[Age Of Fantasy劇情]單人戰役-刀客傳說RPG

茶仔﹏。

在此聲明…這劇情只適用於MOD,Age Of Fantasy……
若沒有MOD的話，可以到以下網址下載 :
http://www.nakuz.com/bbs/viewthread.php?tid=3952963&highlight
作者話：
呢次係我第二次整劇～呢個劇都易入手下～而提示亦都會幫到你。


劇情主角簡介：
這個遊戲的主角將會是一身滿懷絕藝的刀客…他名叫爾續，他一心想見識各地不同的事物…同時也要在旅程中賺取金錢，但過程中，爾續可能將會面對重重的威脅，甚至連死亡也一步一步地接近爾續…

劇情須知：
1.同任何既npc講野～只要行埋佢前面/身邊就可以同佢進行對話。
2.如果發現npc唔再進行對話…得一個情況..就係你行開左…你只要行返落佢前面同身邊先可以繼續進行對話。
3.武器店開啟既時候會列出字句提醒玩家。
4.唔好del左城主送比你既船，因為主線任務會需要船。
5.請依足任務指示解任…每個主線任務都會有提示，而提示可以幫你過關。
6.主城問題…個主城姐係城堡,進入主城=駐守主城
7.打八歧大蛇之前要開啟門口的遺跡，要開啟的時候只需在遺跡前面等一等，就可以開啟。

遊戲地圖：

地圖






遊戲圖片：



戰役下載：
單人戰役~刀客傳說.cpx (176.58 KB, 下載次數: 550)

15-8-2010 15:46 上傳

點擊文件名下載附件

戰役位置：Age of Empires II/Campaign

茶仔﹏。

流程攻略：
一開始…可以搵信掌拎左能力戒指先..(血量增加 5)..
跟住..搵巴巴彼克做任..做完任之後可以學拔刀術..(攻擊力增加 5)
之後你就做主線任務啦..係個鎮到..搵神秘老人…同佢講完野之後搵鎮村長...
再同鎮長講完野之後就開始做主線任務1…做完主線任務1之後…等一陣間…
就可以去邪馬台架啦,不過去邪馬台之前,記住再搵蒙特鎮外既木匠做任…
做完木匠任之後..會得到黃金同鐵靴..(攻擊力增加 4)..之後就開始去邪馬台…
去邪馬台途中..會遇到強盜…記住..入左強盜既區域就唔可以返去回血…
所以…打強盜之前請先回滿血…而打強盜就係主線任務2...
記住,趁強盜們仲未包圍你既時候，逐一解決佢地。
建議用手控擊退強盜，減少殺人後既冷卻時間，咁做先可以殺晒所有既強盜。
強盜既屋打爆左會有錢拎…………
打完強盜之後..繼續行…行到伏陣之前..你會發現強盜會有弓箭手埋伏…
之後返蒙特鎮回滿血先..之後再繼續去邪馬台..中途會到達弓箭既伏陣…
弓箭手既伏陣其實可以輕易通過…只要點擊一處地方，等主角自己黎逃避…
咁做好過你不停用手控黎逃避箭手既弓箭。
去到邪馬台既時候,先搵治療師回滿血先…係伏陣既時候唔多唔少都應該扣左血。
回完血之後就去搵稻鐵…搵完稻鐵之後就開始做主線任務3…
做完主線任務3之後..等一陣..蒙特鎮既武器店會開啟…我建議唔好去住先…
之後…再搵多次稻鐵…跟住稻鐵就會叫你去搵城主..
城主就係邪馬台既主城入面,只要入主城就可以搵到城主…
搵完城主之後…等一陣…就去搵義曹…搵完義曹之後就開始做主線任務4…
主線任務4係去搵蒙特鎮鎮長拎寵物…去既時候會遇到強盜…唔係太勁..解決佢地吧。
去同蒙特鎮鎮長講完野之後就會得到義曹既寵物…跟住帶隻寵物返去比義曹…
返去之前可以去武器店買一把刀，我建議買左佢…會加攻…之後唔洗咁辛苦…
咁係返去既時候..強盜就會不斷湧出黎殺你..唔好打..走- -因為你唔夠佢地打。
將寵物交比義曹之後就完左主線任務4…完左之後..等一陣…再去同義曹講野…
義曹會話比你知..要再去見城主…照佢說話做…見城主…再入多次主城…
同城主講完野之後…就會做主線任務5..呢個任都幾好玩…係打海盜…
同城主講完野之後..你會自動行出主城…等一陣..會有指示叫你去碼頭…
去緊碼頭既時候…將軍佐野就會加入你…跟住帶埋佢去打海盜…
到左碼頭…船夫就會比架船你…坐住架船…去海盜島……
一落船…d海盜就會迎接你…將佢地解決吧…
將佢地既首領同大本營摧毀之後…返去主城稟報城主…
稟報完城主之後..佢會送架船比你…架船唔好爆…以後既主線任務都會需要…
跟住就用佢架船…去維克村做主線任務6…
去到維克村既時候…會有指示叫你去村長家…照指示去村長家…
之後村長會請求你擊退入侵者…你會有得選擇「答應」同「拒絕」…
你選擇是但一樣都可以照做任務…只係易d同難d咁解…
呢個任會有d難度…記住…優先破壞左入侵者既攻城器同殺左佢地既火槍兵先…
集體行動…可以減少傷亡…
殺左入侵者首領…返去講比村長知…主線任務6完成…
完左主線任務6之後去搵羅蘇達…同佢講完野之後就做主線任務7…
佢要你去荒島拎羅樹果比佢..你就搭船去維克村格離既荒島…
荒島會有個果樹叢…行埋去就拎到羅樹果…
拎完之後...會有隻狂猴彈出黎…(佢秒殺你)…呢個時候你要用最快速度上返架船逃走…
拎完羅樹果之後…再同羅蘇達講野…主線任務7就完成…
完成任務7之後…等一陣…去搵村入面既神秘老人…
佢會話比你知邪馬台祭壇有異動…跟住你就搭船去邪馬台主城搵城主…
搵完佢之後…就做主線任務8…呢個任好簡單…
去西北邊既邪馬台祭壇睇睇…去到既時候…妖象會講個信息比你知…
講完之後就返去主城搵城主…唔洗理d妖象…
搵完城主之後..就做最終任務…(打八歧大蛇)
做最終任務之前..去搵隱居刀匠拎刀…否則你無可能夠八歧大蛇打…
搵完刀匠之後就去地圖最北邊打八歧大蛇…
基本上你會夠佢打…唔夠既話…可以去八歧大蛇格離既毛毯…踩落去…
踩落去八歧大蛇會停止攻擊10秒…你可以趁機打佢…
殺左佢之後…發生劇情……第1集完結…

