本帖最後由 乂呀Wing乂 於 18-6-2011 04:26 編輯
睇番近呢十頁o既post,雖然我已經唔係好on呀wing呢個ac,又已經無乜打災,無乜資格多嘴,但係我都想係度留一留我o既心聲,希望大家都會睇一睇.
之前我見到天之同櫻被指控話佢地拉走名門d人,我相信佢地唔會咁做.我都算係識左佢地一排,雖然唔稱得上好了解佢地,但係我都覺得佢地唔似d咁狗o既人,但係反而身為名門管理層o既,咁多人會走左團你地真係責無旁貸,呢樣野你地要認真諗一諗,唔淨指係團長,其他副團都有絕對o既責任,唔好賴d團員唔團結呀之類o既理由,其實所有問題都係出o係你地度,點解你地凝聚唔到d團員?又唔好話果排好忙,忙一排都唔會成班人走哂團下話,一定係有大問題積左係度而你地無去解決,就算係比人拉走左又點?與其你指責其他團長,倒不如睇下人地個團有d咩做得好過你,參考一下或者會更有效咁解決個問題癥結.
我就無乜留意個團啦,但係我都睇到有個問題存在o係度,之前都同711講過,就係成日無新血入團.笨豬,星繁呢d勁人唔玩係絕對正常,但係舊o既去左,新o既唔黎就真係好大問題,搞到個團係呢年裡面由一百幾十人跌到四十人,團員流失率係70%,呢點團長,副團長又有冇注意到呢?當你地見到d主力團員一個一個咁走,你地又做緊d咩呢?我記得之前呢件事都發生過o係滅絕果度,後來天之即卡出番黎招人,呢樣野真係值得表揚天之,至於你地,又諗住幾時先企番出黎招人呢?
其實團長有情緒,唔得閒而無online係正常o既,櫻你又唔好咁講711,想當初你地都係淨係讀書而唔搞個團啦.作為朋友o既我,我係會體諒711你,但係一般團員唔會咁諗,個個團員都想有個全日都打機,唔番學唔番工唔社交o既團長架啦,可以日日陪佢地玩.反而無左個團長,群龍無首,走係好直觀o既做法,試下搵多幾個有凝聚力o既團員,升佢做副團,或者招多d多嘴鬼,lead下班細o既,其實就解決到.之前天之可能都係用左呢個方法,依家佢都講到個團發展得唔錯,你地都不彷試下.
其實我一直都好欣賞名門o既災厄,本來離開左滅絕之後,想兜多幾個團先入番名門,但係我都急不及待咁入番黎.雖然我都無乜玩,但係我心底裡都會支持你地,唔想個團就咁就散左,除非個ac轉左比第2個人玩,如果唔係我唔會走團的.我知道做團長真係好辛苦,又要比係呢度比團員圍插,又要比出面d人奚落個團,又要花時間帶團,我雖然無做過團長但係我真係明白,我幫唔到咩手我真係好抱歉,淨係O係度除便講幾句打幾粒字,但係我都想講一講我作為普通小準團員o既心聲,講一講個團o既得與失,希望幫到你地o既發展方向.
在此我乂呀Wing乂衷心鼓勵711團長,閃電,同埋各位副團. |
發表於 17-6-2011 22:16:11
