永恒的 onlline game 由 UO 開始

卓文★♂

按上面只看該作者可爬文

呢個唔係咩推介 POST     最多只係當成一個回憶錄

就等我呢個講故佬  似老賣老   黎講下 online game 的歷史

等一些近幾年玩的網上遊戲的人   多一點認識


UO  ( Ultima online )  網絡創世紀

是外國知名遊戲的 online  版     ultiama 有如 final fantasy  或 華語的"軒轅劍"

UO  唔係ONLINE GAME  始祖    但UO出現之前   所有 online GAME 唔係文字式  就係只有少少插圖

UO  平地一聲雷   唔單只借助左 ULTIMA 的名氣    當然沒有失禮ULTIMA   

更令人稱奇的係    佢把文字式的 " 岸拉驚 "   變成全動態   

這不特只   仲要係如此驚世創作   玩過的都相信從來沒有一隻GAME   可以接近   更不要說超越 UO
(當然  如果你要堅持用畫質做定義的   就無什麼好說了 )

所有所有  就由一個邪惡天才法師開始
http://www.youtube.com/watch?v=rBeA6JHkV1I

全 3D 的片頭    當年 ( 96年) 電腦GAME  3D技術好低  呢個片頭己經好正   而加睇番依然正~!


UO  的主題曲   充滿中世紀  黑暗時代 FEEL    充滿神秘  充滿神話   係經典主題曲


這是弦樂版  很動聽   有點蒼song感  good feel  http://www.youtube.com/watch?v=FtmGBFRUPuk&feature=related

後補 : UO 中文資料網  UO大魔道 http://www.alanstudio.hk/uo/

未接觸過的   可能會話    " 咁多年前  做得D咩好野出黎丫    唔好吹咁大啦  師兄 "

跟住落黎帶大家回到當年的  ONLINE GAME    世界


當年我玩 ONLINE GAME  用的唔係寬頻  當時民用的   跟本未有寬頻服務     只有商業用才有   也很貴

果時上網用的  是 56K 撥號上網    當然也有 28.8K 不過都少人用了     
( 用果時的上網能力  開現在 DISCUSS的首頁  或許要一個鐘  [[bao_19]]  )

你唔好話而加D 寬頻貴    就算你用到最貴個月費都唔夠當年誇張
撥號上網  第一,   佢會佔用一條電話線   即係上左網就聽唔到電話    所以有電話打黎就會斷線

第二. 上網係每小時計  收 PNET     當年我一個月平均打  $ 800  PNET 加埋一條獨立電話線  
上網費都要  近一千銀     

同埋果時係無免費GAME    全部月費形式     90日 GAME TIME  都要  3百幾
所以當時玩 ONLINE GAME  係好高消費      

卓文★♂

講番UO   

中國有中國的世界觀 ( 我們的武林觀 )   外國也有外國的世界觀  ( 就是龍與地下城的框架 )

一隻集龍與地下城   中世紀  +  古代神話   集一身的GAME  就此誕生


無非做不可的任務   無 LEVEL   無爆機    你可以話無目的   HAHAHA     
(以上其實同做人一樣   UO  跟本就係我們生活的縮影 )

第一次玩   入到去真係唔知自己想做乜   無人帶你就會 ON 居居   當然要上網學下啦   

但佢自由度之大   計設之精密 和複習   現在的玩家  係想像唔到的   之後再慢慢為大家介紹

卓文★♂

< 技能初篇 >
無 LV   唔代表無強弱     用 LV來做一個強弱指標   到現在還是很多GAME的主流  

一個又笨又辛苦的制式   不明現在寫GAME的   為何還不放棄

UO 用黎代表強弱的  只有技能      GAME入面有林林種種的技能   約70種咁上下  唔太記得了

每一個人  都可以學任何一種技能     基本無指定的職業制度   要學乜隨得你

你可以是戰士又係魔法師       可以係魔法師加弓箭手    也可以係重擊手加剌客

甚至馴獸帥 加魔法師  加遊吟詩人 加 打鐵佬  加斬柴佬   集於一身都可以
( 你無睇錯  當年就己經有馴獸呢家野玩   仲算係最強職業   因為連最強生物 " 龍 " 都可以馴   有龍在身邊  PK 都唔敢搞你 )

當然你要集咁多技能於一身   就會周身刀   但無把利   唔夠精啦   

你的職業係由你技能決定     你那一種技能最強   就會變成那一種職業  
例如你弓箭術 70   你名字會寫住"弓箭手"   但當你把劍術練超過箭術   你職業名號   就會自動變為  " 劍士 " 係咪好有趣呢   所以職業並無限制   只係睇你點玩法   有時兜兜轉轉  最後做左法師都唔奇


