本帖最後由 珍尼妹 於 30-12-2009 04:49 編輯
你係唔係沖涼 D 水開得太熱呀? 唔好開禁熱呀, 雖然甩皮係屬於正常現象, 但甩到變紅腫痛就唔係幾好囉, 因為傷至真皮層會有疤痕嫁!
沖完涼後要做番 d 護理工作, 不過見你生暗倉生到會分泌黃濃果 d 禁毒, 十成同你衛生同飲食習慣有關啦, 就算當你唔係成日食煎炸野, 會唔會係你屋企人煮 d 野食好熱毒呀, 例如成日整波羅, 蝦, 蟹同雞果 d 比你食, 又會唔會係你成日食肉唔食菜? 得閒就飲多 d 涼茶啦!
同埋你要勤洗面啦, 其實攞 d 洗面奶去洗下塊面就得嫁啦, 不過千奇唔好用 d 有薄荷成份既洗面膏同就咁用番梘或沐浴露洗囉, 因為果 d 會刺激到你 D 皮膚囉, 要用 d 溫和 d 既洗面奶 (e.g. LAVIE) 去洗你塊面, 洗完面後兼且要洗埋你用完既果條毛巾呀! 唔好成日搵隻手去掂 d 暗倉, 同埋一流汗要立即搵紙巾抺走佢, 特別係額頭果 d 位置呢
我個人生暗倉既處理情序係咁既: 首先用熱水洗一次面先, 之後用凍水再加洗面奶沖洗
直到你暗倉好番, 先至好用護膚品去護理你 d 皮膚, 你薄薄地咁搽番 d Neutrogena 晚霜就得, 但就唔好用 OLAY 啦, 因為你皮膚油, 皮膚如果成晚唔通爽, 感覺好似比層好厚既油鋪係塊面到, 咁樣係會滋生細菌, 甚至因而再生暗倉, 情況還會一發不可收拾 tim 呀!
如果你想頭髮變直既話, 你就用直髮器啦, 我個人首選用 VS 直髮器
重申重點: 一有暗倉, 要立即停用所有護膚品和化妝品, 勤用洗面奶洗面方為最緊要! |
發表於 19-12-2009 17:34:10
變色卡