聖徒配點參考及討論

monsterbb100

各位巴打好~~ 又係我呢隻小怪黎吹水 "誤導" 下大家啦~~ 今次講既係全輔全補型聖徒~~ (亦都係小弟現時既聖徒配點)

呢類聖徒係最正，無論打海龍，打巢穴，都係最受歡迎(尤其係女職，簡直會愛死你~~:lol )，但打副本既話，呢類職業既攻擊方面又係最弱....

聖徒唔會有物攻聖徒，因為物攻會令補血杖既效果減弱，所以聖徒係以魔攻為主，若果打海龍，就以血為主，然後推魔。聖徒一般都唔會推光攻，因為唔係主攻或輸出職，所以推光黎加強攻擊係冇用，聖徒主要靠電杖黎做攻擊~~

先比大家睇睇配點先~~




牧師技能︰

盾擋︰點5，擋6下，夠你應付大部份情況

輕盈迴避︰滿，做補師，一般都唔會主攻，全團既命都響你手，所以被浮空最好盡快調整，以保其他隊友可以受到你既保護。

連鎖閃電︰滿，CD快，以聖徒一定主魔既原因，唔止係十字軍既神技，祭司既主力輸出技之一~~

起身猛擊︰必點，因為被怪打到訓低時，果半秒起身無敵好重要~~

治癒︰滿，唔滿唔好叫全輔全補啦~~ :lol

不屈︰滿，你防夠先可以保護自己，保護到自己先可以保護隊友麻~~ 再加上聖徒主魔，魔防一定夠，加滿不屈係補充物防，再配雙防A紋，唔夠魔攻都夠硬麻~~ 你夠硬人地先放心將條命交比你~~

自然精通︰滿，多一點HP，多一點生存空間

滑行︰滿，唔洗多講掛，每個職都必滿技，牧職閃避技已經勁少，仲唔滿呢個真係唔洗閃....

智力精通/智力訓練︰各點2，以魔攻為主既聖徒，基本上MP唔會唔夠，再加上朝氣A紋，以小弟為例，點2既訓練回魔加A紋，(仲要衰到潛左對耳環都係MP 15%回復) 就算係打海龍，勁放技勁放buff勁補血都好，MP都冇跌過，長用長有~~ 所以回魔點到2已經好夠~~


祭司技能︰

電光箭︰點1，第一行雷技基本上唔點，因為係全輔全補型，所以攻擊以電杖為主，但小弟為左打海龍而要遠攻，所以點多1點電光箭黎做攻擊同PVP斷人技用~~ (海龍若果你亂插電杖，會頂住其他隊友，所以打海龍巢穴電杖唔係主要輸出，要睇住黎放電杖，唔好亂放，若果唔係可能因為你枝電杖頂住人而令到其他隊友避唔到Boss技~~)

權杖精通︰必滿，加你魔攻喎~~ 唔滿對唔住自己啦~~ 而且滿左權杖，會令你既普攻最後一下放三度電，唔好睇少呢野，打小怪都好金下架~~

神聖庇護/保護之盾︰點6，若果點到7，加得果1%，效果同點6差唔多，無謂浪費點數~~

神怒︰點5，暫時5係最高..... 方便十字軍加光攻

聖光十字架︰前置，聖徒又一遠攻技，前置就夠，因為起手太慢，用黎打打海龍條尾，遠距離攻擊，又安全，又中得多hit~~ 點多唔夠點加其他技~~

神聖風暴︰點1，雖然呢招點爆好強大，但全輔全補型，攻擊都未輪到你啦~~ 點一只係多個攻擊技能，以仿便聖徒原本已經少攻擊既既特性多一個攻擊，等你唔洗咁行行企企....

