本帖最後由 珍尼妹 於 29-12-2009 03:01 編輯
我係一個女仔, 讀男女校, 我想各位戀板既朋友 (我知戀板大多都係男仔) 睇完之後話比我知
1. 我份人係唔係真係好兄弟 feel,
2. 其實我性格有咩原因導致我到而家都無男朋友,
3. 在下文我所提到既兩個有好感既人, 我係唔係已經遇到我真係愛上左既人?
4. 我係唔係唔適合拍拖
um, 我其實今年已經成16歲, 從來都無拍過拖, 我短頭髮, 但我唔係 TB,我唔係生得靚, 身材唔係好好果隻, 朋友個個都話我個樣好細個, 覺得我似 F.2 - F.3 (但我今年 F.5), 佢地覺得我好 NEUTRAL, 講野好直, 份人都幾真, 又唔係好物質主義, 語氣普通, 但行為都幾粗魯下, 脾氣時壞時好, 我嬲果陣時會講粗口, 不過好少講dIu, 都係 DiNG , SH!T 果 D 啦, (不過我會係成班面前發火, 因為我控制唔住, 關於老師果d麻煩野呢... ) 我又唔識亦都無天份去發姣, 扮可愛果 d, 朋友覺得我係專注係讀書方面, 讀書壓力好大, 好少出街, 我同男仔既相處方式同女仔既一樣, 態度唔會變, 同男仔講野態度唔會變斯文, 但同女仔講野我就會斯文番少少啦(即係盡量唔講粗口, 講野細聲番小小.... 變化話真係禁大), 我又唔係幾鍾意比人幫同安慰, e.g. 有時候天氣好凍果陣, 有男肯除件外套比我嬲著, 但我又唔會接受; bbq 我自願拎炭, 有男幫但我又唔想比佢地幫; 有男幫我拎重書包, 我又唔會比佢拎, 我喊又唔想任何人黎安慰我,
雖然小學, 初中果陣都試過分別比兩個男仔追, 有喜歡既, 但又唔係好想發展關係, 因為要讀書考試丫嗎
其實好多朋友知道我對男對女都有好感,
um, 其實我都唔識分自己會唔會話愛上左某人, 不過對於一 d 我本身好鍾意好鍾意既朋友,
對於其中一個女: 我好留意佢, 因為佢讀書好有才華, 我會想保護佢, 唔想佢有男朋友, 就算有都要係我覺得順眼既, 佢有時天氣凍打個黑痴同咳, 我個心都會好擔心佢地, 驚佢地病, 有時甚至見佢同異姓傾得好投緣, 我個心又會擴得好大, 好多血bump去個腦度, 成個身都好韾, 耳仔都紅埋, 又唔係嬲既, 唔知係唔係呷醋呢, 總係覺得周身都好唔自在, 好痕好痕咁啦,
對於其中一個男, 我同佢交情一般, 但已經係最有好感既一個, 我成日留意佢, 因為佢個樣真係生得好型, 好襟望, 有次同 d 朋友一齊討論, 傾到話佢識到自己鍾意既女仔同自己姓名既尾字一樣, 自己個心又會覺得好不屑, 耳仔紅左, 但唔係好想理咁, 但過一陣又無野
我 christmas dance有膽邀請自己有好感既男仔跳, d 朋友聽到我點邀請佢又會wee 話鬼叫,
無膽邀請自己有好感既女仔跳(係因為唔認識佢),
我亦都無膽表白,
係因為我仲未搞清我係唔係真係love佢地定還是simply like佢地,
同埋我發覺如果真係要我同一個自己好鍾意好鍾意好鍾意既朋友一齊過十日我都已經好悶好悶好悶... 所以如果將來我有男朋友, 我都唔介意佢同自己本身喜歡既女仔朋友出街, 亦希望佢會比我同我喜歡既男 & 女性朋友出街, 費事困死哂大家丫嗎, 總之知道自己係邊個邊個既男女朋友就得嫁啦, 我係唔係唔真係適合拍拖?_? |
發表於 29-12-2009 02:57:53
變色卡