Eason窒完祖兒寸 TVB

near813

容祖兒前晚成功挫敗陳奕迅（ Eason），奪得 09年度的傳媒大獎，在四台頒獎禮中共捧走 19個獎，成為終極大贏家，還不忘說風凉話：「其實我心中好恨同佢（ Eason）一齊攞。」慘敗的 Eason表面沒不快，卻暗寸祖兒之言是做戲，句句有骨落地，大彈祖兒得傳媒大獎時氣氛不及他往年捧該獎時好，之後又窒無綫不刪四大唱片公司歌手演出足本播港台頒獎禮，反而對收視有利。

第三度得傳媒大獎的容祖兒，對上一次得該獎是 04年度，她前晚在港台舉辦的十大中文金曲頒獎禮後台接受訪問時說：「隔咗幾年再攞，好似同好朋友好耐冇見，有久別重逢嘅感覺。」祖兒表示其唱片公司會加人工當獎勵，她說：「減抽佣囉，可以當食餐晏仔啦。」

放大圖片

祖兒與陳奕迅分別做訪問期間又忍不住互窒，認真忙碌。

放大圖片

英皇慶功宴上，祖兒和阿 Sa等人與高層舉杯慶祝。

「我攞咁多年氣氛都好好」今年容祖兒與陳奕迅爭傳媒大獎爭到你死我活，現在成功打敗勁敵，祖兒說：「我同佢係劇情需要鬥氣，大家螢幕拍檔，製造緊張氣氛啫，難得男女歌手爭持，大家又係好朋友，我同佢講嘢都係恃熟賣熟，其實我心中好恨同佢一齊攞。」頒獎禮後祖兒先在紅館外與 fans開香檳，之後再與英皇其他歌手到尖沙嘴慶功，全晚風騷之極。
另一邊廂的 Eason雖然表示不會因輸獎而失望，但卻明顯強顏歡笑，說話更有骨落地，他說：「我要大會畀個耳機我聽成個頒獎禮，反而覺得頒傳媒大獎時氣氛可以再勁啲，我攞咁多年氣氛都好好 o架，可以加啲打鼓聲，氣氛會更好。」
Eason又特地向記者詢問自己與祖兒的總得獎數目，知祖兒今年共得 19個獎而他得 16個獎後， Eason奸笑說：「哈哈，我好似其中有一年攞 21個喎。」有記者笑謂：「好叻呀你。」他即答：「使乜講。」當時在他身後接受其他媒體訪問的祖兒，得悉 Eason說她未能打破其紀錄後，尷尬一笑， Eason得戚地說：「下年努力啲啦，年輕人。」祖兒即忍不住反擊說：「畀你摸吓吖。」 Eason睩大眼笑謂：「個獎啫。」
薛凱琪食白果尷尬合照

談到祖兒謂渴望與 Eason一起得獎， Eason面色一沉瞪向祖兒，然後寸祖兒做戲，他說：「唔使咁嘅，佢啲戲呀，我成日同佢一齊拍《神經俠侶》嗰啲。其實唔啱數，點解佢攞獎要話我請佢食飯，應該佢請我食飯，起碼要食新同樂。」
無綫與環球、華納、 EMI及 Sony四大唱片公司因版稅問題鬧翻後，早前轉播商台《叱咤》頒獎禮時，刪去四大公司歌手獻唱的部份，引來外間詬病，前晚無綫足本播港台頒獎禮， Eason不忘寸 TVB說：「受惠嘅係觀眾，都幫到電視台收視，多啲歌手出現收視會好啲，唔只係我，四大公司咁多歌手，觀眾想睇多啲唔同歌手演出，多謝 TVB，今年都冇機會多謝，家多謝 TVB同港台群策群力。」
Eason全晚狂掃 6個獎仍然心有不甘，可憐薛凱琪食白果仍要着得靚靚坐足全晚，還被要求與其他得獎藝人大合照，即使表現有點尷尬，仍甚具體育精神。
去年得傳媒大獎的謝安琪（ Kay）昨日出發往孟加拉探訪前，談到前晚僅得兩個獎敗給祖兒，她強調心情沒受影響，她說：「我對獎項睇得好淡，亦從來唔諗贏輸。」提到 Kay頒獎給祖兒時，祖兒黑面說多謝， Kay說：「冇呢件事，佢好開心，成個騷好好睇，又有得睇學友，難得見到學友出嚟唱歌，我都會繼續努力。」

港台盼四台合辦頒獎禮此外，港台十大中文金曲頒獎禮大會總監馮偉棠和製作總監周國豐前晚接受訪問，指明年樂壇頒獎禮由港台做召集人，他們會提出四台合辦一個頒獎禮，其實張學友多年前已提出此建議，惜一直未能成事。馮偉棠說：「呢個係終極目標，最大問題係廣告方面，相信 4、 5月開會時會傾。」周國豐坦言若無綫跟四大唱片公司的版稅問題屆時仍未解決，四台合辦頒獎禮有一定困難。問到亞視等傳媒有意辦頒獎禮，未來會否變成七台聯頒時，馮偉棠指部份傳媒暫時難有代表性，故要再研究。
採訪、攝影：魯萍
唔明點解joey可以攞咁多獎

黑色彩虹

唉,英皇邊個唔比面姐