每種技能上限係  100    稱之為 GM  (很後期改版可以破100, 不過不提了 )

每個人技能點有上限    總和係 700點     

你可以係  7種技能都練成 100    ( 稱之為 7 GM )  係很受人專敬的   當你 7 GM  即是說  你其它技能  都係 0     專業到無可再專    ( 我當年只有 5 GM + 2種 9X )

技能之多   之雜   非常奇趣   
有一種職業相關的  如一個弓手  你要練的唔只係箭術   也要練埋造箭   
而且無論你做咩職業  或多或少都要學D 魔法    最少練到 40     能夠自我傳送    如果用對腳走   地圖大到你會發顛

技能有趣的地方  唔係你學左咩有幾勁能夠有幾好打   而係多而雜   有有用的   也有無用的    也有超無聊的

GAME  入面   幾乎無一樣野你都可以造到出黎   即係乜都可以親手造   只要你有相關技能就可以

最為人所知的  就係你身上所有的裝備和武器    都係由人手打造   店入面賣的  都係一般貨色   人造之物才是傑作

卓文★♂

當你打鐵和造甲 練到  GM    你所做出黎的每一件作品唔單只優質   也會刻上你的名字    變成一個名牌~~   其它人點在你作品的用家身上  都可以睇到到你個大名   之後會有好多人來找你買裝備  很是威風   但要練到GM 所花心血也同樣地多     由於乜都可以造     當年又點會出現被騙裝  被爆A/C   之後就去跳樓呢D白痴野發生呢    跟本係笑話  
只要有技能在手   兩三下手勢   又一件新作品   (裝備跟本唔係影響實力的主要因素 好多人連甲都懶得着, 一把劍  一個盾  赤身就去打都大有人在 )    自己唔識   咪叫朋友造比你用囉    我去採礦  你就打鐵  分工合作   果時玩GAME  好多交流架      圍威喂 好好玩架   
      
講番技能   之前講到技能又多又雜  有d仲好癈好搞笑

最經典的 無聊技能  非 "乞食" 莫屬     乞食  就聽己經好白痴   真係經的仲白痴   當年我都做過呢樣白樣行為

就咁睇唔明有乜用   其實係用黎向 npc  乞錢    傳說話 "乞食" 練到 GM   馮乞必中 有 $ 100   就因為呢個傳說   有一陣時期  

好多人一上線乜都唔做   一日追住D  npc  乞錢    我自問乞到技能 70  間中都會乞到 $ 10    但己經忍受唔到   放棄左     真係唔知有邊位有能耐  去印證到呢一個傳說 ( 更可能係謊言 )

卓文★♂

另一個同樣無聊的技能   驗屍     可以話有用  可以話無用   目的只係看地上條咸魚   係咩人經手     無論人  怪  動物  死左之後都會有條屍在地上一段長時間   

再一種無聊之技  非通靈莫屬     UO 所創的生死制很有趣也很特別     人死左屍在地上  但會靈魂出曉    你要把靈魂跑會去 回復師   找它幫你翻生
多話回復師 NPC  在城入面    也有在野外     小數在地下城中      但一般只在大型地下城才有機會死    死左除左講野同用腳行路之外   咩都做唔到
你的世界一片灰色   好似黑白相片咁    你唔說話   玩家完全睇你唔見   你講野時就會出現在人前    但人鬼殊途   你講野時玩家只能看到一堆 OOooOOoOoOOOOoo  跟本唔知你 up 乜     但只要你有"通靈"    就可以看到變左靈魂的玩家 up 乜喇    係咪好無聊呢   
( 強調當時係可以開住 ICQ  一邊打一邊傾的  , 死左即刻 CALL 高級魔法師朋友來翻生啦   所以會練"通靈"果位個腦一定有問題  或者係超級無聊人 最大問題係要對住一個死人講野才能練   唔通找個朋友會特登死左佢  再企係度   比你日日對住練通靈咩    但聽過有玩雙 A/C的人會咁做   比多個A/C  月費做呢D事.... 醒目.......    )

卓文★♂

<生活篇 >

UO   係和真實一模一樣   有白天  有黑夜     真係黑到乜都睇唔到  如沒有照明工具或不會魔法  寸步難行架  

不過可以看住個雷逹來走   只怕有時拖住一條火車咁多怪而不自知

GAME  入面   所有野都可以做   所有野  都係實物     掉左佢  會跌在地上   很久才消失   

所以千祈唔好做  垃圾虫    會比人 Q#$^#%&@!      每一件物品都有 ID    太多垃圾    SERVER  會 LAG 機    所以會比人鬧

