13年既網上神話 - Ultima Online

卓文★♂

wow, 估唔到隻game仲係到 ~我記得以前用56k 玩過
,我以為好似同rs classic消失左
bbman233615 發表於 14-6-2010 03:52

    咁就一陣玩啦=.= pm我地...樓上某人話唔會覺得多人玩~.~" 已經唔想答佢 你慢慢玩d 點數買裝game/ 唔玩吧 不過唔玩都岩人大長返工搵錢比較好....

TraderJoe

上次講到Brother Sharp初黎報到  目前企左係Britain主城既旅館門口
人生路不熟既佢 身上只有1000蚊 一枝盲公竹 一把刀仔同埋一匹布

生活篇 第一章

甘究竟要點樣繼續下一步? 經過深思熟慮之後 決定搵地方先填飽個肚
就係向西行左兩個街口 馬上就見到有間飽店
即刻開門入去睇下先 裡面有兩個店員
Brother Sharp就問句有咩野食賣呀?
點知兩個店員都好似聾左甘 無人理佢 真係極唔得既服務態度
Brother Sharp於是用佢銳利既眼神調查(Single Click)下佢地
就發現原來佢地都係受過專門訓練 只係對某d命令有反應
於是就走埋去 簡單講左聲 Zevida buy (其中一個店員係甘既名)
估唔到個店員即刻有反應 仲第一時間show左成個有咩賣
有齊價錢數量既list俾Brother Sharp睇
哇 唔單止有各式麵包 仲連整麵包既材料工具都有得賣 真係非常特別



於是精明既Brother Sharp就買左2個芝士Pizza即食
另外再打包幾個French Bread方便係路上充飢
臨行之前諗住同個店員乞返兩蚊 於是就對佢使出絕招 - Begging技能
個店員當堂受落 可惜都係講左句佢自己都無錢
原來做店員都甘窮 Brother Sharp都無介意 仲順帶提升左Begging技
一笑置之後離開左間飽店



食到飽哂 下一步當然係裝下身 試問一件無袖t shirt+長褲+爛布鞋點出黎行?
於是就向城南方向飛奔 話甘快又俾Brother Sharp搵到間服裝店
即刻入去睇下有咩款 又幾好bor 有大量中古時代既服飾 連帽都有
不過有樣野好奇怪..無色揀既?! 全部都係一律白裡帶灰!!
乜呢個世界d人甘奇怪 但諗到岩岩經過既路人都係著到五顏六色
細問之後先明白 原來呢度既人買衫係興自己染色既
只要買個dye tub同埋色料 將色料倒落dye tub度就可以調到色
再用係件新衫度染色 真係潮 要咩色有咩色



Brother Sharp簡單買左件粉藍色無袖長身衫 一頂型爆straw hat
再加一對皮靴 快速換過裝+乞米後 又再展開冒險之旅
Britain真不愧係第一大城 一路有大把新奇得意既野賣
不經意行到去城東南既地方 見到一班人聚集 原來係去到Britain第一銀行
打聽下之後先知道 原來呢度既銀行服務非常先進 你只需要係銀行周圍大叫Bank
服務員聽到就會即刻為你打開你個人專用既保險箱
絕對唔使排隊 保險箱唔止可以放錢 仲可以放item
以後無論去到咩城鎮只要有銀行 就可以隨時隨地領取你之前存放既物品



實在太令人目瞪口呆啦 Brother Sharp當然要試下甘好既服務啦
一叫Bank 哇 真係即刻有個箱彈出左黎 效率真係無得彈
正當Brother Sharp好滿意甘將岩岩掃返黎既貨逐一放入既時候
突然發生一件勁恐怖既事! 係咩野?
原來個袋只係得返幾蚊!! 大檸樂啦 周身無蚊仲點係呢個新世界蒲落去?
Brother Sharp雖有唔少人生經驗 但又要點樣係呢個不一樣既世界
解決不一樣既問題呢? 請睇下回分解

回應下問題先
人數問題  UO雖然係13年前就出現既Game 但亦係唯一到而家都仲有官方有更新既OG
雖然比起而家好多大型既Game好似wow黎講 係畫面流暢度同埋人數係有差別
但目前世界各地仍然有非常多既玩家支持UO官方及私服
在下玩果個Server 同時上線人數平均都700-900 比起唔少新Game既總人數要多

