[召喚]有玩diva既玩家 + 1個(幾無聊)既問題

Torchic╳小火雞

我就習慣全部都玩掉的
所以對我來說 遇到未聽過的曲子都不是問題
你的話...其實也很建議你RANDOM
說不定遇到一首「咦 原來那麼簡單」或者「原來是那麼好聽」的曲子之類的

==================================

當然啦
我肯比人教就唔代表其他人都肯比人教既
他們怎樣想還是他們的事 我們都無權理會的說
萬一我有幸要教人玩PDA(雖然我猜應該都沒有機會)
假若對方要我安靜的話 我還是會安靜的說

PDA大部份玩家也是很乖的樣子 都很受教 樂意交流似的
相反其他音樂遊戲就不一定(特別是jubeat)...

==================================

剛剛上一上facebook
看到有四個人同時share了段影片 還說什麼「人間卒業」
(雖然還真的恭喜從人類中畢業了
跟PDA沒有什麼大關係 不過還是可以分享一下

小雪冰

回復 1261# Torchic╳小火雞
其實我都打算全部玩哂佢
不過真係要番多d時間先做得到呢點
短時間內就難d lu
random呢 我都考慮下試玩吧
畢竟你說的也是事實呢

的確 我地都唔可以強加自己既意願係人地身上既
其實有機會既話 我都想同多d PDA玩家交流下
下下自己玩 雖然唔係話唔得
但係我諗點都唔及同朋友 / 其他玩家一齊玩咁開心既

嗯 我相信有一部份PDA既玩家都係因為有PDA既出現先會入機鋪
例如我haha
所以我諗呢班玩家就會比較受落d
不幸既係我肯定唔到邊d玩家係呢一批人
同時都肯定唔到究竟邊d玩家係樂意同其他玩家交流 (哭)

其他音樂遊戲不是嗎?
你有親身經驗啊?

Torchic╳小火雞

嘛
我想起還是十蚊一鋪的時代
我去到某店家 打算玩兩鋪而已(現在你叫我十蚊玩一鋪也不願意
然後一去到 看到有個應該是新手在機台前 正在開卡改名
然後先找了個「霧」字
接下來就不斷在あ、か、さ、た、な等逐頁逐頁找下一個字
找著找著上面的倒數器就夠鐘了 於是被迫取消
然後再拍卡 再開卡 再找回「霧」字之後就繼續找下一個字
之後終於找到個「雨」字
找完之後又繼續找下一個字 不過計時器又夠鐘了 又被迫取消
接下來他又再拍卡 找回「霧雨」二字...如是者他不斷重複了十多次這個步驟
我那時就不算是很趕時間 恰巧又要溫書所以就拿起書來溫 慢慢等

最後他的名字就是「霧雨魔理沙」
然後打了兩首Easy之後就輪到我了
我還記得當時很喜歡打崩壞歌姬 於是其中一首打了這 另外一首忘了
之後他就問我為何打得那麼強
我只是答他我之前有玩DIVA...就這樣而已

然後我就走了
所以與其「教人」 我反而喜歡別人來「請教」

=================================

其他音樂遊戲...
說實話我不能說我每樣音樂遊戲也玩得很好(包括PDA)
不過最起碼也達到了「初步上手」的水平
這大概是因為當版主的緣故吧 不懂某些音樂遊戲的話還是很難跟人溝通的說

就我所見來說
PDA的玩家算是最乖的一群
因為大多也是之前在家裡經常上網
然後接觸VOCALOID之後 再得悉PDA推出了才去玩
當然也不排除是去得什麼同人展多還是怎樣才接觸VOCALOID的吧
所以態度上...可能有小部份是很內向 不過大部份也是沒什麼問題的

反而jubeat或者RB(你應該沒有見過RB吧...)之類
特別是jubeat 因為收錄了很多J-POP再加上界面看起來很酷 又易上手
所以吸引到不少不同種類的玩家
當中也有包括一小部份...要怎麼說...就是「MK仔」吧
他們的態度就比較不太友善 好像不能惹的樣子
這些玩家反而不太喜歡玩PDA 因為感覺很毒的樣子
所以你很少在PDA上會遇到這些不太友善的玩家

再至於其他鼓機結他機碟機跳舞機等等等等等等
因為歷史較久 再加上玩法難度較高
所以玩的一般都是老手 有部份甚至是上了年紀的

以我所看到的就是這樣子

=====================================

好了還是談些輕鬆一點的
http://ameblo.jp/gsc-mikatan/entry-11500461576.html
櫻咪哭笑到你心裡發寒

小雪冰

回復 1263# Torchic╳小火雞
咪話十蚊 五蚊一鋪我已經超級唔想玩
um 大概開卡改名果個階段既玩家都係新手黎
最多係入過幾次錢咁
話說果位玩家都幾好恆心下lol
其實可以上DIVA.NET改名的
不過可能佢想即時改番個名 / 當時未知道啦

