滲線,上色問題

hyuuga

有唔少問題，亦都有人回答，不過見樓主係極少數會砌模型嘅女士，回妳。

1.滲線筆個樣係點?幾錢支?(預算一下=v=)
有出到 Gundam 專用 marker，當中包含滲線用嘅極細油性 marker，不過就只得幾隻色揀。唔上色，只係滲線嘅話，絕對係好選擇。唔係香港，亦唔用，所以唔知價錢。

2.底色係米會影響面果隻色?(例如我+光澤銀之後+紅色係米會變少少銀既光澤紅?)
絕對會。不過唔一定要噴底色。
紅色嘅遮蓋力好弱，所以各下嘅例子係會出現少少嘅金屬感。如果想有較大金屬感嘅話，可如2樓所講用透明紅。
噴鑵有金屬紅。哩類金屬色都係以銀色+基本色，所以雖然有金屬感，不過同照到鏡差得遠。

3.如果要噴消光劑貼左貼紙先噴定噴左先?
如2樓所講，水貼同刮貼就先貼再噴。
一般則紙就要睇下妳所貼嘅係邊 part 嘅貼紙。(例：無理由係金屬色嘅貼紙上噴消光。)

3(追加).分兩次姐係上完色噴消光之後滲完線又噴消光!?
錯！絕對錯。希望小霖兄都睇到哩到。
消光嘅原理係令到表面凹凹凸凸，咁樣就反唔到光。
滲線就係想係啲凹位到上色。如果噴咗消光先滲線嘅話，啲色就會流入所有經過嘅凹凸位，之後想抹都唔可以100% 抹走的了！

4.如果滲線(滲線筆)出左介係米用綿花棒濕少少稀釋液抹?
係。要主意嘅係滲線用嘅油嘅屬性要同上咗嘅色嘅屬性唔同，否則會抹走埋上咗嘅色。
用 gundam 滲線 marker 嘅話，無上到色可以用擦膠甚至用手指抹。

5.有冇話咩牌既油唔可以同唔同牌既油一齊用?
溝油就算同屬性，不過唔同牌子嘅都唔好溝埋一齊。
一層層咁噴嘅話，正確地噴其實無問題，只係佢未必可以抓得實，容易 "mok" 落。

6.仲有咩方法可以減低起泡?(噴灌)
同樣2樓答咗。樓主要記住，噴，係要不停郁嘅，太近都唔得，除非係用噴筆同識調較。

7.d油會唔會好臭架?
用邊隻油、噴或手塗都好，上色時請確保空氣流通。
比起臭，更重要嘅係有啲油係對人體有害。

8.噴灌出既色齊唔齊全架?
基本嘅都會有，但係唔及一樽樽嘅多選擇。

9.如果想買果隻色冇噴灌,但我又冇噴槍果d野仲有咩方法上色!?
用手筆塗，搵人代上色，問人借工具(絕對要清潔乾淨先還畀人)。

想問你有冇見過人滲線滲金色or白色等等??
有。其實滲乜色都係個人喜好。
要注意嘅係金色、銀色哩類顏色嘅質地同其它色唔同，未必可以好乾淨咁抹有多餘嘅顏色。

d油係米要一日先乾?
睇天氣同噴乜油，無一定的。

＊小霖＊

聽講油性d油好毒= =係米架?上色可唔可以唔上底色架?
d油係米要一日先乾?
◇~荔枝~◇ 發表於 21-11-2010 11:11 PM

有需要既買3M防毒面罩..!!

可以,黑色果D可以直接上黑色..!!!底色只係方使上面色姐,例如要打陰影..!!

其實又唔洗一日既,有時噴完一轉色既油就干,睇你重唔重手..!!

◇~荔枝~◇

唔該哂你地呀=]
仲有一個問題
我今次想係藍色既位噴黑色
如果底色會影響而色
咁佢本身藍色果d位米影響黑色lor!?
我係米應該噴白色做底色?

＊小霖＊

唔該哂你地呀=]
仲有一個問題
我今次想係藍色既位噴黑色
如果底色會影響而色
咁佢本身藍色果d位米影響黑色l ...
◇~荔枝~◇ 發表於 23-11-2010 04:33 PM

黑色可以遮蓋任何顏色!!

◇~荔枝~◇

我想問白電油係咩黎!?

＊小霖＊

我想問白電油係咩黎!?
◇~荔枝~◇ 發表於 23-11-2010 10:34 PM

火機用既,可代替上線用既X-20

◇~荔枝~◇

請問底色同面色係米一定要同屬性?
姐係底係油性既面就一定係油性

hyuuga

請問底色同面色係米一定要同屬性?
姐係底係油性既面就一定係油性
◇~荔枝~◇ 發表於 24-11-2010 16:36

答咗妳#13先。
理論上係會的。
不過因為黑色嘅遮蓋力好強，所以喺無故意對比或畀眼利嘅人睇嘅話，妳可以當無分別。
妳知道咩叫噴灰嗎？
噴灰除咗可以用嚟修補模型表面同睇下邊到需要修補之外，佢其實係最其本嘅底色。
原因係因為咁灰嘅灰色係所謂嘅 50% gray，即係最自然嘅色澤，所以多數顏色直接噴喺佢上面都會表現出嗰隻色最靚、最正確嘅發色係點。
用其他顏色做底色嘅主要原因，其實就係為咗自己控制隻主色嘅發色表現。

#17
唔需要同屬性，特別係滲線就一定要唔同先得。
不過正如我之前所提及，因為兩隻色係唔同屬性，所以面色會容易脫落。

妳唔係噴嘅話，唔建議分幾屬上唔同嘅色。
噴嘅話，噴鑵同噴筆都無問題。

◇~荔枝~◇

答咗妳#13先。
理論上係會的。
不過因為黑色嘅遮蓋力好強，所以喺無故意對比或畀眼利嘅人睇嘅話，妳可以 ...
hyuuga 發表於 24-11-2010 17:24

    唔該哂你呀
果d gundam marker係米水性架!?
我念住張佢d色整洛個皿度之後滲線

＊小霖＊

唔該哂你呀
果d gundam marker係米水性架!?
我念住張佢d色整洛個皿度之後滲線 ...
◇~荔枝~◇ 發表於 24-11-2010 05:34 PM

- -無記錯係油性,你咁搞法,整爛枝筆D油出黎都唔多..!!

買一支田宮油10蚊,加白電油10蚊,20蚊有排你用呀..!!!

開油既比例基本上係一滴仔黑油,再加10滴既白電油..!!

但火機油都幾快干,所以開左既油快D用左佢..