我打算玩戰士幫下手(新手)

落難軍人

劍聖比較好玩
配點自己領悟，每20LV 30LV 40LV 50LV都有洗點卷送
翼風星痕 發表於 4-12-2011 12:27

火星朋友你好

呢次改版已經改左

king91125

咁事實人地無講錯

人地話咩職就咩職咁你不如唔好玩

自己睇下D片同資料

睇下邊隻岩自己D再問下有關既野仲 ...
落難軍人 發表於 3-12-2011 15:44

明顯係有講錯啦 樓主發post希望有人"推薦"比佢  明唔明咩叫"推薦"啊
jimmg12 明顯係9唔搭8啦
家陣樓主冇話人地話咩職就玩咩職

落難軍人

明顯係有講錯啦 樓主發post希望有人"推薦"比佢  明唔明咩叫"推薦"啊
jimmg12 明顯係9唔搭8啦
家陣樓主 ...
king91125 發表於 4-12-2011 23:49

首先
玩GAME係自己玩 唔係為左人地而玩
牧師組隊需求高D就玩牧師
而放棄自己鐘意玩既法師?

一隻職一轉果陣已經有兩種唔同路線
如果人地推薦佢玩隻熱門D既 咁佢就跟人地講法去玩
有意思?

而jimmg無講錯既就係自己鐘意玩乜就乜
呢個係事實

選左自己想玩既果隻職再問人推薦邊一種玩法都仲話可以

你鐘意輸出高既箭神/火元 我無理由推薦你玩祭司麻 係咪?

king91125

首先
玩GAME係自己玩 唔係為左人地而玩
牧師組隊需求高D就玩牧師
而放棄自己鐘意玩既法師?

一隻職一轉 ...
落難軍人 發表於 5-12-2011 00:18

係 冇錯玩GAME係自己玩 唔係為左人地而玩  家陣樓主選定左想玩既係戰士 注意:係最基本既職業
樓主想別人推薦既戰士往後可轉職既職業 同你所講既"牧師組隊需求高D就玩牧師
而放棄自己鐘意玩既法師?" 唔同性質
推薦樓主玩隻熱門既 冇問題 只係提供左d資料比佢  唔代表係樓主最終選擇  要是樓主真係同意該說法都是個人決定 好過你9唔搭8或者唔推薦
jimmg12  講既"自己鐘意玩乜就乜" 係冇錯 我認同 但係句野回唔到樓主既問題呢
最後  你話"你鐘意輸出高既箭神/火元 我無理由推薦你玩祭司麻 係咪?"
樓主都說明 家陣佢最基本選擇係戰士 如果你真係推薦樓主玩祭司咪9唔搭8囉
樓主說明"如題我想玩戰士,有冇人可以推薦我轉咩職同埋加點"
依照以上 你都冇可能回帖回以上既野啊可~

落難軍人

係 冇錯玩GAME係自己玩 唔係為左人地而玩  家陣樓主選定左想玩既係戰士 注意:係最基本既職業
樓主想別人 ...
king91125 發表於 5-12-2011 00:57

我同你講野舉個例子而已

唔洗將D資料套返去主題度

如果係照自己願意去玩既

人地推薦黎無用

如果跟人地推薦既黎玩 即係無左自己主見 -_-

除非樓主講出左想玩偏向某一類型

咁其他人就推薦到吧

例如我要玩戰 , 又要牛既

我地咪推薦到傭兵

如果我要玩攻擊型既

咪推薦玩劍聖

當然仲有其他細分

jimmg個回復有佢既道理

唔可以完全話係九唔搭八

kito007

其實樓主問野之前應該寫清楚自己的興趣方向
例如想玩輸出?想玩輔助?想玩龍巢?等...
讓人有個方向向你解答
當然jimmg12做左見習版主後..重系一貫作風
"你自己中意玩咩米玩咩= =...."
呢句野可以系至理名言
但對新手黎講就冇d營養
你作為版主面對新手提問應該作出應有的引導
例如:
1建議樓主比多d個人興趣意向....等其他人解答
2.或者直接貼相關link: eg 麻糬工坊
3或者直接講出個人鍾愛邊個(如正版主:翼風星痕 #10)/ 4種職業有何不同(物劍/魔劍/雙傭)
我唸你原意都系"1"希望樓主比多d個人興趣意向....等其他人解答
不過你用詞及語氣上可能好hurt倒新手/對事情沒幫助
希望你作為版主注意一下
我覺得你直接回#4尾果段就唔會搞成錦
呢區本來少人...你知我想講0羊
無謂搞到禁僵

monsterbb100

近排風高物燥，好易起火架~~ 大家唔好咁易燒著先得架~~ :lol 好重火藥味呀~~ 唔好為左個小post傷大家和氣啦~~

咁啦~~ 樓主，我比一堆參考你，睇下你想玩乜啦~~ 以戰士為例，頭一轉已經有兩個選擇，分別係劍聖同傭兵

劍聖︰重連技，輸出其次；因為劍聖技CD時間好短，若配合得好，可以做到零間隙連續傷害，有一部份算係群體輸出，劍聖分為群攻同單攻(或分為遠攻同近攻，或魔攻同物攻)，

月光劍豪︰魔劍聖以群攻為主，即遠攻，因為以魔攻為主，所以比人叫做魔劍，可以二轉化身為月光劍豪，為現時受歡迎職業之一，因為魔劍既輸出好高，但可惜技能接駁會有間隙，到間隙時多數以物劍系技能補上，因為劍聖/戰士為物戰職業，所以推魔攻比較困難，要用上好多錢或時間先可以有出色表現(我會中有個強月光，8千魔攻，打海龍可以打到條龍把把聲出血，但代價係全身+10以上海龍裝，正副武為+12海龍，全身魔攻飾物，時裝係金翼，時裝介子兩雙都係商城抽返黎，全身靚屬藍時，加正副時裝武器綠時，呢D分明係土豪所為... 見議樓主唔好學)