你當時玩咩難度?
嘛 的確係人地「請教」自己係冇自己「教人」咁尷尬既
起碼對方都係出於友善先
咁就唔使驚佢會係果種唔惹得既人

其實我去玩PDA既時候
因為咁岩PDA(唔係門口果部 係入面果部)隔離就係jubeat
所以我間唔中都會見到jubeat既玩家
有次見過有個男仔玩完就爆哂粗
當然我唔可以話玩PDA既玩家就唔會爆粗
不過我見佢好激動咁
有機會係比較易發脾氣既人黎都唔定
有時見到既男性玩家既打扮就好似你所講既「MK仔」咁
如果我見到有PDA玩家係呢一種
我都唔會敢同佢講野-.-
費事麻煩

不過講起接觸日本動漫既人
唔理佢地有冇玩PDA / 其他音G都好啦
照我既觀察 我識得既人既大多數態度都係友善果種
或者係比較不拘小節咁
淨係得好小部份係冇咁好脾氣
這真是一個有趣的現象呢

嘛...櫻咪哭
總覺得感覺怪怪的
又說不出原因orz
可能又係嘴型既問題-.-

Torchic╳小火雞

唔好講佢未知
其實我果陣都未知可以上網改名

我當時已經係玩EX
因為未出PDA之前 一黎有玩過PSP
二黎有睇過下片
第一鋪第一首大致上玩N試完個手感之後 第二首就開始黎EX

===================================

嘛 還是把其他音樂遊戲的話題停止一下好了
總覺得再說下去就回不了PDA了

===================================

那個櫻咪哭
其實又是臉型的問題

左邊那個才是正常的

小雪冰

回復 1265# Torchic╳小火雞
我估未知既原因係當時都只係岩岩推出PDA吧?

原來如此
我一開始玩既時候係玩左一鋪easy先
跟住先玩normal
再慢慢提升難度去到hard同extreme
PSP雖然我都有玩
但因為我未咁快掌握得到果種手感

好吧 我不介意回到PDA的討論來

嘛 為何櫻咪哭會有兩個這樣不同的版本
出品商一樣是SEGA嗎?
與右面相比 果然左面是正常版本啊...(汗顏
除了臉型外 我還是覺得兩者的口型也是不一樣啊..嘛

Torchic╳小火雞

再強一點的人也有
PDA一到香港 就逐首逐首EX拎per

或許是因為PDA到香港之前 這些高手就一直在看片狂拍檯了吧
(或者是天份?

小雪冰

回復 1267# Torchic╳小火雞
嗯 原因可能有很多
例如說音樂感好 / 本身有玩音G
不過無論如何 他們也的確很強
畢竟是初玩吧

岩岩先發現到你加左條youtube太鼓片
2:38-48....嗯..(汗顏和汗顏
到底片中玩家要交幾多學費(指的是投幣)先做到咁既境界呢
唔單止冇斷combo 仲要全良 天哪
他的雙手靈活程度實在是鬼畜等級
話說去到首歌最後 小巡音、鏡音、大哥大姐也出現了www

Torchic╳小火雞

回復  Torchic╳小火雞
嗯 原因可能有很多
例如說音樂感好 / 本身有玩音G
不過無論如何 他們也的確很強
畢 ...
小雪冰 發表於 2013/4/2 21:15

太鼓所有由初音未來做Vocal的曲子(例如World is mine或者melt或者千本櫻之類
都會看到下面有全員出現

而GUMI做Vocal的曲子就會看到GUMI

不過算了
海外好像因為版權問題 日本不能(不願?)把新太鼓稼動到海外
所以在香港的太鼓 能玩的初音曲就只有三首

================================

今天去九龍灣的VZ
雖然不太清楚你有沒有去過 也就是指德福那家

然後我打著jubeat 看到旁邊有個人投幣玩PDA
沒有拍卡 選曲難度也是選EASY 看來是想一試之類
不過選曲的時候 看見他把耳朵放近喇叭
這本來沒有什麼問題 因為我印象中這裡的PDA的喇叭不算大聲
所以最好都要戴耳筒才行
當時我在想 或許他第一次玩 恰巧沒有耳筒 就唯有這樣子玩吧...

怎知道我再看清楚
他頸上就掛著一條耳筒 不過他不用
難道是不知道有耳筒位之類嗎?
這時我有考慮到應否要提醒一下這個玩家 不過懷著「不要多事」的心態還是放棄好了
說不定他的耳筒是壞了又不一定 不過掛著一條壞了的耳筒又好像怪怪的

最後他玩完那一鋪之後 就走了

小雪冰

回復 1269# Torchic╳小火雞
啊啊 原來如此啊
真是非常有趣的設定呢www
我雖然有玩過下NDS既太鼓
知道連到咁上下combo就會有d角色彈出黎
不過都係未見過有初音既出現
因為我玩既歌都唔係初音既歌
而且我又冇玩過街機版
就無緣與初音一見了(哭
只能玩3首初音曲也會令我很傷心的(哭

德幅果間機鋪我仲未去過
喔 新手來玩PDA的情況我暫時也沒有見過呢
感覺很罕有...? 嘛我不知道
如果我係你 我會睇番當時情況先
如果見佢唔係好惡之類 又或者係女仔 (女仔大概唔會太惡既我諗)
我或者會提佢的
第一次玩唔知有耳筒位係好正常既事
因為果個位都算難留意得到嘛
不過如果見唔對路我就由佢算數