兩個人嘅事《結婚那件事》變咗兩家人爭話事！？

ivan_bb

兩個人嘅事 變咗兩家人爭話事！？

江若琳‧阿牛 結婚結出一百FUN

金像影后惠英紅笑住力撐

導演：鄭建國

主演：江若琳、阿牛、惠英紅

片種：愛情喜劇/片長：待定 /級別：待定

發行：洲立影片發行(香港)有限公司

官方網站：http://www.moviesuper.com/ifdlfb/The_Wedding_Diary.html

今年6月，結婚萬歲！集合最當紅嘅喜劇陣容及製作班底；幕前演員包括：金像金馬7料影后惠英紅、《夏日的麼麼茶》鬼才音樂人阿牛(陳慶祥)，以及人氣青春偶像江若琳。電影較早前在星馬上映時，不但橫掃同期票房，更掀起一片話題熱潮！文化差異，兩性衝突；一套本年度最窩心爆笑嘅愛情「囍」劇─《結婚那件事》！

外母要搞大龍鳳外父要食大茶飯 老豆遇上大件事…

結得成婚真係唔容易！

戇直工程師偉傑(阿牛飾)，神奇戀上富家女芷欣(江若琳飾)，並火速發展到談婚論嫁嘅階段！為了抱得美人歸，來自馬來西亞兼出身草根嘅偉傑，膽粗粗答應未來外父(朱厚任飾)、外母(惠英紅飾)所提出嘅超高難度要求，在新加坡舉行一場勁到爆炸嘅世紀婚宴！但當一切準備就緒之際，用嚟埋單嘅結婚大利是竟然不翼而飛！既要娶老婆，又要顧全古板老豆阿獅(陳建彬飾)嘅面子，偉傑只好瞞住老婆大人，與死黨Jeremy(陳泓宇飾)衝入賭場博一鋪…但大話總有被拆穿之時，芷欣知悉真相後，對偉傑感到十分失望；更大鑊嘅係，老豆在回家途中竟然遇上交通意外，生死未卜…連環不幸事件殺埋身，偉傑和芷欣這對小情人會否未「結」就「分」？結婚這件事，原來真係不簡單！