賺夠首期買千萬豪宅 Baby旺桃花誠徵熟男

near813

Angelababy深明桃花旺即人緣旺道理，要努力賺錢供樓的她，揚言歡迎桃花多。

Angelababy去年闖日及拍片，密密搵錢，她大前晚在北京出席公司活動時，表示已賺夠心水千萬豪宅的首期，並期待來年繼續桃花旺，更公開表示希望找到會處處體諒她的成熟男友，擺明將 o靚仔型的舊愛陳偉霆棄一邊。

熊黛林、 Angelababy、周汶錡及姚予晴等十多位名模，日前齊集北京，為所屬的模特兒公司 Style北京兩周年紀念撐場。之前在的士遺下手袋的周汶錡，銀包身份證仍未尋回，只能以護照入境。

稱人望高處

放大圖片

Style老闆 Kim（右二）率領旗下模特兒在北京開派對。

一身螢光黃色的 Baby最為搶鏡，她去年密密出騷、拍片，大賺特賺， Baby說：「好開心，已經賺到首期買樓，目標係一間 8位數字嘅樓，人望高處嘛，所以要更加努力。」年近歲晚，風水師作了不少運程預測， Baby對此說：「有風水師話我虎年桃花旺，我每年都有買桃花，桃花即係人緣，希望多啲人鍾意我。」她謂若有人追求，都會考慮：「啱都會考慮，但要就到我飛來飛去，兩個人之間唔使成日見，傾電話都得，不過佢要負擔到咁貴嘅電話費，我鍾意成熟啲，因為呢行好多是是非非，真同假都要好大嘅容忍度。」

黛林愛任性

放大圖片

（左起）周汶錡、戴小奕及熊黛林齊為公司周年紀念撐場。

熊黛林正在番禺趕拍《我的野蠻女友 2》，她開心透露可以在片中任性曳曳，重溫少女時期的心情，她自言任性時都愛唱反調。她說：「任性係女仔嘅專利、特權，始終女仔係俾人錫嘅。」問她會否看是誰才發脾氣？她說：「我唔鍾意咁易俾我恰到嘅男仔！」不過她謂適當時候都會哄回對方。她拍過的幾部片都以喜劇為主，熊黛林透露最想演慘情悲劇。
採訪、攝影：曾小嘉

o靚模賺好多錢$ $