求打塞爾特人的方法

lkhenry

塞爾特人出兵好快...點先可以擋到??

AKK31

用條仔1隻打30隻啦

HiuHugh

問得真無誠意
塞爾特人有咁多兵，你想克咩? 遊俠? 弩炮? 劍勇?
仲有對方有幾多隻兵?
打咩地圖? 亞拉拍? 綠洲? 淘金熱? Arena? Mega Random? 幽靈湖? 海島? 黑森林?
咩玩法? 死鬥? 黑暗?
人數? 團戰定1v1? 2v2? 3v3? 4v4?
仲有你用咩民族? 你係咩時代? 經濟如何?
對方又咩時代? 經濟如何?

求其爆句「用咩兵好」就想有答案，你未免太無禮貎

天才A

問得真無誠意
塞爾特人有咁多兵，你想克咩? 遊俠? 弩炮? 劍勇?
仲有對方有幾多隻兵?
打咩地圖? 亞拉拍? 綠 ...
HiuHugh 發表於 28-5-2012 02:14

我反而想問下 塞爾特人 要點玩先好..？
佢有咩兵種 係會比其他國家優勢?
因為　淨計　城堡兵．．．
松藍好似唔係太出色...

仲有咩叫 剋民族??
會有D 民族會比其他民族剋??
有冇例子?

再順手問下
如果想集中用  肉馬 戟兵
咁有邊個民族會比較有利?

另外再問下
升封 要有幾多村民先比較理想?
(我知呢個 問題 好 受民族 影響..
咁或者你可以講有邊D民族要特別注意
要多D村民先升封 或者少D村民都OK)

HiuHugh

塞爾特係我心目中唔弱
1. 步兵步速快15%，黑暗時代出民兵唔錯，同埋伐木有加成，對肉同木需求大的黑暗時代有幫助
2. 封建時代如果之前出得多民兵，可以升級裝甲步兵，用佢GE步兵速度令對方村民同建築物受損，但裝甲步兵除左係封建時代頭個兩三分鐘之後無咩用，當然一樣可以出多D 步兵強拆建築物，但比較少見，不過戰術係無窮無盡，有可能就唔可以埋沒。之後封建主力矛兵、槍兵、弓兵同斥候，除左斥候之外幾乎都要木，所以塞爾特伐木有好大優勢。
3. 通常封建時出一堆弓兵，上到城堡即刻升級弩兵，數量夠的話連騎士都唔驚(而通常數量都好夠)。對方正路出投石車擋弩兵，咁就千萬要小心，因為弩兵對投石車真係好易死，要控好弓兵同選陣容。可以出番投石車還擊，我比較少見人用騎士拆投石車，我唔知點解。城堡時代塞爾特有攻城武器優勢，如果出投石車/衝車拆對方箭塔/城鎮中心都好方便。另外萬一對手海騎士，佢都有步速快的長槍兵擋。
4. 帝王，老老實實我覺得帝初塞爾特好弱，騎兵無血統無最後一層甲，攻城武器要時間量產同埋升級貴，步兵就好但好易死係箭火下，又無強弩兵。另外塞無火藥部隊，所以升帝之後唔會即刻有明顯優勢。
5. 帝王後期，當攻城武器數量夠，到對方頭痛，有步速快劍勇、松藍武士同戟兵，對付鷹勇、斥候系同埋騎兵好有利，比較易保護攻城武器。另外攻城武器血多，都好煩。
6. 無金時期，輕騎無一層防，矛兵無最後一層攻擊力，唯一係行得快GE 戟兵，基本上都幾弱。

幾多人口升級? 如果打黑快，大概28-32 左右，計埋民兵，民兵可以保障你同對方經濟唔會差太遠。之後升城，大概70人口左右升都得，時間大概26 分左右，但呢個真係唔定，因為視乎封建時代同對方打成點，例如你封建食住人地，就算對手逸強升城都唔夠經濟同兵同你打。

我以上建議唔係好啱係樂古用，因為我玩開1.0c 同埋好少係樂古玩 (不過始終香港人想睇番中文，所以會上下樂古)，據我所知樂古個個玩1.0城快馬爆，所以來來去去都係匈奴、中國、維京、馬雅

HiuHugh

補多一句，戰術千變萬化，幾多村民、出咩兵都好，唔好比D 文章限死。例如自己法蘭克，對方玩僧侶，就算法蘭克弓兵同輕騎弱，都一樣可以靠呢兩種兵贏。

又例如封建玩裝甲步兵海，如果用木牆封左對方金礦，對方無金出弓兵都好難同你打

lkhenry

SOR,係我唔岩...

新手唔識問....sor

馬雅vs塞爾特...最難

玩黑森林,升城冇幾內佢就係甘出城堡兵...

2城堡都無用....

甘要點玩用可以win  ??

HiuHugh

塞爾特城堡兵都係普通步兵，可以試用強弩兵/羽毛弓兵打
雖然話佢城堡兵步速快，但箭防都係得1+2 (城堡時代)，數量相約，甚至更少的話可以拉兵，即後對方一埋到身就將隊弓兵後退，因為弓兵有距離後退之後一停可以即刻攻擊，但對方就要走近弓兵身邊先可以攻擊
千祈要避免用鷹勇，因為步兵對鷹勇有加成
羽毛弓兵對步兵有加成 (好似係+1或者+2，唔肯定)，加上步速快，塞爾特步兵好易破
唯一問題係對方出投石車，可以用投石車反擊，又或者出鷹勇拆投石車(鷹勇對攻城武器有加成)，但要避開對手步兵
千萬要小心對方上帝出攻城武器海，萬一攻城武器海成型，一來黑森林地形所限，二來對方有步兵保護攻城武器免受鷹勇拆，基本上玩完。建議對方一上帝就狂攻
其實馬雅羽毛弓兵接近萬能，血多箭防高，對所有弓兵1v1 都贏，另外弓兵本質有利對步兵，而高速度可以係情況不利撒退又或者拉打，亦可以有攻速度避開投石車，加上有馬雅ge 經濟同埋弓兵成本下降優勢，大量生產唔難。

teekids

學野

伍大少

戟兵加衝車  戟兵加重弩  戟兵加重投  快帝爆u亂人後推攻城