TraderJoe

特別篇

之前美國一個小節日St. Patrick Day  大家都去到各城聚集慶祝 仲有人派衫俾在下 一於換埋衫參與行列



上線人數1400+人 場面勁壯觀

monsterbb100

哇！呢隻Game真係Online Game既始祖黎~~ 果時我玩左4年，係唯一一隻Online Game可以令我玩4年咁耐，亦都因為呢隻game我識左好多Friends~~ 講真，講遊戲設定，而家冇一隻Online Game可以比得上，講自由度呢隻真係冠軍，真係可以做到魔法戰未咁強既角色~~ 以前亦推出過3D版，但其實都只係2D半，果時真係好風摩，可惜而家十幾年後~~ Online Game既技衠已經進步到當時既畫面真係比唔上。只係... 設定真係太正~~ 到而家都未有一隻Game可以比得上~~ 平衝度亦都超正，全玩技術~~ 冇最強玩家同港幣玩家，個個都係靠技術取勝~~ 若果佢既設定加埋而家既Online Game畫面真係Perfect~~

卓文★♂

哇！呢隻Game真係Online Game既始祖黎~~ 果時我玩左4年，係唯一一隻Online Game可以令我玩4年咁耐，亦都因 ...
monsterbb100 發表於 29-6-2010 07:55

    讚好你 依家我地好多人都玩緊 你都一齊玩啦~

monsterbb100

玩官方果個Server定係你自設既私服？官方果個就無謂啦~~ 每個月比成二百幾蚊，好金下~~ 以我所知可設私服，我有個以前既UO friend都整左~~ 不過玩左一陣又冇玩，因為始終真係太舊，同埋我地以前果班人真係玩得太耐，可以話咩都玩過晒~~ 個個都知最強既係Tamer，人人都tame幾條龍後做Tamer Healer，叫幾條龍打，自己就響條龍身邊補血~~ 真係打咩都得~~ 單拖掃晒全部Dungeon~~ 惡晒~~ 再唔係就搵Block位，放幾隻劍靈或者放隻Demon出黎，狂掃D怪~~ 然後慢慢去執野~~ 玩到好冇隱~~ 釣魚坐船打海蛇，真係咩都玩過晒~~ 本來Lord British話會出UO2，果時好多玩家都好期待~~ 可惜胎死腹中，開發中，LB退出UO果間公司自立門戶，之後就再冇其他人去開發UO2 lu~~ 相信仲記得呢隻Game既人都應該係好似我咁廿幾三十歲，我都三十到尾啦~~ 對Online Game冇以前咁熱情 lu~~ XD

rminghk

我以前都有玩過 仲 同fd一齊買過盒裝 果時有送布造嘅 地圖  布質仲好好添@@

回正題 , UO的確好玩的

以前只有[現成]屋嘅圖 直接找地起 (冇乜引...但之後改左就更正

我特別like起屋@@ 改左可以一塊一塊磚咁起 好正 又可整秘道等等

以下係我上年玩過嘅C服 所起嘅2間屋  (有影黎留念.....

呢張1屋 地下

呢張1屋  4F

呢張1屋  3F

呢張1屋  2F


呢張第2間屋  地下

張第2間屋 2F

張第2間屋  3F

張第2間屋 4F


影得麻麻地,起得唔係好好   見笑了@.@ 分享~分享~

monsterbb100

我以前都有玩過 仲 同fd一齊買過盒裝 果時有送布造嘅 地圖  布質仲好好添@@

回正題 , UO的確好玩的

以前 ...

我都有果塊布呀~~ 成張UO地圖麻~~ 而家比我亞媽拎黎做墊杯布... 話鬼佢拎我塊布去玩，佢仲話返我，而家都唔玩架啦~~ 都冇用咯... 咪物盡其用咯... 吹帳..

係呀~~ 果時起屋仔可以一塊一塊咁起架~~ 仲可以自己Design到間屋仔成個dungeon咁~~ 好正~~ 不過我由佢可以一塊一塊磚咁起屋仔之前已經賣號Quit左UO lu~~~ 一塊一塊咁起屋仔係響我個Friend既私服度玩~~ 若果真係要響官服起到成間Dungeon咁~~ 真係要拎晒成副身家至掂~~ 記得果時錢太多，放滿個銀行既話，可以變成支票架~~ 只要同個banker講Cheque(一個數量)，就會變左張支票架啦~~ 好過引~~