本帖最後由 小雪冰 於 12-7-2011 22:32 編輯
眼見最近多左各種技術/心得帖既出現
搞到我不自覺地手痕了lol
於是就走黎獻醜..
因為我主玩莉1
所以就講下自己玩莉1的小小心得吧v_v
(ps 我有預感自己打打下會亂左..所以呢,希望大家可以提醒一下我 + 請見諒)
我自己就淨玩森場、無技樹(除左加防)、無爆+地矛、限裝同埋1p既
山場好耐冇玩過喇
先講森場啦
森場:
不外乎玩走位的說
無技樹版前前z其實係十分好用
係左上 / 右上面衝去對面既時候用
範圍都幾大
係空中打到對方的話有機會可以連技 / 捉
如果咁岩出完2下之後對方係自己前面點算好呢?
我就會即刻轉模式(=禁x)
目的係解除硬直
之後禁z / 走人就好了,一切睇情況而定
當然你都可以選擇係定一個範圍入面跳z呀之類既
等對方沖埋黎果陣再進一步攻擊都係可以的說
2者交替使用又得
打法真係完全up to you~
小心唔好濫用下z(扔鈴)
扔的時候會停留係空中
呢個時候對方大可以飛去你後面打 / 捉你
我個人認為濫用扔鈴 + 飛腳(連用)係非常危險 + 無效率既攻擊
只用前者既危險就好似上述咁啦
用埋飛腳的話,其實都扣唔到幾多...
1轉既下z有別於3轉同4轉
後者可以彈起對方
但1轉唔會
(補充 : 對方跳起果陣中既話會彈起)
我真係寧願用多幾下前前z = =
咁樣聽落下z既破綻幾大
不過其實都係睇使用者既用法 + timing架姐~
應該點樣用會比較好呢?
我用開既版本就係:
(大前提係要確保對方會中招先..如果對方唔係自己既右下 / 左下面就唔建議用)
扔鈴 -> 令對方硬直(有defense都會,不過時間過得快d咁解) -> 轉模式 -> 衝前捉
扔完鈴 + 對方中招之後
拿拿林轉模式
(但由於時間有d短既關係,我多數會suppose對方一定會中招,所以一扔完我就轉定模式)
就可以把握呢個硬直時間衝前去捉佢
呢個方法十分有效
我自己都用過無數次
掌握得好既話
對方係可以完全被自己控制住架o_o
睇住對方無啦啦比自己捉完一次又一次
真係幾爽 + 搞笑haha(off topic)
捉始終係扣得最多既非技能攻擊(好啦,呢個term係我亂作既haha)
既然莉1既機動性係高既話
就應該好好加以利用
配合捉的話,其實打人都幾痛
所以要善用扔鈴
而唔係扔完之後叉隻腳落去就完左個combo
咁樣未免太浪費喇
當然我唔係話咁樣用係唔好
不過相比起接捉的話
呢個方法就顯得蝕底左d咁解
講完非技能
係時候講下技能了~
(ps 我只講原本技,因為我唔玩技樹既技)
出拳果個模式我就叫舞(模)
向上踢果個我就叫武(模)啦
個人強烈推薦舞1技 + 捉
下?! 舞1技可以接捉?!
對...是真的 (發現新大陸orz")
呢個就要考經驗
我自己就靠聽聲
出舞1技既時候莉會叫3下(- -除左叫,我真係唔知點形容好,詞窮orz)
中途我會禁實左 / 右(睇下對方係自己左定右面啦)
叫完最後1下之後
對方就差唔多係時候會訓低(如果佢食到最後1下拳)
this is the right time
即刻禁z就有機會捉到(我會禁埋下制)
呢招既破解方法就係可以係出拳中途cut技
如果係出完之後先cut到..
9成9會被照捉無誤
所以能夠掌握時機多出舞1技的話
呢招係極其好用架lol
舞模既其餘兩招係1p既情況下大可以無視
2技...我出完之後會暗叫不妙的orz (出錯技...死得. 不過大概1p先會係出錯技?)
3技...fatal既時候都可以用既,不過對方醒既話就即刻飛埋黎秒你啦= =
武模方面
1技可以連既
最好既方法係踢完3下之後即刻再出1技
如果定左再出會亂
對方有機會跌左落地下..食唔哂d技
(補充 : 對方係自己後面既時候可以試下出武1技,有機會打到後面,之後可以連空捉)
2技殺傷力唔低
不過原本既2技要係岩既時機用都幾大難度..
所以最好連埋舞1技出
冇得控制方向既話真係幾難掌握timing
3技....哈哈,對方冇技cut果陣可以出架xd
一般情況下都唔會出既其實..
因為cut技都搞惦喇
如果要鬥技長
用舞 / 武1技吧
因為前者出既時候對方會定格
後者出完最後1下都有時間閃
出完就可以遠走高飛了
就算唔可以完全避開對方既技
跳高左既話佢最多比幾野你食
照計就唔會傷得太重既
訓落地之後又可以再郁番.
山場:
玩山場既話...
我既目標係彈人落街v_v
不過前前z就唔可以係咪都用喇
(森場的話都仲可以飛黎飛去)
因為一個唔小心比人跳z既話就係咁先
其實都係玩camp位-.-
山場活動範圍比森場細好多
又唔可以成日衝埋對方度
所以都冇咩特別野可以講
都係果句
扔鈴 + 飛腳連用好易露出破綻
扔鈴呢..比對方早過你跳打就弊
飛腳呢..對方一拉開距離再用跳打就多數中招
所以建議有把握先好用
如果用技樹..
武1技可以裝lv2
對方中哂的話多數都飛落街
關鍵在於係空中轉圈果一下
中左就ok架喇
舞1技就可以裝lv2 / 3
lv2最後一下會打到對方橫向飛走
效果同真2既1技差唔多
lv3就係打到上半空
大致上係咁多啦~
我有可能會再修改 / 補充一下
(部份補充 + 山場已加上)
同時歡迎各路英雄提供意見~
end
感謝凝月大大的補充~ |
發表於 12-7-2011 13:16:59
變色卡
發表於 12-7-2011 13:27:20
