|
|
發表於 26-11-2012 15:51:51
|
顯示全部樓層
你做運動唔駛用太多錢.例如出街跑下跑,踢波街埸,游水呢d.
而唔做運動要出街往往都要駛錢,買野呀,食飯呀,答 ...
巴士上的人 發表於 24-11-2012 12:57 
我想講做運動做得專業可以用好多錢…
我跑左十年左右，主攻長跑。
18歲先開始參加第一個香港大型公開比賽(渣打10km)，19歲完成人生第一個半馬(美津濃半馬拉松錦標賽)及全馬(渣打全馬)。
我去到20歲先可以開始花錢投資入去呢項運動…
目前用最平既心跳錶測平均心跳率，SUUNTO M1折後價651。
波鞋街一年前倉底貨299入手既NB 601 (其實目前NB好多系列V3已經500幾至700幾不等，起碼輕過我用既舊款601…)。
眼鏡帶15蚊一條(一年起碼都換成三、四條以上。）。
深水埔平價跑步衫加香港仔商場普通跑褲約150 (未計我冬季條Addidas Legging…以前買落好似都200幾)。
15km以上練習用既腰袋加運動水瓶係馬拉松買好似都200幾 (不過都係以前買落…)。
單係裝備都可以用過千，我重要用最平既基本裝。
SUUNTO你買M4以上，折後都已經過千一隻。
裝備已經係呢條數，重未計你報比賽呢？計最平既都100蚊起，渣打都300蚊，慈善馬拉松可以最貴少少，最覺得勁可以試埋大嶼山官方出年先出既100km都950蚊 (我重諗緊…)。
我朋友踼足球，踼到做公司代表隊，佢D釘鞋都有好幾對…
對對接近一千甚至過千。
密粒、粗粒、石地場都最少各一對。
如果你玩龍舟重恐怖…正常人以個人身份根本玩唔起。
龍協年年加報名費，質素又唔覺有改善，但年年都問政府拎資助。
報條中龍500米，划手20人每人100蚊，計埋尾划同鼓手又200蚊，2200蚊只係做張賽員證 (龍協核下比賽通用)，重要未計報名費…幾百至一千不等。
有心玩既人重會去訂私家槳，我自己果支都整左1450，未計防水貼紙、包手膠、槳套等等。
所以我覺得有心玩運動既人，真係要付出返少少…
最後，毒同做唔做運動係無直接關係。
你做運動都可以好毒，你唔會24小時狂做運動的。 |
評分
-
查看全部評分
|
發表於 24-11-2012 21:57:10
跑步撞到熟人有咩問題