緒,我個心仲係好亂,可能會講到唔知點咁,抱歉....... |
發表於 22-11-2009 10:11:28
變色卡