|
|
發表於 23-1-2013 20:02:04
|
顯示全部樓層
1. 衣, 你唔駛用錢買, 個個屋苑都有回收衣物箱, 一定有回收公司去回收衣物賣比二手店, 你識人既話或者係個屋苑做可以幫你留番幾件比你自己著... 有小小錢就去買二手價既衣物, 名牌店果d衫唔駛故意去買, d衫買左出去之後就唔值錢, 你有左之後就自己洗下, 自己唐下就已經ok, 因為新衫都係因為樣樣工序都做到足所以先咁貴, 如果d工序你可以做埋既話, 咁樣你就可以慳番一筆無謂錢...
仲有,如果你親戚多衫亦都可以拎D 或者等開倉掃平貨
2. 食, 包或者饅頭四季都可以整, 好簡單, 成本較平, 夠飽, 整多幾個多多都有要, 你幫同事或者朋友食到飽既話, 你想要其他野, 或者想有人幫忙既話, 你開口即刻幫你諗點佢, 唔駛擔心咁多...或者做餐飲業, 食都包埋, 想唔慳都唔得....
雖然做餐飲係包食,但係諗下做餐飲個發展機會有幾大 要評估下
3. 住...我唔建議自住, 洗費大, 就算同朋友合份交租問題多多, 如果萬一朋友唔租點算? 有得住父母就住父母, 有得係網吧訓就訓(18歲以上既年輕人), 有得住宿舍或者商店或者住寫字樓就住寫字樓, 只要一般訓覺果d生活細節可以搞得點就已經好夠, d租可以慳就慳, 千萬唔好出去租地方住, 昆錢嫁....要負責任既話就無方法先無得慳, 遲幾奈結婚就遲幾奈結婚, 到時樓價趺既話, 存筆錢再供層樓到時你就會珍惜衣個單位...有錢都唔好亂咁揮霍...有幾多搵幾多, 有幾多秘撈就做幾多秘撈, 唔好比人知你既搵錢方法同你既人脈.... 有得忍就忍, 到時比人知你有秘撈, 你就好煩...
寫字樓唔比住人,網吧多飛仔 比人偷野比人搞都唔知 ,同父母住就可以既 但係就唔好諗結婚、拍拖 仲要比家用,如果出去租就夾份好d 但要小心d唔交租既人,至於樓價趺唔趺呢個問題已經困擾左好耐 我諗起碼都幾年 呢加仲升破97 將來的事冇人知 睇下政府政策有冇效
4. 行
工作做番自己地區已經好好, 交通費政府有得補貼, 可以慳埋, 去旅行就儘量自己選擇自己去自己查清楚所有價錢, 查清楚所有禁忌, 諗清楚自己想要d咩, 其實可以唔去旅行係最好, 因為你去旅行都係因為你想要果樣野, 如果你自己識整個環境既話, 你就唔駛故意去旅行追求, 香港地係好幸福, 樣樣享受都包齊哂, 去旅行係未無方法之中既方法姐...
想去旅行其實未必冇辦法,香港人最鐘意抽獎 呢加d旅遊發展局果d乜鬼野野飲大抽獎都係博機會去旅行之一,同埋有部份公司會係年假請員工去旅行 當然係老闆請 去旅遊係體驗當地風土聞情既好機會 增加人生閱歷既好地方 你一生人難道諗住平平坦坦 結婚生仔買樓過左佢就算?
我講完, 我唔想再見到年輕人話樣樣難做, 你肯做咪都有, 只怕你唔肯去做...好多方法我試過哂, 衣d方法係我小小心得...有咩想問就問.... |
|
