只出過幾張唱片的林峯前晚於《勁歌》奪得亞太區最受歡迎香港男歌星獎，領獎時被噓，有網民指其受歡迎範圍只是由「亞皆老街至太子道西地區」，無綫此舉可謂愛佢變成害佢。
「我自己上到台都呆晒」
林峯出席慶功宴時被問到是否太快得到此殊榮？他說：「我喺 TVB十一年都儲咗好多香港以外嘅人投票，點都會有唔同聲音，呢個獎證明自己喺音樂上有貢獻，我唔係淨係拍戲。」林峯表示上台聽不到噓聲，他說：「我自己上到台都呆晒，聽到有反應，現場乜嘢聲都有，但係聽唔到噓聲。」
之前有指無綫原本想將亞太區最受歡迎香港男歌星獎頒給有無綫契仔之稱的李克勤，據知身為環球旗下歌手的他拒絕出席領獎，因而改頒給林峯。
由於四大唱片公司歌手缺席，故令其他公司的歌手得獎機會大增，林峯承認對賽果會有些影響。當他離開慶功宴時，一眾 fans即高舉「實至名歸」的大字牌，他興奮得於酒店大門前開香檳慶祝。
無綫高層樂易玲目睹愛將林峯得獎時感動得眼濕濕，她認為所有《勁歌》得獎者實至名歸，更指聽不到林峯被噓，她說：「吓！咁開心，我聽到好多人拍掌，你哋可以去翻查分數。」
另外，陳奕迅（ Eason）昨日出席港台活動，問他對《勁歌》賽果是否感到很新鮮？他說：「我以觀眾角度估賽果，我都有估林峯得亞太男歌手。我都有諗會唔會頒畀我，食食吓飯，有人送個獎嚟我屋企，咁就真係好 surprise。」
Eason：有冇西半山歌手
問 Eason會否覺得林峯得到該獎會太快？他謂：「冇話快唔快，但係我知佢係受歡迎，我記得以前呢個獎係冇分香港區，我係諗如果有分，咁會唔會有台灣或者西半山歌手呢，咁樣又可能太 detail，我記得有段時間呢個獎都係由四大天王攞，佢哋真係有資格。亞太區咁大，其實其他地方歌手係咪應該都有資格角逐呢？好似庾澄慶同孫楠咁，我好明白製作單位，但民意都好緊要，如果未有資格攞，咪攞住香港區先囉，不過相信都要慢慢嚟。」
採訪：王連連、胡比、藍文浩
攝影：陳俊強、黃文成
一網講盡：網友狂轟未夠班
07年才加入樂壇的林峯，去年開完個唱，前晚在四大唱片公司歌手缺席下，極速在《勁歌》奪亞太區最受歡迎香港男歌星獎，遭網民狂轟未夠班。
Rachelmay：頒獎畀一個未夠秤嘅自己人，唔單止害咗佢，亦都損害咗自己頒獎禮嘅權威性。
盤媽洞：亞太區男歌手——亞皆老街至太子道西地區男歌手。
kinki2462000：呢啲正式叫「升上神枱」。
devil：離晒譜，林峯攞亞太係對以前攞過呢個獎嘅男歌手嘅侮辱。
ch08ok：講真林峯唱歌真係 OK，但呢個獎對現今嘅佢來講實在有點兒重。
鴨仔 2009：佢都係俾人擺上枱啫，喺 TBB同四大嘅鬥爭下壯烈犧牲。
友門 16：其實十大勁歌總選已經變成《無綫英皇聯歡晚會》，林峯身為無綫藝人，再加上係英皇藝人，唔頒畀佢仲可以頒畀邊個？
ayu2010：他們成為 2010年《十大勁歌金曲》之最受 620歡迎歌手獎。
羅馬王子．托迪：一個連台灣人都唔識，都叫亞太區最受歡迎？
healchu：未來四大天王：林峯、黃宗澤、王祖藍、吳卓羲。
billybu：我估林峯都唔想要，因為會俾人笑死。
資料來源：香港討論區 
佢係有實力既
發表於 18-1-2010 20:35:04
變色卡