jsnjsn761

好玩呀(未dl都講定先XD)你其實係唔係一杯茶泥?

茶仔﹏。

好玩呀(未dl都講定先XD)你其實係唔係一杯茶泥?
jsnjsn761 發表於 14-8-2010 20:59

唔係呀- -多謝支持v.v

龜龜_浪

恭喜單人劇本成功推出.

先送上一個強力無比的支持.

地圖繪製上較以往改善了,進步了.

不過地圖還有努力的空間.

試嘗試少用單一建築

海域可以多運用其他地型,不要只使用淺灘.

試一試 不要把單位放置太密吧 =]

還有就是, 樹木緊接著海邊有點怪喔,,,

先試試劇情.

努力喔!

香腸

down左黎左
支持支持

cycbobby

回復 6# 香腸
支持支持
但"有入無出"的條件好像苛刻了點=='
所以我都係先改一下外交放隻治療師出來

如果有殺敵升級好像好D^^

難玩...但唔錯....支持支持..好玩!
請原諒我太廢XD

茶仔﹏。

恭喜單人劇本成功推出.

先送上一個強力無比的支持.

地圖繪製上較以往改善了,進步了.

不過地圖還有努力 ...
龜龜_浪 發表於 14-8-2010 21:35

謝謝大大的提醒..我會改進的v.v

RAUL07

開始爾續去搵鎮長個兒子時唔夠打,死左x.x
我會盡能力爆機的^^
支持,繼續努力

茶仔﹏。

開始爾續去搵鎮長個兒子時唔夠打,死左x.x
我會盡能力爆機的^^
支持,繼續努力 ...
RAUL07 發表於 14-8-2010 22:20

提示：可以用手控殺人~減少殺人後冷卻時間
亦都可以用海拔既優勢減少傷害~