本帖最後由 路邊食人花 於 30-4-2010 20:24 編輯
前言 :
首先呢 呢篇文係防止wiz既朋友們會在這邊開post指摘brd罷打的
所以本人預先係度發文 以解釋一下前因後果.
前言講完,入正題.
有關一直以來BRD有時會全員走場既情況其實都已經唔係新鮮事
但有感近期BRD對WIZ走場既情況十分嚴重 所以我入場睇下咩事.
因為一隻國戰GAME不斷出現罷打情況既話,相信不久之內就會收皮.
我十分理解WIZ現在既情況 因為BRD部份人士也都經過被罷打既時期.
根據本人戰場經驗所得,近日出現所謂"罷打"既原因不出以下幾個原因:
1.人數不足 雖說BRD平日打掠奪人係多 但有時打ARK既話都會出現人手缺乏既情況 導致玩家不足
2.怕輸心態
呢種心態相信大家都可能會有 但係你玩一隻國戰game,
輸係好正常既事 如果你係解釋輸得多無心情打既話,其實
都無可奈何,但係可以將輸既局面逆轉既話,個種落差既
成就感唔係好好多咩?
3.悶
其實呢個理由幾無謂...不過都係原因之一,有人指出話友國
長期出既機體種類都係差唔多,令人有感沒趣,所以走場.有關呢個問題
對面出咩機係佢地既自由 反而brd係度大聲叫對面狗其實係無用既.
不如brd班人用下d可以剋制對面慣常用機既武器或裝備不是更好嗎?
而且對自己又有另一種樂趣.
4.無貢獻/反貢獻玩家
呢個問題三個國家都出現過 但係近日綠國出現既情況十分嚴重
我亦都相信係引致"罷打"既主要原因.以上玩家在戰場毫無建樹,
更甚者會用道具攻擊自軍及故意自殺等等.這種行為十分令人髮指,
影響某方既公平之外,更會令被以上玩家所害者感覺勝者勝之不武.相反
即使辛苦勝利,亦都會嘴炮友國玩家,咁只會引起惡性循環.近日在brd出現的
無貢獻玩家有以下例子: SZONE, DOM 等人
希望GM可以更改遊戲中踢走玩家既系統,以及回復自動踢除表現較差玩家既功能
以還對戰雙方一個公平.
5. 新手問題
先此聲明: 新手和無貢獻/反貢獻玩家係完全唔同既. 但仍然有人會將新手當成自軍輸既
原因,之後走場. 其實現今新手都幾有心玩 , 反觀一些已經到達5角/6角既玩家 其實佢地
既表現可能比一班新手更不濟.基本上新手只要有心玩既話,要追上呢班人根本唔係問題.
好啦,有關近日所謂"罷打"事宜既解釋到此為止,多謝大家如此耐心觀看.以下既部份係給brd玩家既一番說話.
唔好以為brd每個星期都贏....其實一直都來都係贏搶地,同埋靠一班主力幫手.
其他兩國係戰術同機體運用方面早已經超越brd.我看現在BRD攻勢猶如一盤散沙,國戰時各自為政.
每次都有人不理會攻擊指示,令到自軍攻勢不足,前線玩家在苦無支援之下被擊破.
還有,近日BRD既炮機數量過多,對面打贏之後 自己就話對面好狗又點 有無諗過 比對面狗既原因係因為你自己用太多L炮??
眾所周知L炮雖然有強大既攻擊力及射程 但亦會隨著 會先被圍毆,被攻擊判定大既風險.
如果你認為自己一定要用炮既話,我唔會阻止你 因為大家都有用咩機既自由 但同時亦唔該你 交出應有既貢獻,緊隨大隊前進.
如果咁都係輸既話,咁係對面技高一籌,自己亦都無咩好講. 但係自己無盡力,仲係度話人既話 咁係完全無補於事既.
打個比方,一部炮機如果連對空既工作都做唔好 我建議你都係唔好玩炮機吧啦. 呢句野同時適用係現實之上.
平心而言,我希望brd玩家可以更加團結,國戰時唔好個人主義(特別係炮機),多d理會member頻指示,咁先至會長打長有.
最後 再多謝大家咁有耐性睇我寫野. |
發表於 30-4-2010 20:21:28
變色卡