雷電之手︰前置點到EX，即11點，雖然可以點到12，但效果唔大~~

治癒之手︰滿，全輔全補都係靠呢枝杖搵飯食，唔滿就唔好叫全輔全補啦~~ ;P

聖癒/掌握之手︰前置，聖癒唔常用，只係用黎解狀態，就算點前置都唔會差點滿既CD時間幾多，所以前置就夠~~ 而掌握只係鎖怪，仲要鎖得小怪，Boss級都鎖唔到，又係唔常用技，所以前置到奇蹟就夠~~

奇蹟之手︰必點，搵飯食技能，又可以攻擊，又可以幫到隊友，尤其打海龍，必用技能~~

神聖之光︰點1，方便被群怪打時彈開群怪，又有小無敵效果，但點多冇用.. 1點好夠用~~


聖徒技能︰(聖徒三技必學)

神聖護盾︰點1，好多人以為呢招冇用，其實大錯特錯，當見到隊友血少時，補血技又CD緊時，或將會發生巢穴Boss連技前，放呢招，真係會保到隊友命，同戰士既亢奮有異曲同功之效(除中海龍既龍息或中樹人既狂爆外，小弟暫時用呢招後，隊長都未試過因為連中Boss技而死，就算面對大豬既炸地三下，海龍既蜥蝪三兄弟其中連環電同連環冰都唔死)~~

雷電之手EX︰必學，加強電杖攻擊，好洗好用~~

衝擊之手︰必學，好多人以為呢招冇用，因為放左好似冇野中咁~~ 其實呢招係要靠杖黎引發，即係你放左幾多枝杖後，再用呢招，你所放既杖會同時一齊放電，而且攻擊好強，小弟通常係放兩枝電杖、奇蹟、掌握，然後出呢招，打憐憫五連時，兩枝電杖加一枝掌握，分開放，然後一野，群怪即滅~~


裝備方面︰

因為聖徒以保命為主，攻擊都唔到你，雖然補血杖計魔攻，但治癒計HP上限，而且治癒用黎急救，補血杖只係幫隊友攻擊時唔洗理扣血，所以你多血，用治癒黎急救好重要，所以裝備以推血為主，全身上生命，到冇生命先上魔力或智慧，雙武上魔力，潛最好有體力，後魔攻或智慧(光攻對全輔全補型聖徒冇用，因為你唔洗點攻~~)


時裝方面︰

亦都係以血為主，後先以魔攻或智慧為副~~


技紋方面︰

四手杖紋減CD，即係治癒之手A紋、雷電之手A紋、奇蹟之手A紋同掌握之手A紋。之所以選掌握之手而唔選治癒A紋或聖癒之手A紋，係因為掌握係方便你掉個杖過去幫被小怪或PVP中既敵方打到快死既隊友可以逃跑到你身邊補血~~


強化紋方面︰

雙防A紋，魔力、智慧、生命、健康、朝氣，仲有一個位大家鐘意放乜都得~~ 小弟就放左個硬抗，以防倒地~~

以上為小弟既全輔全補型聖徒心得，小弟既聖徒唔強，三件藍時，兩件綠時，全身50A裝+8，得手同鞋係豬裝，雙武都係+8，全身50A紋，但飾品唔係50A，血得8W7千，魔攻得4千幾，但入野團打海龍，都見海龍3條半血先滅團~~ 所以聖徒唔洗咁強都可以保護大家~~

歡迎大家討論~~ (不喜勿插)

o19042

聖癒不單只可以解負面..
會加埋光攻,
你指全輔助,
但保護同庇護又唔點滿?
你話果1%好少,
但你要知道係加落全隊
唔單只1個
同埋,得連鎖同雷手叫輸出,
你點高連鎖不如點埋雷電果行
以上只屬個人愚見

神人打手

聖癒不單只可以解負面..
會加埋光攻,
你指全輔助,
但保護同庇護又唔點滿?
你話果1%好少,
但你要知道係加落 ...
o19042 發表於 20-12-2011 18:25

    距都講明 系發戈帖黎誤導大家 妳咁認真做咩

monsterbb100

距都講明 系發戈帖黎誤導大家 妳咁認真做咩
神人打手 發表於 20-12-2011 18:45

咪係~~ 我Post黎呃分兼呃入精華區咋~~ 順手交功課比Jimmg咋~~ 哈哈~~ :lol

webb18

各位巴打好~~ 又係我呢隻小怪黎吹水 "誤導" 下大家啦~~ 今次講既係全輔全補型聖徒~~ (亦都係小弟現時既聖徒 ...
monsterbb100 發表於 20-12-2011 18:03

