比賽感受x反省(偽?)

小雪冰

由4月頭開始(?)籌備呢個比賽
討論位置由版主會議室再搬到諮詢帖
最後去到youtube帖..等等
感受良多...

先由籌備開始講
開諮詢帖呢個決定其實我地都猶豫過..
因為開左通常都會搞到好多意見
多意見又易有衝突
咁就麻煩..

不過最後我地都係決定開
為ge都係想個比賽可以愈完善愈好
淨係係會議室個帖討論比賽...我發覺我地傾左50幾頁
細節實在太多了..不過最主要ge問題都係裝+lv+ap角技能問題
對於呢個情形我都幾shock...雖然中途係有d吹水成份啦xd

諮詢帖一開始我地都應付到
只係之後到左20幾頁開始..
似乎由d ap角ge技能講到去玩家ge問題...
呢個情況其實開得諮詢帖都預左
只係睇應該點樣解決個問題
果陣時應該係我第一次係搞呢個比賽ge時候有心力交瘁ge感覺..

就係因為我唔鐘意見到衝突
詳細唔講住,咁快講左下面會冇野講呵呵
諮詢帖ge部份暫時黎到呢度

-----------------------------------------------------

到左舉行比賽啦
一開始又係冇乜特別
只係之後問題又出現
代打、分身ac、手制...
首先令我覺得煩躁ge係頭2樣.

比賽一路舉行...我就發現愈黎愈多代打同分身問題出現
不斷的累積使我第2次感覺心力交瘁
隨後更加崩潰過(幸好我唔係係樂古爆.唔係真係...比大家見到我發癲ge一面就唔好啦._.)
果陣我不斷諗...
我應該點樣處理好呢?搵證據?搵完之後就取消有關參賽者ge資格?
我真係好嬲...好傷心...係度諗.
點解佢地要咁做?
唔通佢地當我死左?
唔使諗下咁樣做會傷害到人?

充滿負能量後...開始胡言亂語..(非在樂古也.)
但係到最後我發現...
我其實都只係一個人類...點解要逼自己做咁多超出能力範圍之外ge事?
哈哈...我又不負責任了xd
冇所謂...我講得出黎都預左最壞ge情況

back to topic
代打同分身ac實在牽涉到太多...太多人
我真係冇能力自己1個去全部搵番佢地出黎
再發哂癲咁取消哂佢地資格
太自討沒趣了..

所以個比賽一早已經存在不公平...
我真係愧對其他無辜ge參賽者...
我冇能力令個比賽達到公平
係度...向大家致十萬分抱歉..
原來我真係...好渺小..
崩潰過後..我繼續知道呢d情況重係發生緊
但係我逼自己變得麻木
為ge只係唔想自己又發癲...其實都幾自私呀可 哈哈
冇計,我真係唔知再可以點樣做
代打同分身ac問題部份暫時結束

------------------------------------------------------------------------

手制同ppj...原來又係另一個我的惡夢
youtube比賽帖到最後被逼要關帖
呢個地步已經算係好差
我發覺我真係犯左個致命的錯誤...
連手制呢個咁普遍ge情況我都預料唔到
都唔知我係咪傻(?)鬼左

今次應該係我第3次感到心力交瘁
那時我的腦袋進入混亂狀態
一邊係度諗緊其實..岩同錯應該點分好呢?
用手制其實冇禁,唔可以話錯
唔用手制的確係佢地自己ge選擇..
但係唔用手制ge又認為用手制唔係真正技術...
sigh.

於是我思考緊ge時候...佢地都繼續回覆緊
到頭來原來我幾乎冇出過面.
god?我究竟做緊乜?
又係比自己ge矛盾累事...
再次懷疑自己ge能力究竟....有幾多?
youtube部份到此.

------------------------------------------------------------------------

到左最近ge比賽後感帖..
一開始見到個標題固然反感...恕我直言
我都知之後一定又有罵戰發生..
睇左一排...覺得唔出句聲真係唔多惦...雖然我重係度諗緊應該點做(我發覺我真係唔識應付衝突)
所以講d野又係...冇乜point又有侮氣咁
但我心入面d怒火又一路咁累積緊...

不過幸運地我重有剩餘的能力壓抑住..感謝上天
再到後期少少..第10頁左右
見到草加版肯企出黎發表立場...
就開始係度諗自己係咪都應該發表立場,而唔係淨係講中性野?

諗諗下...其實我淨係講d超級中性的說話黎平息真係冇乜用
冇計...我最後都係決定企出黎做醜人算
既然罵戰(?)唔開始都開始左...就順便比我亂入
以罵戰(?)解決罵戰(?)吧
軟硬兼施...至少我係咁諗
軟ge我都出左...冇用就要用硬
豁出去啦!(囧)

於是我講野開始加入番自己d感受...唔係淨係得事實
講講下都火火地
不過都冇心情令自己平靜住
就繼續講落去
一路講...一路諗:哈.我會唔會比人投訴呢?