56K   不能處理太多


當你選左 SERVER   選埋出生地之後   就從此誕生

一出世   個袋得 100 蚊    有一把小刀     一支爉燭    係咁多

剛開始唔識玩   嗱手唔成世   都唔知做乜好    看看網頁  知到 UO 就同你生活一樣   只要你用少少想像力   

就咩都可以做得到   

我先拿着小刀   向最無殺傷力的 rabbit  動手   殺左後   打開條屍乜都無     米走住........按兩下小刀

指落條屍度   咁就切左一塊肉出來     但係..........生架喎     按兩下小刀   點一點棵樹    就刨左幾條樹技出黎

生左個火   點兩下塊生肉   去個火度  燒熟佢.......唔.........聞到香味    正      有時會燒焦   不能食用   這個和廚師技能有
關       吃飽了做咩都有氣力    ( uo  有饑餓度   但係看不到的 食野時會話你知食飽未   食唔飽........唔會死o既  也唔會扣血  但做咩都唔靈  好易 miss  好易失敗   所以食物都幾重要 )

有氣有力  去打d小鳥玩下先    照版煮碗   劏屍後除左鳥肉  仲有羽毛    殺豬  殺牛  好多好多  會有皮

最得意係 棉羊    千祈唔好殺   因為會好浪費     只要點兩下小刀   就能剪下佢d羊毛  過一陣會再生番出黎  

之後走去織布店   在紡紗機能把羊毛紡成紗  拿着紗線   再過去織布機   就能織出一匹布了


哈哈   太好喇  照教學所說    我終於有自己第一匹布了    有咩用呢    在店入面順手買一把剪刀   把布剪成了布塊

把布塊再剪成  崩帶   我終於有自我療傷的用品了   不過先練習一下  初初總是失手   練了一會技能上到 20   haha

有所小成  能成功了    即刻跑番出城   開始找一些邪惡生物來試試    就由最弱的  mongbat 開始   惡戰幾回合   

殺掉小妖   大開屍物    呵呵   終於第一次打到金錢了    但小刀畢竟太弱   反復打了十多隻   有少少錢    去武店跑了一躺

買了一把短劍來威風威風     嗯嗯...找隻狼試試劍也好     一打之下  由於劍術未精   幾回合下來己傷痕累累   只好放棄回

城   經老手教導   城中兵營原來有練習人偶   可把各戰鬥技練到上  30      完成後再找惡狼一雪前恥   果然有脫胎換骨之

感    戰士之路就由今天開始了........   打了又打  發覺老老實實的埋身肉搏   不太化算     不如玩玩遠程    經一些善心人

教導  去武器店買了一把手斧   當起一個樵夫來   伐木技越上升  斬下來的木頭就越多  ( uo 你拿什麼 做什麼  你就會上升什麼技能  拿著挫頭就會升採礦技 )

斬了一大堆   換了小刀把木頭削   了一把木弓    把餘下的所有木材  削成一堆箭支

事前己經打了很多小鳥   儲起很多羽毛   把羽毛裝上箭支   就變成可以使用的木箭了   yoo~~

今天開始   換成箭手玩玩吧     ( 不要忘記  uo  係很真實的    發出去的箭如射不中  會跌在地上  可以搭回來再用   殺死怪物後   也可以把插在屍物上的箭取回再用 )     

箭技開始精湛  發現總有點不像樣   所謂騎射騎射   射箭當然要騎在馬背上啦     

經資深箭手教導   要一匹馬不一定要用錢買     你可以親自馴回來自用  @.@

聽了一面驚奇   如何辦到 ???  己花了不少時間練箭    不想花太多時間在一些很像很悶人的事情上   

他即回說  : 要練技  不一定要由零開始練起    你都己儲了少少財富   只要花幾百元   就能在相關的 npc  請他傳授技能

最多可以把你提升到  30    省回不少時間    ,  我即時飛奔去 隔離小鎮的馬房   請求馬伕教導  
( 當年 UO  和 NPC  交易和做任何求教   都是以對話才能做到   
無錯  即是你要打字和 NPC 說話   這個創作真是很神奇    不像現在企在 NPC  點他兩下  
就會打開菜單來    試問我們   走去麥記   用手點員工兩下    你認為他會知你想做什麼嗎 ??   haha )   