http://goo.gl/PtJhz
不點滿連鎖的原因是成長率很低，CD低都沒用，點高不如放棄雷電之手A紋，裝增傷A紋，效果更佳，省掉SP
掌握之手A紋，不打PVP＝雞肋
治癒之手A紋、治癒A紋和聖癒之手A紋實在必備，治癒之手A紋減CD不用多說，治癒A紋可以減CD或加補量，分別對間中的瞬間重傷及低傷的高速連技傷害特效，減CD可以保命，加補量可以回快很多(參看這裏)，而聖癒之手A紋減CD對於打龍&打PVP很有效，因為需要極頻密的解狀態，不用點高便能減至36秒CD，提高效率，不裝大慨很難打龍(隊友較易死)，最後奇蹟之手A紋減CD、雷電之手A紋減CD、連鎖閃電A紋增傷或神聖護盾A紋延時都是不錯選擇，任一都可。
(請勿把減CD紋章裝於限時紋章，如要裝過期前打算不續買必須拆下，否則CD會顯示為有紋章效果但用不到技能)

monsterbb100

不點滿連鎖的原因是成長率很低，CD低都沒用，點高不如放棄雷電之手A紋，裝增傷A紋，效果更佳，省掉SP
...
webb18 發表於 20-12-2011 21:10

唔錯~~ 幫我改得幾好~~ 原來我係裝左聖癒之手、雷電之手、奇蹟之手同治癒之手四手減CD A紋~~ :lol  

連鎖... 其實我都諗緊放棄點高連鎖黎加其他攻擊技，但玩緊十字，覺得點滿連鎖既攻搫唔錯~~ 只要連鎖落點準，係扣好多~~ 但連鎖用黎打海龍真係極少機會用到~~ 因為打到海龍時，用遠攻技黎打，係比聖徒有個快速走位既方便，全部職最腿短係祭，若果打海龍仲埋身既話，真係好易比龍既黑洞吸入去被打~~ 或者旋轉龍息時，有機會走唔切~~ 但小弟考慮到唔止打海龍，仲要打其他副本~~ 連鎖滿級既攻擊同快CD真係比到聖徒多一個高攻技~ 所以就揀左滿連鎖~~

但大哥你既點法真係好值得參巧，只係唔係太認同你點天堂審判，因為有奇蹟連攻帶守已經好足夠~~ 所以若果我好似你咁點法~~ 我會放棄天堂審判，黎將電光箭加到LV3，最後兩點點埋落智力精通(唔好浪費~~ XD) ，因為電光箭既成長都幾高，而且CD快~~ 仲減光防，再加上係群攻夾遠攻技，用時又可以轉角度，可以橫掃一堆怪~~ 好洗好用~~  :lol

kito007

各位巴打好~~ 又係我呢隻小怪黎吹水 "誤導" 下大家啦~~ 今次講既係全輔全補型聖徒~~ (亦都係小弟現時既聖徒 ...
monsterbb100 發表於 20-12-2011 18:03

我都想洗點改成好像你錦點....不過雷爆好暴力....唔捨得

monsterbb100

各位巴打~~ 我又黎玩野誤導大眾啦~~  今次講既係另類聖徒~~ 當然唔係物攻聖徒咁白痴啦~~ 玩開龍之谷都知祭職冇可能係物攻既，祭職永遠都係以魔攻為主~~ 就正如法師永遠唔會推物攻一樣~~ :lol

今次講既係 全輔全補助攻型聖徒~~ 呢類聖徒雖然都係全輔全補型，但亦有一定攻擊力，以PVP為主，當然，聖徒單P等於自殺，大把職可以連死你，但群P既話，聖徒既助攻同群電真係好有幫助~~

比大家睇下配點先~~



牧師技能︰

其他都同全輔全補差唔多，唔多口水啦~~ 主要係放棄左神聖束縛，黎加強其他技既攻擊力~~
唔同既係，連鎖閃電加到6，黎搶點比其他攻擊技~~  (個配點圖有問題，我明明點連鎖係6，cap圖後出黎係16.. 係6架~~ 大家唔好比佢誤導左呀~~)