劍皇︰物劍聖以單體輸出為重，因技能CD快，可以做到零間隙連環輸出，再加上劍聖/戰士為物攻職業，所以推物攻比較易，唔洗用好多錢都可以推到6000物攻以上(以LV50為例)，其二轉為劍皇，雖然以物攻為主，物攻又易推，但可惜因為物攻技冇魔攻強大，所以就算推到6500物攻，打大豬都見吃力(我見過入野團打大豬，個自認6500物攻既劍皇，同隊為一聖騎，一遊俠，我自己係62xx魔攻十字，結果見住個劍皇死三次先打完大豬，遊俠死一次，我同聖騎冇死，再者，睇佢打豬，力度都唔係咁夠，反而個遊俠仲強過佢~~ 見住佢用技打落隻豬度都只係扣少少，我一個十字架Ex掉落去都扣多過佢幾十倍... 當然，要好睇佢配點同埋裝，劍皇玩爆擊或終傷仍好可觀)


傭兵︰重輸出，單體輸出；傭兵雖然都可以做到零間隙輸出，但就只限單體，因為傭兵技多數都係單體或短距離輸出，所以PVP場既話可以稱得上為皇者(當然，若果一個操控好既遊俠，都可以比傭兵有比較)，但PVE上，因為傭兵大部份技都係推開怪，所以好多時都會做到比傭兵推散怪既情況，所以副本黎講傭兵冇劍聖咁受歡迎，但用巢穴黎計傭兵會比較受歡迎，因為巢穴以打Boss為主，傭兵既強輸出同零間隙既單體傷害，再加上傭兵有吼叫呢類既Buff，可以令隊友，尤其係女職有個好可靠既輸出保障。所以傭兵亦分支為吼傭同輸出傭(當然，吼傭為現最受歡迎職業之一，尤其係打海龍巢穴，最少都搵個吼傭黎吼掉Boss既Debuff)

毀滅者︰傭兵以Debuff為重，以輸出為副，幫助隊友加buff及重要時刻吼掉Boss的debuff，稱為吼傭，二轉為毀滅者，現時大型巢穴，如海龍，大豬仍頗受歡迎，其海龍為甚，毀滅者因為重吼技，所以輸出技會略遜色另一二轉職狂戰士，但其輸出仍很可觀，尤其LV50技旋渦怒吼，是為PVP場頭痛技，被捲中真係只有睇住自己係咁跳彈床~~

狂戰士︰若傭兵以單體輸出為重，重強攻，可以二轉成狂戰士，因為狂戰若以單體輸出為主，比起同為單體輸出既物劍/劍皇，狂戰真係高出幾班，是為PVP場單攻強者，雖然技能有間隙，但若配斧類武器，以普攻頂間隙，可以做到連技連死人既效果，再加上重踏EX，可減目標速度，讓你慢慢虐待

兩重傭兵都只能推物攻，魔攻對傭兵係廢既，正如好少會見到有物攻法師一樣，所以純推物攻就得，再加上傭兵係物攻職業，推過7000物攻都係閒事，唔洗好多錢都得，若以毀滅者為目標，更唔洗好強都得，因為隊友係以你既吼技為目標，你保到命就得，所以一般吼傭，即毀滅者都會純推血多，以打海龍為目標，但若純推血，響其他巢穴會略為遜色，所以一般毀滅者都有兩套裝，一套為血裝，打海龍時著，另一套為攻裝，平時打巢穴打副本著~~



嗱~~ 樓主，比晒D好處壞處比你諗邊隻職比較岩你啦~~ 自己慢慢諗啦~~ 每個人既玩法都唔同，出技既先後都有分別，技能排放同著重都好唔同~~ 所以要認真考慮自己鐘意咩職先玩落去啦~~

只供參考，有錯既地方請大家指點，不喜勿插

翼風星痕

如題我想玩戰士,有冇人可以推薦我轉咩職同埋加點



冇人理我????
694968990 發表於 3-12-2011 14:16

戰士類：PVE輸出最高 月光劍豪
傭兵則屬於半攻擊 輔助技能類

monsterbb100

戰士類：PVE輸出最高 月光劍豪
傭兵則屬於半攻擊 輔助技能類
翼風星痕 發表於 5-12-2011 16:11

哇！希亞你出手好闊喎~~ 一下加我10點~~ 多謝晒~~ :lol

臭軍人~~ 字海唔睇都加個Bravo我... 頂你唔順~~   :lol