見到 馬伕  對他說 hi  teach   他就要求 300元學費   給了他錢

後   我馬上就學會了差不多30的技能      帶著半生不熟的馴獸技能   左馴馴右馴馴   

練到 4x   在馬兒反覆溝通溝通   突然聽到鳴叫   他己認定我為他的主人了   

呵呵呵   大爽了  ~~~~  原來騎在馬上奔馳   是這麼快  這麼爽的     

現在玩騎射  就算打不過   都一定能逃得掉   yeah~~

記得老手教過   馬兒也要吃東西   立刻回去買些不值錢的干草  蘿蔔   一起出去井肩作戰   
( 馬兒如果太餓  可能會從新野性   不再服從你    和拋你下馬的    所以要視它如子女般照顧呀 )  

從此就騎在馬背上  當起遊俠來了

卓文★♂

< 主僕篇 >

騎在馬背上四處遊闖  閑時也不忘下馬找動物練練馴獸技巧  己升到 60之多   

這次來試試從前幾番失敗的 陸行鳥 ( 其實樣子是速龍  有溫馴的  也有凶惡帶攻擊性能打架的 )

失敗了幾次  堅持再堅持  良久......吱吱吱     hahaha   成功了    馬上跳上去騎著跑了幾圈  

來去如風   速度絕不下於馬兒   本想和 BB 說再見  絕塵而去  但和BB  出生入死這麼久

牠不只是坐騎  是戰友  也是兄弟   ( 所有寵物馴了都可以給牠起名字的  什麼都可以  UO世界

什麼都是用說話做溝通   和NPC如是   和寵物也一樣 )   我回頭一望   向著牠高呼一聲   BB  COME

本已捶頭喪氣的馬兒   從現神采   知到主人并沒有放棄他   之後我把 BB 帶到城填的馬房  給小小錢

馬伕幫我照顧   我在馬房還養了一隻 rabbit  和一隻小狗    間中會帶它們一起去散步呢
( ONLINE GAME  可以做一些好有趣  或無聊的事    但不應是只有衝等升呢  現在的GAME 樂趣真是一種大倒退 )

而我有時也會回城  換BB  一起出去   并肩殺入地下城  勇闖蜘蛛堡

卓文★♂

< 魔法篇 >

不知不覺  箭術也到逹 8x  雖未算箭箭穿心   但也近乎百發百中   所以每當經過路旁小屋

就會看看有沒有玩家造出來優質靚弓    手上就換上一把優質的十字弓後   從此移居地下世界 T2A

世界分為  地上大陸和 後來的 T2A    它和地面一樣宏大   但分別在於  T2A 的邪惡生物數量很多

四處遊走   而且城鎮很少    完全是有野外求生的能力才容易生活    但作為遊俠的我   又怎會害怕

T2A  世界樹林密茂   初初很難認路   迷路是每天都會發生的事情   


在認識了一位香港的老手   經它指導下學起了魔法來    ( 無錯  魔法並不是魔法師的專利  UO 沒有

框架  沒有限制   你想做什麼就可以做什麼  )   它說魔法共分 8 環  = 8級     每一環都有8種魔法

共 64種   但當然你如果不是魔法師   很難練到最頂環的  復生術和召喚術  


但每一個人都最基本要把魔法練到 4x 能使用第 4 環魔法    因為遊戲中最重要的  recall  傳送術就是第 4 環

( recall 是把自己傳送去  刻有傳送地點魔法小石 的目的地    先去魔法店買空白的 魔法小石 rune

再跑去你的目的地上  使用第 6環的魔法 "MARK"    就能把自己企著的地方刻記下來   下次只要在其它地方使用  recall   就會立刻飛過去   超方便       如自己沒有第六環就請法師幫幫你忙 mark 地點吧 )

魔法也有另一個很直接的系統   就是使用魔法卷     可以使用比自己能力高 2 環的魔法   但這是消耗性的

用一次少一個  也比較貴     但就算自己只有使用 4環的能力    也可以使用一次失的 6 環魔法卷   所以魔法能力不高的戰士

也可以走遍整個大地做 MARK  座標    方便日後傳送自己之用     

MARK 了座標的RUNE   除了使用 4環的 recall 外    也有第 7環的   moondoor  月門     月門係可以提供一大群人走入去傳送

只要法師月門一開   十多秒內   可以給一大隊人馬進入     這是公會戰不可少的魔法  突如其來的大軍壓境     又或是在地下城   突然出現的 pk 集團    都是月門使用最多的一類人    所以在地下城突然  身旁打開了一個月門     都會心裏一寒    不知會否跑出一大堆 pk 來   


魔法師在外國  龍與地下城世界觀中  是一個很強大的職業   你看看魔介的 "甘道夫" 就明

魔法的使用是要消耗魔法藥材的  (不像現在只扣 mp 就可以使用魔法  uo既使用mp 也要消耗藥材 )

