有幾多人想結婚擺酒

櫻之道

回復  櫻之道

唔咁認真可以唔洗搞
Hellkite 發表於 14-11-2012 12:19

    唔搞冇所謂, 我主張裸婚

Hellkite

回復 11# 櫻之道

另一半ok就得
或者淨係搞訂婚就算

147augustus

回復 5# 我係new手


   吾熟都一人五百四口一次都二千，五次…

147augustus

回復 10# Hellkite


   搞吾認真真係不如吾搞我如果要搞都應該係俾雙方家長迫，佢地都係想做俾親戚睇搞得吾好比吾搞仲冇面

天︱下

萬幾蚊証明你屋企有錢
怕乜 去多d吧

147augustus

回復 15# 天︱下


   你離題

呀楊

中秋果日去飲
其實...
悶到核爆...

147augustus

回復 17# 呀楊

同感~令我對擺酒好反感~~

神乂怒火

是咁的~~八姑爺個仔娶新抱
阿媽見我成日宅係屋企打機，
叫我代表佢出席....

咁我緊係叫細佬妹一齊去啦，
點知阿媽話同對新人唔係咁熟，
俾面八姑爺先派一個代表去...

多幾個人去俾五舊水人情好肉酸，
但俾多幾個五舊水又輪到我地好蝕底...

阿媽知我鍾意食翅，
叫我一條友去....順便識下人...

Hi~~識乜鬼野人啫~~~
我當俾面碗翅，帶埋部PSP去當食餐飯算＿數啦~~~

去到果度，原來係啲三星下欄酒店，
扮向左走向右走曬高擋咁，
唉，算＿數啦~~~最緊要有翅食....

亞太區有一天成為亞太區你個街呀~~
間三星下欄酒店啲間隔真係Hi Hi過Hi Hi！

轉lift不突只，
仲要轉灣再轉灣再轉灣先搵到---牛朱聯婚....真係金童肉女..

入到去，坐reception個幾個姊妹西口西面咁不突只...

著啲吊帶裙，啲肥肉擳＿曬出黎，但又要搵見死人絲巾遮＿住，

挨，你收向左走向右走皮啦~~~邊＿個得閒望你....

係呢個時候，有個著住伴娘裙嘅女仔行埋黎招呼我，

呢個女仔就順眼啲喇~~
波路就無乜架啦，香港小姐係咁上下...
勝在有對長腿睇下咁....
原來佢係新娘個妹~~~~~

我即時拎出我果封hello kitty利是封，
俾封人情佢....
嘩Hi，hello kitty利是封，仲唔溝死女？
實行因為呢個hello kitty利是封打開話題啦~~~

點知條女一接左封人情，即刻一支箭咁走左去....

唉....hello kitty都唔鍾意，學咩人做姊妹呀?

之後就問下個幾個西口西面我坐邊啦....

其實都預左坐到老蓮咁遠，
無所謂啦，反正我都係打PSP....

遠啲聽唔到個新郎唱歌咪仲清靜....

點知就係呢個時候，
個新娘就走埋黎喇~~~~

"先生，
如果令你做成經濟困難真不好意思,
我也不是開善堂;
要是真的給五百人情就不要來了!感謝.
免得做成你又生活艱難, 我又覺得不爽..
真的!我很誠實."

嘩Hi~~~你唔係即場拆人情下話~~~

我即係大聲過佢：
"阿新娘~~~你幾時有講明人情要封幾多呀？"

個新娘就用高八度嘅聲音講喇:
"張帖都寫明入場費$800架啦~~~~你唔識字架?"

嘩Hi~~~乜真係架咩？我睇都無睇過，
咁阿媽封$500即係扇＿我啦~~~
阿媽唔係咁大整蠱下話??

我唯有拎學校辯論隊啲口才出黎啦
"喂大佬~~~人情可以講明幾多架咩？?"

呢個時候，連新郎都走埋過黎，
新郎話："你走啦，我唔想攪大佢，你走啦~~~"

佢都痴＿線，錢又俾左，翅又未食，叫我走？

係呢個時候外母大人都行埋過黎，

"呢封蜜峰翁翁利是邊個俾架? 得果五百蚊"

新娘指住我:"咪就係呢個麻甩仔囉"

我即刻話："唔係喎~~~呢封唔係我架喎~~我果個係hello kitty利是封黎架喎~~"

外母大人就話:"明眼人一睇就知$500係你封架啦~~"

此時新娘個妹又走左埋黎：
"唔係呀家姐，呢個蜜蜂係四叔公俾架，
呢位先生係俾呢封---hello kitty利是封呀~~~"

新娘怒盯著我，就係我面前搣開個利是封，
內裡被"登"出了 $800.....

原來阿媽封左$800....

我即刻大聲地說："hello kitty 大過蜜蜂好多架 !!!"

新娘就說:"我頭先唔話你封$800?"

我即刻話："$500就睇清楚你嘅為人..."

新娘揸住個蜜蜂利是封問佢阿妹：
"四叔公？即係平時儲免費報紙去賣果個？
最憎呢啲窮人....叫佢走啦，我唔想攪大佢...."

我無眼睇佢地，直行入去入面....

點知，入面竟然係攪自助餐.....即係 無．翅．食!

....
...
...

147augustus

回復 19# 神乂怒火

咁似網上果個冇5百唔好黎@@