九陰真經之我在少林的日子！

hmbb

九陰真經之我在少林的日子！「轉載」

伺服器：慕容世家
角　色：戰小龍


遊戲終於開測，作為玩過既我當然會繼續玩啦！一入Game，開個人物叫戰小龍，決定投身入少林寺，做個出色的和尚老！雖然係正派，而且又係佛門，不過正所謂，我不入佛門誰入佛門，唔好睇少和尚呢個門派，因為佢地都幾屈機，雖然無得做壞事（門規話），但係我又點會理佢，一於借佛殺人！嘻嘻！

一入遊戲嚇親我！


小記玩國服最衫的2次封測，所以今次一入港服真係全個世界唔同晒，仲有少少嚇親添，點解會多左自動尋路功能既？咁咪隻Game變得容易玩左好多囉？咁我咪無得蝦人？頂！好啦唔理佢第一時間去搵個武館二打六拜師解任先！跟住指示做完一堆任務，就要去隔離間房搵師兄練功，其實咪就係隻Game個新手教學。



未行走江湖繼續嚇一嚇！

搞掂晒個新手戰鬥指南出來之後，又要走返去搵師父，呢個時候師父就叫我去捉魚定捉蛇，跟住指示去到碼頭，點知突然畫面一黑就見到自己跌左落水，果一下又嚇一嚇！原來呢個係最初的奇遇，即係拎第一本輕功既奇遇任務，而隔離有個寶箱，但又開唔到即係想點呢？其實大家只要去其他出生點，入返呢個山洞帶埋青銅鎖匙就可以開個寶箱拎野喇！呢D咪就係老手既經驗呢，嘻嘻！



做大俠即係阿四..

返去同個師父講完呢單野，佢恭喜左我，都未有得休息佢就好似唔順氣咁叫我要出去幫下人，呢個時候任務就彈左出來要個小朋友拎風箏，心諗學左新輕功又唔代表識飛天，又唔代表我係好人，點解要強逼我去做...但唔做又唔得，否則過唔到新手引導任務，就修練唔到內功，唉...



搞掂拿拿林去少林！

經過幾分鐘搞掂晒新手村既任務之後，終於可以去搵個門派拜師學藝，本來之前玩武當覺得唔錯，不過武當既衫著起來太靚仔，做人已經夠靚仔，玩Game仲要咁靚仔做咩？所以我先決定淡泊人世間之情，歸依我佛，而且少林武功勁！點都要試下架啦，學有所成即刻去做十大惡人，係我玩呢隻Game既夢想！



個少林門口真係靚！

見到方丈佢叫我跳勁舞團！

幾經辛苦去到少林，搵到門派接待人，然後入去見掌門－少林方丈，呃鬼佢我決定加入少林寺做佢徒弟，點知一加入之後，佢叫我玩團練，而個團練一練最快都要10分鐘，同時個玩法真係好鬼似勁舞團跳太極，勁舞團點玩相信好多朋友都知，但何謂跳太極？因為個人物練功既動作都係慢到好似耍太極咁囉！



睇任務列表搵著數！

幾經辛苦滿足完個方丈之後，大家呢個時候可能都會好似我咁唔知做咩，但唔緊要！因為，我地可以打開任務列表，點推薦任務，之後搵任務做，推高自己既江湖聲望，因為少林既其他武學需要玩家到達一定江湖聲望先會開放！今期就玩到呢度先！下期，再講下我係少林既立酸屎！


點小地圖個助字仲會教你點去玩添。

轉載pcgameweekly 逢周5出版

ladyemperor

第1 給個讚!!

檸檬茶=]

轉載既@@?