而每種魔法消耗度都不同    大至由  2種 ~ 4種不等  雖然魔法藥材會在打怪時拾到小量   

但多數都要在各城鎮魔法店購買   有時會看到很多魔法師在店裏爭相搶買藥材的情況    而店裏賣的數量是有限的   賣光就要過一段時間才會再供貨    很是真實  

人多的server  多數會出現炒賣藥材的情況出現   看來魔法師之路不易走呢   幸好我是遊俠  

四處都是樹木  小鳥    沒有箭   隨手也可以造出來    真是比魔法師幸福多了


在魔法店中的魔法卷  只賣到第 4 環   5~8環的要去打很多不同的高級魔物收集回來  要集齊全套 64種  也要花上一段時間呢    只要把收集到的魔法卷放進魔法書內   以後自己就可以使用    不放進魔法書內就使用    魔法卷就會是一次性的消耗品      


通常魔法師的謀生副業  多數會時   抄寫魔法卷的 "抄寫術技能"   和煉各式藥水的 "煉金術技能"  

因為師法師  使用魔法每次都要耗用藥材    初出茅廬  打中低級的怪物   根本扣除收獲上每打一隻扣除收入  都要蝕錢的    所以沒有一隻主角色養活的話     就必須找種副業增加收入   才能生存下去   

抄寫術 -  是把自己收集到在魔法書中的各種魔法   抄寫出來做魔法卷給戰士們使用

煉金術 -  就是把各種魔法藥材  調製成各式藥水飲用     更可以煉毒 和炸藥     
( uo 入面很多技能環環緊扣   和煉金術有關的   又有塗毒技能   可以把毒藥塗在各種武器上
最高級的劇毒   是見血封喉   有時就算剛好袋中有高級解毒藥也要飲上好幾支才能解   但在短短三四秒之間   往往你未能成功解毒   己經命喪黃泉    所以一個出色的煉金術師   又練上高超的塗毒技能   往往能認識不少  三教九流   三山五嶽的人馬   向你求助製造劇毒兵器    公會戰也時會用到    是一們很有交際能力的職業   但塗毒技又是很特殊的   在練技過程常常都會自己中毒身亡   所以都會在  npc回復師旁練習
很是有趣 )   

煉金術的炸藥還可以製做陷阱    一個出色"工藝術"的工匠可以造一個高級炸藥 + 劇毒的箱子     一開必死   永不超生      uo 裏面的各種採集系和生産系之多種和複習性    是由從前到現在都未有一隻遊戲能學得上的超級系統     以上只是說了幾種   還有林林種種     正所謂行行出狀元    就算乞食練到 GM  相信也可以出人頭地   所以要說上各種技能就說上三幾天也未必可以說完    有空再暢談更多的經歷



以下為UO各項主要技能:
- Alchemy鍊金術
- Anatomy解剖
- Animal Lore動物學
- Animal Taming馴獸
- Archery弓箭
- Arms Lore武器學
- Focus集中
- Begging乞討
- Blacksmithy打鐵
- Bowcraft製弓
- Bushido武士道
- Carpentry木工
- Cartography地圖學
- Chivalry聖騎
- Cooking煮食
- Detect Hidden
- Discordance失調
- Evaluating INT
- Fencing 西洋劍
- Fishing釣魚
- Veterinary獸醫學
- Healing治療
- Hiding隱身
- Inscription抄寫
- Item ID鑑定
- Lockpicking開鎖
- Lumberjacking伐木
- Mace Fighting鐵鎚
- Magery魔法
- Meditation冥想
- Mining 採礦
- Musicianship音樂
- Necromancy死靈
- Ninjitsu忍術
- Parrying盾防
- Peacemaking和平
- Poisoning落毒
- Provocation挑撥
- Remove Trap陷阱移除
- Resisting Spells魔防
- Spell Weaving秘術
- Spirit Speak通靈
- Stealing偷竊
- Stealth潛行
- Swordsmanship劍術
- Tactics戰略
- Tailoring裁縫
- Tinkering鎖匠
- Tracking追蹤
- Wrestling 拳術
uo m群  group200398@msnzone.cn   (add完要打 loadup)

Linc

真係好想試下 真實過依加d online game 好多 [[bao_36]]

landscape2

我記得個時我表哥 賣d放房屋的公仔    唔知幾多usd
仲有我記得佢地個時好似每次更新重新開server個時
都會有d裝定物品  比人汁(搶) 好似仲係好好的野黎