The Butterfly Effect 一只蝴蝶拍一下翅膀會不會引起龍卷風？

mcyos

每當做錯一件事或姐決定之後, 有時就會諗: 如果我當初唔係咁做, 就唔會搞成咁.
所以, 我地就好自然地衍生出"回到過去"既想法.
如果我地可以回到過去, 重新選擇過或者糾正過去既錯誤, 結果係咪一定可以變得更好呢?

The Butterfly Effect (連鎖蝶變) 中既男主角就因為有咁既念頭而不斷回到過去、改變過去, 希望令現實中出現完美結局,
但係正如電影名一樣, 男主角每次改變過去都令過去同現實之間産生連鎖反應; 改變過去, 現實亦會隨之而變得始料不及.
於是, 男主角就開始左一條冇得返轉頭既路.
雖然佢好努力咁同時間競賽, 但係現實中既改變已經好難挽回到;
電影尾段, 男主角亦因為改變過去, 而令自己達到一個不可收拾既地步.....


最後, 引用霍金一句話:
「以往種下的因成為今日的果，只有瘋狂科學家才會想要回到過去顛倒因果，因為回到過去將違反基本的因果論。」