星空之門以及星夢結合再生計劃 希望大家協助

懾靈歌

本人同大家一樣 從星空之門既公測一路走到今時今日 十年了.....從中一到E家 星空之門同星夢永遠係我最受既線上遊戲 星夢要結束E件事 我知道既時候簡直係以"晴天霹靂"黎形容 星空既最初,星夢既最後 都見證左 本人唔會係最高LV 最勁既人 不過都一直默默咁同大家玩 LV只不過係數字 最重要係喺入而同朋友度過既時光
如今 我再點樣不捨 星夢既結束已經係事實 不過我依然想繼續
所以!!! 本人既朋友 雖然無我玩咁耐 不過都好鍾意星夢 為左令星夢傳說繼續 決定試下重建 雖然大家可能覺得無可能
係!!! 我要承認星夢既重建的確無可能 因為我地無最關鍵既伺服器主系統資料 不過星空可以!!! 因為當年伺服器既主系統數據係大陸流出 雖然唔係星空最後既版本 不過 至少可以回復到有合體以後一段既時期 算係星空中後期既版本 再加上有當時裝備既數據 大約可以回復到85~90%版本既星空 唔敢話100%最後既星空 不過都算係有模有樣咁建設緊
當然 星空既裝備數據可以入到 自然星夢都可以 嗯 的確係測試成功!!!
所以今次唔係普普通通一般既星空之門或者係星夢既私~服~ 係破天荒將兩者"部分"結合係一齊
但係以本團體目前既能力主要係裝備部分既結合 一D系統既功能好似之前咁講 我地無系統既資料所以做唔到 所以D怪唔識放技,無爆擊,無刻紋,無星夢既任(花任個D) ED我地暫時無能為力
不過 我地好希望大家可以幫手 有寫程式既神手將D數據寫到出黎當然好 不過相信唔會有好多 但大家都有野可以幫到我地 就係大家可以將係星夢入面記錄過既任務圖片OP上黎 最好係有節日個D 有流程最好 邊個NPC開始 打咩怪OR抽咩野 收集D咩 同咩人講野 最後拿到D咩 一張張依次序既圖上傳 我地會"封存"起佢地 希望有朝一日我地有能力或方法既話 可以重新將E D資料加返入去
E件事對大家黎講又唔係一件有任何損失既事 請大家當成一個星夢回憶錄 將佢地OP上黎 其他既圖都可以 因為戰鬥既模式有好大既變動 其他既野都係 其他既數據同埋資料對我地黎講都非常重要 本團隊為左E次既資料收集計劃 特地買左一隻新既2TB HDD 以便接收大家海量既數據 必要既時候絕對會再加買

請大家接受小弟在此深深地一拜 仲使小弟我玩得再耐 都知道E個計劃唔會係一小部分人可以達成 真誠地希望大家可以略盡綿力
一張圖也不能少 星空與星夢是否能再現 就要睇大家

恨星

好
就係等緊你既出現
其實精華貼度有你所講>>"星夢入面記錄過既任務圖片"
而且有曬圖同步驟
希望可以整到

另外你個ser係咪用自己電腦整

懾靈歌

當然 個度既資料我地已經保留起左 只係怕有漏
嗯 我地應該係用另外一台電腦
因為主系統既原版係星空 所以幾乎唔會有星夢既野(除左裝,裝基本上已經確定有曬) 所以我地先會公開收集返D資料 等假以是日 我地有機會會整返 甚至整新野入去

子謙x0x

等你好消息-3-

懾靈歌

我地只能回應 盡力而為 同時希望大家幫忙

skyofsoar

我地只能回應 盡力而為 同時希望大家幫忙
懾靈歌 發表於 18-4-2012 08:49

你地租SER?

懾靈歌

自己既電腦

恨星

自己既電腦- -
咁咪好lag

starcash

不如叫星夢張D資料送給你HAHA ， 過了7月他都不要...

懾靈歌

其實我地真係有諗過俾錢買起佢個程式=.="不過諗落會好貴 除非集資 唔係單靠幾個人絕對買唔起=.=""