幸運(?!?!?!?!)地...到最後都係搞惦左(??)
心入面都唔係咁好受
呢個比賽何以會搞到咁?
姐係...我地搞呢個活動真係想大家玩得開心..
到頭來個結果居然係咁
反而重令更多人受傷
真係...
我已經唔識分是非黑白
誰對誰錯..已不到我判斷
也不能夠判斷

見到個帖鎖左之後有會員肯講sorry..
我已經...覺得足夠了
但求比賽過後大家都可以再見到和平的gc版...
我大概就只是想這樣吧...哈哈..
其實我真係好驚見到有衝突..所以我盡量講野都唔希望會針對到任何一方
而係客觀咁評論...(似乎係度自己讚自己...囧)
但係就係因為咁...就搞到我唔識點樣應付咁
因為我講野下下都要就住...=.=

比我ge言語、自私等等傷害到ge會員..
我係呢度.
向你地..
真心地講...對唔住
對唔住...
唉.

-------------------------------------------------------------------

公會的問題..我真係冇乜能力解決
雖然我當然希望有和平的出現..
隨遇而安..
冇乜特別野想同低調同花葬2個對立公會講
只係想講...多一個朋友好過多一個敵人
一路對立落去對大家都唔會有任何好處
只會令大家愈黎愈攰...何必呢?
難道你地就唔想有和平的一日?...
打機.但求開心...
我.玩gc都係因為想開心..
做版主..係因為想見到有希望的gc版...盡我能力貢獻
我真係一個好天真ge傻仔..哈哈xd=]

呀.差d唔記得左(囧)
同時係呢度多謝幫助平息罵戰的各會員/版主
尤其是係草加版..
我真係覺得好感動啊..
亦都要多謝支持比賽同埋關心我ge會員^^

重有1個人我要特別多謝佢...
多謝佢係我崩潰、胡言亂語果陣肯睇住我發癲...哈哈
冇你開解..我諗都冇今日ge我(?!)
多謝...=]

搞呢個比賽..我承認我曾經悔氣過..怨過人...
不過我冇後悔過當初搞呢個比賽
雖然勸交ge過程我似乎不斷受到攻擊...好似好慘咁
但係我真係唔介意
哈哈...我又係度扮偉大tim orz
反而我從中真係有得著
例如...
學識搞活動(雖然個活動不是十分成功吧orz)
明白左好多道理..又例如:
學識點樣堅持自己立場
而且佢令我見到gc版係有好好ge會員..
呢幾樣野都令我覺得搞比賽係值得ge
好多謝大家!
請大家務必要繼續支持呢個比賽同埋往後ge活動=3=

初初重諗住打呢篇野會好順暢
點知打左成粒鐘都唔止 god...
我真係唔擅長打字海啊(?)
重有-_-點解我講d野會自相矛盾的囧o_o
有咩得罪唔好意思(冷汗)

牙月

加油啦....板主難做...加油

柚木共睹

其實你做得好好..
唔需要過份自責..
我亦要為會員辯護一下
除咗未能係良好氣氛下討論....
我認為雙方都無錯....
只係捍衛返自己認為啱既野...
你亦應平伏好心情..準備決賽功夫

翼風星痕

跟隨版規執法的版主唔難做，但要做個以會員為本的版主確實要犧牲自己好多時間

小雪冰

加油啦....板主難做...加油
牙月 發表於 29-4-2011 02:05 PM

多謝哂~我會加油的

其實你做得好好..
唔需要過份自責..
我亦要為會員辯護一下
除咗未能係良好氣氛下討論....
我認為雙方都無錯 ...
柚木共睹 發表於 29-4-2011 02:07 PM

放心0.0
我宜家已經冷靜番了
我都覺得其實佢地都冇錯...只係激動左先搞成咁姐

跟隨版規指法的版主唔難做，但要做個以會員為本的版主確實要犧牲自己好多時間 ...
翼風星痕 發表於 29-4-2011 02:11 PM

不能同意更多了

taxitaxi7

加油啦 各位版主

hihikatty

由4月頭開始(?)籌備呢個比賽
討論位置由版主會議室再搬到諮詢帖
最後去到youtube帖..等等
感受良多...

先 ...
小雪冰 發表於 29-4-2011 14:03

邊個禁好開解你？

牙月

跟隨版規指法的版主唔難做，但要做個以會員為本的版主確實要犧牲自己好多時間 ...
翼風星痕 發表於 29-4-2011 14:11

    就好似,做老師唔難,但做1個為學生既老師好難,同要好多時間,

小雪冰

邊個禁好開解你？
hihikatty 發表於 29-4-2011 02:15 PM

哈哈
呢個就唔講喇
講左就自討沒趣了(?開始濫用呢個成語了)

asd31133

加油,希望你愈做愈好~