祭司技能︰

同全輔全補唔同，放棄左聖光十字架同神聖風暴，原因係聖光十字架起手太慢~~ 唔好話PVP，PVE都死得~~ 要離成堆怪好遠先慢慢起手黎打~~ 雖然硬直都幾高，唔會咁易比怪打斷，但PVP就真係死得啦~~ 你起得手黎早就比人用技推倒左你十世~~  而神聖風暴雖然好強大，而且大範圍攻擊，但...40秒CD... 可能你連用都未用CD都未到已經比人連死左~~

電光箭︰LV4，雖然呢招成長率都幾高，點高都幾正，而且起手好快，但因為另一招後繼技更強，所以點到4黎加強後繼招式~~

精神爆破︰前置，相等於賢者既滑行猛擊，用黎逃走捉人一流，點多冇乜用，前置就夠~~

雷電效應︰前置，同電光箭有異曲同功之效，但可惜機率中電，但機率都幾高，用黎斷人技一流，再加上之後既後繼招式真係爽死~~

雷電引爆︰滿！PVP，PVE助攻搵飯技能，但要記住，一定一定要敵人已中了觸電效果先有用，PVP一般起手為電光箭-->雷電效應-->待數秒(因為等敵人因觸電而斷技)-->雷爆！哇！爽呢~~ PVE既話，唔洗理斷技，唔洗等數秒，見怪變綠用，因為前兩招一般黎講所有怪都比你電緊，所以再黎雷爆就超爽~~


聖徒技能︰

同全輔全補一樣，唔多講(打字打到手軟啦~~)


裝備方面︰

以光攻為主，因為助攻聖徒全部技都係食光攻，若果你推光攻，再加上自己既Buff，真係超強~~ 後再以魔攻為主

若玩海龍就以血為主，然後係光攻，再黎先魔攻~~

強化文章︰

同全輔全補一樣

技能紋章︰

電光箭(加傷)、雷電引爆(加傷)、雷電之手(減CD)、治癒之手(減CD)、聖癒之手(減CD)、治癒(減CD或加補)、奇蹟之手(減CD)都係唔錯既選擇，睇你係想打PVE定PVP

若果係PVP，就電光箭(加傷)、雷電引爆(加傷)、雷電之手(減CD)、治癒(加補)

若果係PVE，就自己衡量邊個對你最有利~~


總結︰

經過小弟禽晚洗點黎打海龍同大貓所測試，呢類聖徒比起只係全輔全補型真係有用好多~~

以大貓為例，第二關D牛牛，電光箭-->雷電效應-->雷爆，三招可以秒左單一一隻牛(響其他隊友沒有打果隻牛既情況下)，再加上我打海龍時，第二Part龍飛天，隊友打1,3,5炮台，其他響地面避黑眼同指甲時，指甲落下小怪群出動時，呢三招又係只係用兩招(電光箭加雷爆或雷電效應加雷爆)，小怪群即全滅(50A裝上修後，小弟既魔攻只得5千4，都可以咁樣秒到小怪群)~~  最正既係，呢三招都係範圍技黎，所以清怪一流~~ 用黎打憐憫五連清怪都好爽~~ 小弟洗點後改成咁樣真係冇後悔，因為以前玩全輔全補型，真係大把時間閒閒企企，而家改成助攻，反而更有力~~ 尤其係打海龍，跟野團後，隊友唔係太識打既情況下，一般最後會死淨坦同聖徒~~ 咁聖徒有輸出都唔洗放棄麻~~ (禽晚8人死淨主副坦、吼傭、兩個聖徒、同一個元素，即6人過龍，野團仲要有人唔識玩既情況有咁既成績算唔錯架啦~~)，而且呢類聖徒用黎打豬教巢穴都好有利，大家都知上到豬頭上面時，插杖係會跌左黎地面，即係上到豬頭上面打教主時，全輔全補型靠電杖攻擊呢招真係會廢左，所以有埋電光箭、雷電效應同雷爆，真係可以幫忙唔少輸出~~

以上都係小弟既愚見 (愚弄人既意見)~~ 各位大哥大姐有咩補充或更正隨時歡迎，都係果句，不喜勿插~~ :lol

Samlee556

唔錯 但系會較悶..

jimmg12

唔錯 但系會較悶..
Samlee556 發表於 23-12-2011 16:19

好耐無見過你sosad