滿漢全席(有圖)

～蛇仔～

鹿鼎記ONLINE入面我最鍾意既活動 - 滿漢全席
活動一開始就要入御膳房,跟住入NPC
入到副本之後就會有各種小賊(肉賊,蔥賊,薑賊等等...)
而玩家就要擊殺小賊得到材料,每道菜既肉、蔥、蒜等等既份量都唔一樣,所以唔係一味靠打就得

而每道菜都會有分大份,中份同埋小份,一開始就係小份,如果肉既數量過左就會變中份,再過就變大份...
咁當然小份所要既其他材料都比中份同大份少,所以用既時間小D,可以快快趣完左就去搵下個NPC刷多次,但係EXP都少D,不過唔係少好多...
所以一般情況之下,活動時間一開始,第一場係小,最尾一場係大,唔洗解釋啦~

講番個玩法先...
係收集材料既同時,會有一批偷食賊會來偷野食...
而偷食賊並唔係咁簡單做瓜佢就得,事關有幾種偷食賊死後會有變化~
1)死後會自爆,即係會攻擊到其他食材,仲要一下就死~
2)死後會全場食材冷凍10秒~
3)會極速衝向大鍋,變番滿血~

基本玩法就係一隊6人,工作分配自己同隊友傾...
分配方法有好多種,以下呢2種係小弟推薦的:
1)1人FULL TIME試味,4人守左右兩路,1人(藥師)巡邏+間唔中幫手打
呢種分配方法係最保險同埋簡單,只要有RC,SKYPE個類一路同隊友溝通住就唔會有意外,亦都可以善用偷食賊
但係同樣地隊伍既攻擊能力都要有番咁上下~
2)1人試味+間唔中幫手打,3/4人守好左中右三路,1/2人專清偷食賊+守尾門
呢種打法要隊伍既生存能力都有番咁上下,事關將隊員打散分散係唔同既位置,藥師唔係身邊對D少血既玩家係潛在既威脅
不過呢種打法係會比較清晰,隊員只要留意試味指揮就OK~

最後,道菜會以120分為滿分,偷食賊既經驗值亦都會另外計算~