[激活碼測試]七天九陰日誌+玩法內容（15/10更新）

若情＊

奇遇 － 1樓
感想 － 2樓
修練 － 3樓
江湖鬥爭活動 － 3樓
門派戰 － 3樓
好友系統 － 3樓
綁架系統 － 3樓
－－－－－－－－－－－－－－－


尋晚玩到好夜, 已經冇精神放圖上黎, 今日補番
先聲明本人開中配, 顯卡只係4830, 因為我搵唔到九陰內置截圖系統, 只好自己printscreen, 大家將就下
角色姓名我用黑色遮左
好喇, 唔講廢話, 去圖:lol  [如有死圖請通知我補圖]

話說尋日九陰早左開機, 約莫一點半已經入得game, 不過真係好多人
不過我比較好彩, 係睇完開場動畫之後斷左兩三次線, 有朋友斷線斷到角色都創唔到....
創角畫面我真係唔記得左cap圖, 只好比張登錄畫面大家望下.....



第一天
呢兩張係開場動畫截圖黎, 今次只係開放左1個劇本, 叫鳳凰誓





第1個正式任務係叫人劈柴.....,不過幾百人一齊搶....真係非常之有難度!!! 初初唔識搶我企左20分鐘先解到個任務
之後好多任務都係要執野.....仲係非常多人同你搶, 搶多幾次就有心得點樣搶快d架喇



幾經辛苦搶完柴, 之後師父叫我去練武場搵大師兄.....一入武館真係嚴重delay, 上到2XXXXPING
不過我比較幸運, 係我等左5分鐘後大師兄終於現身, 只係有個連招任務解唔到, 因為delay嚴重我都冇辦法.....



於是決定之後先解武館, 先拜師峨眉!!!
當我上到峨眉山.....心血來潮之下做左一次跳崖黨.....
最後我發現跳崖失敗....因為下面有條河....結果我死唔去跌左落水....
係到提醒大家, 跳崖之前請望清楚下面係咪條河黎....


呢張圖大家見到比較貼近下方既位置有條bar, 當你入左水之後就會出現, 如果角色係限時之內未能浮出水面呼吸, 就會開始扣血

最後等隻人仔死左我就就近療傷, 係會番左去最近既藥堂




當我打個坐回血回得七七八八既時候, 九陰關機維護, 之後再登入已經可以順暢地解武館新手任務喇
解完之後劇情又黎喇:lol



之前跳崖跳唔成跌左落河, 而家就跌左落個好深好深既枯井, 唔通連個天都唔鍾意我?



最後係劇本劇情安排下, 拎到第1本輕功秘笈, 踏出我飛簷走壁既第一步


話咁快就去左成都喇, 個人覺得幾容易蕩失路, 都可能因為我睇地圖比較差既關係, 都可能係因為我偏愛行屋頂既關係....



黎到城都, 當然要去下各位客倌都好關心既青樓喇;P



麗春院內部及後園池塘





遊左成都一轉之後, 姑娘我又返去千燈鎮, 解一個之前系統信件寄比我既奇遇任務喇







我仲以為會拎到秘笈, 得把攻擊得9既雙刺, 有d失望

成都酒坊伯伯處，大家都跳奇遇



下面是奇遇恩仇表，顯示了NPC對你的好感度。



跳完成都伯伯，我就到了成都周圍行逛。下面是浣花溪，再走遠一點就會見到浣花劍派。









既然到了成都，還有兩個地方不得不去。第一，就是豬哥亮的武侯祠；第二，當然是杜甫故居。

記得杜甫《詠懷古跡》其四就說「武侯祠屋常鄰近，一體君臣祭祀同」，下面的就是武侯祠了。



還可以進廟參拜。



武侯祠附近的，就是杜甫草堂。



遊畢成都，我就去了蘇州。

所謂上有天堂，下有蘇杭，蘇州真係好靚。



蘇州城有主線任務，內容不透露了，大家日後自己體會吧。



話說非常不辛地，本姑娘在離線狀態下被綁架賣到青樓了......

