改編靈異偵探漫畫《D+偵探：吸血‧人狼‧喪屍城》

hmbb

導演 : 奇雲梅洛
演員 : 班頓洛夫,森赫德頓,安妮妲柏寧
類別 : 懸疑/驚慄,恐怖
片長 : -- 分鐘
級別 : 待定
上映日期 : 2011-07-28
官方網頁 : --  

佢身手好過《狙魔人》、查案勁過《B+偵探》；歐洲最強嘅「屍家」偵探，今年暑假即將現身！改編自歐洲著名靈異偵探漫畫“Dylan Dog”。由《...


佢身手好過《狙魔人》、查案勁過《B+偵探》；歐洲最強嘅「屍家」偵探，今年暑假即將現身！改編自歐洲著名靈異偵探漫畫“Dylan Dog”。由《超人強戰回歸》(Superman Returns)絕世型男班頓洛夫(Brandon Routh)，飾演型格神探D哥(Dylan Dog)；配上《超人》老拍檔、搞笑高手森赫德頓(Sam Huntington)一齊孖咇緝兇！《地心探險記3D》(Journey to the Centre of the Earth)性感索女安妮妲柏寧(Anita Briem)；《芝加哥》(Chicago)黑人男星泰迪格斯(Taye Diggs)，一齊加盟，偵破奇案！《西部天煞反擊戰》、《戰狼300》特技精英，“喪爆”打造妖魔鬼怪大亂鬥！兩大重量級監製：《華爾基利暗殺行動》(Valkyrie)、《超人強戰回歸》基拔艾拿(Gilbert Adler)；《未來戰士2018》(Terminator Salvation)彼得基夫斯(Peter D Graves)聯手出擊。新版《忍者龜》(TMNT)導演奇雲梅洛(Kevin Munroe)搞鬼執導，誓要將原著漫畫的Cult 爆風格，活現觀眾眼前。
三更半夜咪嚇親 靈異角色四圍騰 喪屍助手勁失魂 驚天陰謀殺埋身！？

全城最紅嘅「屍家」偵探D哥，專門偵破妖魔鬼怪之間嘅棘手奇案；今次佢終於遇上難題！話說靚女伊莉莎伯嘅父親懷疑被妖怪所殺，於是揾嚟型男D哥幫手破案。本來以為可以「神速」解掂嘅Easy Job，背後原來暗藏滅世大陰謀！？一解即發的危機，更隨即引嚟彊屍、人狼、喪屍三族互相猜忌，妖魔混戰如戰在弦！最大鑊係D哥嘅爛Gag助手孖吉俾喪屍咬咗啖，變埋活死人周圍失控闖禍…連場麻煩事，究竟係千年人狼暗中作怪，抑或係彊屍大王重生搞搞震？就等D哥穿梭新奧爾良街頭嘅「活死人凶間」，為大家揭開謎底！


導演：奇雲梅洛
主演：班頓洛夫、森赫德頓、安妮妲柏寧、泰迪格斯
片長：--
級數：--
上映日期：2011-07-28

longpeter

我又唔睇得,味夠碎數,,

x318it699

我又唔睇得,味夠碎數,,me2==