<非常外父>再<3>賀歲

hmbb

女婿阿基同佢個非常外父老積返嚟啦﹗呢對荷里活爆笑孖寶在2000年《非常外父揀女婿》創下全球逾3億美金的佳績，到了2004年續集《非常外父生擒霍老爺》票房更是翻了兩翻，贏盡各地觀眾笑聲﹗

2011年，千呼萬喚、影迷熱切期待的《非常外父3》（Meet the Parents: Little Fockers）將在農曆新年爆笑上映﹗除了有至尊影帝羅拔迪尼路、荷里活首席笑星《翻生侏羅館》系列賓史迪拿及型男笑匠《馬利與我》奧雲韋遜爆發笑彈外，兩大金像影帝影后：「霍老爺」德斯汀荷夫曼、「霍奶奶」芭芭拉史翠珊亦將承接上集，拋開一切繼續盡情喪玩；今集還找來了《神奇4俠》性感女神謝茜嘉艾巴空降霍家，仲搞到老積「雄風」再現？﹗雲集頂尖巨星，呢個「非常」家庭將為全港觀眾送上一個笑到甩轆嘅開心新歲﹗


故事大綱
好不容易做咗人哋女婿十年，阿基（賓史迪拿 飾）突然收到麻煩外父老積（羅拔迪尼路 飾）來電，話要將家族嘅最高決策權移交俾佢呢個「好女婿」﹗自覺再唔係嗰個俾人玩到陀陀擰嘅口靚仔，阿基決定挺起胸膛同老積智鬥力博﹗點知連場暗戰都俾個寶貝仔撞破，次次戰況「激烈」嚇到佢鼻哥窿都冇肉…處於下風嘅阿基，最後會唔會做唔成大當家不特止，仲要俾對仔女喺個「信任圈圈」裡面剔走？

billytsang

有興趣睇XD 唔知樂古有冇飛送^^哈

opqo

多謝分享

A8890A

看了感覺冇第2集好看,但係都ok好笑,有追開的人必看