若情＊

今天應該也沒時間更新圖片了，週末再一次過更吧。
現在先抽空說一說一點感想。
老實說對九陰有點失望，整個奇遇系統我覺得有點含糊，提升好感的方法除了某些特定人物可以送物品，其他就是跳跳跳、打坐、做任務、擊殺惡人、切磋，或者是你真係幸運地遇到了一位頭頂有奇字的NPC。
我很努力去解八卦，滿城跑啊跑，感覺作用不大，找對了NPC還得再慢慢提升好感度，任務有限，也不會常常湊巧有惡人在你的目標NPC前出現讓你殺，切磋還需要靠朋友幫手，想提升好感也無從入手……
裝備方面，之前十三妹再三保證，好裝備還是要玩家做出來，裝備屬性不會影響太大，衣服更是沒有屬性加強，現在不就在自打嘴巴嗎？衣服都是有屬性的。
副本最讓我不滿，想得到秘笈就去刷副本，暮色之村昨晚一打就打了快兩個小時，所有東西還是全隊人抽籤，這樣跟別的遊戲有什麼不同？一句到尾還是要刷。暮色打一遍最少要一個小時，學生、上班族哪有這麼多時間刷？結論就是要花錢。我猜商城還是會出什麼提升歷練、解武器裝備綁定等等的東西。

若情＊

修練部份

最基本係學完武功需要修練, 修練有3種方法, 如下圖



內修需要比較長既時間，演武雖然比內修升得快，但係要花錢，團練功能未開啟

除此以外，招式都有分不同屬性，分別是金、木、水、火、土

修練的時候去不同地方修練會影響修練速度。比如說屬土的跑到高山邊修練，速度能提升，跑到河水旁邊就會減慢了。




江湖鬥爭活動

另外，九陰入面有好多活動，主要分左江湖、門派、幫派三類，我尋日亦都玩左其中一個：門派護書



只要入參加左活動，頭頂就會多左個字，參加門派護書就會多左個護字，參加巡邏就會多個巡字，如下圖。







門派戰

今天玩門派戰，只要加入左門派，係開戰前系統會自己提醒你，問你要唔要參加，不過條件不足係會被拒絕。

本次門派戰係峨嵋VS唐門



門派戰盛況。
我自己玩既時候真係好lag，尋日去護書都冇咁lag，始終太多人了。



門派戰歷時一小時，雙方合共共3個復活點。下圖中三個圓點即復活點的位置。



下面那個牌子每殺一個敵人就可獲得一個，可以換門派聲望。



最後呢個真係令到我Ｏ哂嘴，講多無謂，各位請睇圖



為免大家睇唔明，我解釋一下。
話說我係門派頻到見到有同門話自己比人抬走，綁左上條柱到。我睇到當然周圍搵喇，到見到呢個畫面真係
被綁在柱上的黑衣女子係本姑娘既同門，下面其他人就係唐門中人
呢個擄掠上刑台帶比我好大衝擊呀




好友系統
九陰有分好友、摯友、仇人、血仇、結識、關注、黑名單幾個類別
好友、摯友等有親密度，仇人、血仇等會有仇恨值
按下下圖左邊的icon可以給好友送禮，有擴充包包、藥物等，不過包包基本都要10兩一個，藥物每樣不同，大都是幾百文錢。



綁架系統
九陰可以綁架玩家，我試過被綁兩遍，都是離線時被綁的。
如果離線被綁，上線後三個小時之內歷練不能轉化成修為，玩家得替自己贖身才可以。

令狐傲龍

支持
遲D放片+圖上來


仲有
你叫咩名
+FD

若情＊

回復 4# 令狐傲龍


    check pm plz, 你呢?

tb希哲

我又要+ fd@@

若情＊

回復 6# tb希哲


    check pm plz, 你又叫咩名?

tb希哲

回復 7# 若情＊
皇甫希哲  

～蛇仔～

你好呀,第五夢姑娘

若情＊

回復 9# ～蛇仔～


    haha, 我唔係叫第五夢, 我當然有check清楚見唔見到我個名先出post喇;P