本帖最後由 ∼香Ｂ∼ 於 31-7-2012 18:12 編輯
天山一到群戰真係……
打大交有時2花未開就黑mon
bloodyroses 發表於 31-7-2012 08:53 AM 
大家都懂..天山的痛
咁天龍三，逍遙架發展係點？國服有無勁逍遙？
中村明仔 發表於 31-7-2012 01:04 PM
um..呢次十大門派分析,,我盡量都無講到天龍3既發展..不過既然你問到我都可以講下..
天龍3有兩個比較重大既更新,,技能進階及龍紋..龍紋就不多說了,因為影響不大..最重要係技能進階
技能進階係d咩我就唔多解釋了,,麻煩去google搜尋天龍3技能進階,,你會搵到一堆...
逍遙主流既技能進階係: 溪山,八陣
當呢本技能進階修煉滿左果時..逍遙出溪山接近100%成功率..八陣亦可以散功12秒
但唔好以為..嘩,咁逍遙咪屈晒...事實既殘酷就係有技能進階,亦有技能抵抗...我敢講全天龍99%既玩家都會選擇抗溪山..唔好話我點解咁肯定..換著係你,面對個100%放大既逍遙..你會唔會抗溪山?? 所以其他九大門派既進階相比逍遙之下,,抵抗既人數少太多..換言之,九大門派都有加強自己技能,唯獨逍遙原地踏步...
然而,逍遙最好既情況就係原地踏步..只要逍遙修煉評分比唔上對手,,溪山放大率唔會仲有30%,,而係會跌得更低..換言之逍遙係天龍3入面一定要keep住修煉,,否則你打交對住高修煉既對手,,想放大你都無可能
逍遙兩招神技之一既溪山已被抗..我地再睇下另外既凌波神技下場如何..
係天龍2入面,,逍遙面對近戰可以話食菜咁易(除天山)..因為11秒冷卻20米瞬移既凌波..
但係去到天龍3..14秒狗頭附加4秒封穴,35秒烽火附加6秒控技...逍遙既凌波係丐幫同明教面前根本小菜一碟..所以係天龍3,逍遙唯一仲可以虐待既就只剩返少林...
溪山同凌波既實力大減..逍遙仲有咩優勢? 只要你多d上17173既視頻區就會發現一樣好有趣既事..係天龍2時..出現最多既係逍遙既打交片,,佢地可以挑戰跨一級石既近攻..好似耍猴咁玩近攻...但去到天龍3..逍遙主視角既打交片就明顯少左勁多,,換左丐幫,明教當家...逍遙? 單挑已經跌至谷底
你問國服有無勁逍遙..當然有,,但真係好似絕左跡咁..好似以前3重樓宿命,上屆爭霸賽唯一既逍遙惡魔獵手..好似都潛晒水咁..我唔知係轉左名定係點..但我上國服論壇已經好少見到佢地既屬性圖/裝備圖 |
發表於 31-7-2012 23:04:48