又係婆婆一次錯誤嘅決定, 帶skittles去左呢間寵物店剪毛....惡夢開始....
03.01.2010下午02:50-skittles開開心心咁蹦蹦跳到達元朗(寵物緣)美容, 因為呢間寵物店之前都有去過, 如果狗狗有任何異樣都會同我講,如皮膚紅點,毛打結等, 但今次寵物店負責人接過skittles後並沒有表示任何異樣, 我亦都離開.
03.01.2010下午04:20-收到寵物緣來電, 當時對方講說話時有點不知所惜,
內容如下:-
黑店: 黎小姐呀, 妳隻狗狗好似有d奇怪wo.
我: 有咩奇怪呀?
黑店: 我同佢剷晒手d毛之後發覺佢有舊骨突左出黎. 3隻腳行路. 我唔知佢咩事wor.
我: 無可能, 點解無啦啦會咁ka, 頭先向屋企出黎向車仲紮紮跳, 入到你舖頭都無事, 宜家你無啦啦打電話比我話剷晒手d毛之後發覺佢有舊骨突左出黎?
黑店: 係呀, 我都唔知ka, 你唔知可以落黎睇下ka.
我收線之後九秒九落去.........
落到去佢仲扮晒鎮定, cc然抱skittles上美容台, 當時我見倒個孫我真係想殺9左個八婆呀, 因為skittles眼有淚光不停慘叫, 右前手已經不掂地, shit!!!
我: 呀小姐, 宜家好明顯我隻狗向你度剪完毛受左傷啦, 你仲打電話比我問我唔知點解. 宜家隻狗痛到係咁哀叫.點算?
黑店: 小姐, 我地真係無跌過你隻狗, 如果有我仲乜唔認姐?
我: 我地宜家爭論都無用, 一係我宜家即刻帶左隻狗去醫生度照左xray睇下咩情況先, 如果隻狗有咩事d醫藥費會由你寵物店負責.
黑店: 下, 呢d唔關我地事ka wor, 呢d野係你地主人負責wor.
我: 點解唔關你寵物店事呀,我隻狗係因為向你寵物店剪毛中無la la受傷, 唔關你事關邊個事? 如果你死口唔認我唯有報警.
黑店: 你米報law.
===============================================
攞左備案編號之後即刻去左博愛寵物醫院照xray, 証實broken右手截斷仲要好接近較位. 醫生用手同skittles診斷時, 輕輕掂skittles隻手, 她不特止縮開,仲想咬醫生,醫生問返我點樣整親, 我同醫生講左成個事發經過, 醫生仲好奇怪咁問如果隻狗向美容之前已經整傷, 點解我宜家輕輕掂狗狗隻手, 她不特止縮開, 仲想咬我, 咁美容姐姐點樣剪, 仲要full set gromming. 從呢一點已經水落石出啦, 呢一刻我對skittles說: 婆婆一定要同妳取回公道!
skittles需要留醫.我就攞晒d醫生証明xray同埋個對呢方面有認識嘅朋友再落去同佢講, 將醫生嘅說話同佢講一次, 佢居然答我, 如果係我跌倒隻狗緊係我同你"一人一半"啦,咁宜家唔係我整, 我無可能賠o架ma, 跟住佢仲問我朋友頭先幾錢, 如果千幾蚊可以解決呢個問題, 咁我比都無所謂呀.
妳呢個臭八婆呀, 妳究竟有無良心ka, 咁嘅說話都講得出, 人在做, 天在看, 人向世上嘅所做所為, 上帝老天爺都在看著、記著, 總有一天會同妳個八婆算呢筆帳!!!
告到天腳底都要告~
各位請廣傳開去, 等多d人知道呢間無良心嘅9店, 同埋呢個八婆嘅所作所為!!!
 |
發表於 5-1-2011 17:33:24
變色卡
發表於 28-3-2011 23:01:28