|
|
發表於 21-2-2012 18:33:46
|
顯示全部樓層
我係某一個forum被問到點先成為一個sone,
我貼過黎同大家分享一下, 順手俾大家評價一下我講既野o岩唔o岩...有錯請插~
sone = sosi as one..咁sosi係咩?
我都係最近先留意少時,其實點先係一個sone? ...
sosi = 少時既韓文發音,
sosi as one = 與少女時代在一起 = sone
sone 既 發音 = 韓文 "願望" 既發音,
sone 簡單d黎講, 就係少女時代fans 既統稱,
點先係一個sone? 只要你喜歡少女時代, 自認係佢地既fans, 你就係sone :)
如果成為SONE真係咁易(喜歡少女時代),咁你之前又話依個POST係你成為SONE既歷程?
先唔好用sone呢個字先,
其實只係自己覺唔覺得係一個fans, 用fans呢個字可能易明d,
我之前都喜歡聽日文歌(ayaka絢香, 宇多田光, 動畫既op,ep), eason, 古巨基, 側田等等既歌,
但你問我係唔係佢地fans? 我可以話唔係,
因為我純粹只係覺得好聽, 所以去聽,
我冇買過佢地任何一隻碟, 冇聽過任何一場演唱會, 冇買過任任一樣有關佢地既商品,
而我接觸少時都係一樣, 因為我本來就唔係一個容易有偶像既人, thats why 我阿媽成日都同我講:
(人追星你追星你廿幾歲人先開始搞d咁既野, 你幼唔幼稚d呀?)
所以話成為SONE既歷程, 不如話, 我真心確認我是少女時代fans既歷程,
簡單黎講: sone = 少女時代fans
但更深入地去了解sone既意思,
其實每一個人心中既 sone 尺度都唔同,
所以引申出好多矛盾既關係, 罵戰等等,
所謂: 粉絲鬧事, 偶像買單
邊有fans想整臭自己偶像既名?
而偶像有時都會有d說話內容, 係佢地既生活態度, 或者係佢地喜歡及唔喜歡既事,
自自然就默認地成為一個 sone 應該要有既態度,
呢個態度當然唔會話神神化化,
其實同做一個"好人"既態度差唔多
我唔想神化少時, 不過我覺得用呢個比喻又真係貼切d,
可以用 sone 去比較 基督徒, (申利: 我唔係基督徒, 都唔信主, 不過中學有讀過下)
有好多自認信主, 自認基督徒, 都會有婚前性行為, 講粗口, 講大話等等,
但你可以否認佢係一個基督徒咩? 唔可以, 你只可以話: 佢唔係一個神所喜愛既基督徒
做惡事既sone都係一樣, 佢要認, 冇人阻到佢, 只可以話: 少女時代所期望既sone, 唔似佢咁樣
我唔敢話我係一個SONE,但我係一個中意少時既小fans, 因為我覺得我依家唔夠資格成為一個SONE,覺得做既野仲未夠,但唔通除左有金錢上既支持先算係一個SONE?
做惡事既sone都係一樣, 佢要認, 冇人阻到佢, 只可以話: 少女時代所期望既sone, 唔似佢咁樣<-----咁點先可以做到少女時代所期望既sone,會唔會只有少女時代先知道?
又唔一定係要金錢上既...
買碟係出於一份支持既心, 係行動上既支持,
有錢出錢, 有力出力,
能力有限既, 其實有支持既心都已經夠啦,
如果真係要比, 唔真係比唔完,
因為有團飯能力者既存在(佢地會每隻碟都買9隻以上, 換齊一套卡)
唔通又可以用呢個標準去量有幾喜歡少時?
可能你人在外國感受唔到,
其實係香港, 你要認你係一位sone唔難, 你要係人地面前認你係一位sone先難,
需要一份勇氣, 只要你有呢一份勇氣, 你就可以叫自己係一位sone,
點解要勇氣? 香港反kpop既情緒其實都幾高,
當父母反對子女追星, 你願意跟你父母講: 我喜歡少女時代呢個組合
當朋友恥笑你毒男, 你願意跟你朋友講: 我喜歡少女時代呢個組合
當朋友話韓國人係人造人, 你願意跟你朋友講: 我喜歡少女時代呢個組合
當朋友話你瘋狂, 你願意跟你朋友講: 我喜歡少女時代呢個組合
其實就已經可以話自己係一位sone
至於點先可以做到少女時代所期望既sone,
其實佢地都冇正式講過,
不過其實間間單單講: 做一個好人,
就已經係了
不過正如我所講: 每一個人心中既 sone 尺度都唔同
以上都只能夠反映出我自己心中既sone尺度 |
|
發表於 16-2-2012 19:29:09
