讀完Form6要怎樣走?

呀楊

Hello~

DSE就黎到喇

對於成績一向好嘅朋友一定十分期待

但是我自己知道自己咩事情

老實講我一直十分迷惘

大學我就一定考唔到

唔知道應該未來點樣行

聽啲miss同呀sir講話要進修

例如毅俊同IVE等等...

但係聽講多好多人爭

冇記錯唔知係咪又要比乜鬼留名費

重點又未必會比你讀同認受性問題

所以依加唔知點好...

有諗過考完就出黎做野

但係唔知中六出黎成績又唔好可以做到啲咩

就係一個月得果九千幾蚊過日子

依加我真係一隻迷途的小羔羊喇...

最後希望初中嘅巴打

努力讀書啦!!

〝細wIN_

一定讀到大學既 視乎個質素係點
有得讀本地就讀本地
如果你屋企供得起錢可以比你去外國讀就最好
但係如果家底普通就可以選擇去國內/台灣讀書 價錢仲平過香港TIM(不是私立)
見到好多新聞話有D考生考得OK唔錯既成績都讀HD IVE果D都升到大學 佢只不過係另一個途徑
PS:我都係今屆DSE,,,,,,,,,,,,,,,

chipmunk123

如果有能力就緊係讀埋大學/keep住進修
如果無就盡快進修，搵一份好工。

我係new手

你自己想唔想讀先..
度度都有人可以升U, 但果個係唔係自己?
呢個時候個個都會後悔嫁啦, 個個都會話自己將來一定會更勤力,
但講完又做唔做到?
你話進修, 去讀其他野. 讀D乜? 之後條路點行? 自己興趣係咩?
好多野考慮

例如讀護士學校, 讀完之後個牌唔及degree生, 人工低一忽, 但係做既野差唔多.
長時間實習, 要汁屎汁尿, 出到黎做又唔知派去邊科 .. 又要考慮自己頂唔頂得順

chipmunk123

回復 4# 我係new手


   不過都要睇係樓主意向係點...

呀楊

你自己想唔想讀先..
度度都有人可以升U, 但果個係唔係自己?
呢個時候個個都會後悔嫁啦, 個個都會話自己將 ...
我係new手 發表於 28-1-2013 10:18 PM

   其實依加我都思考緊
   就係諗緊做野定進修好
   聽人講冇進修會差啲
   如果出黎直接搵長工做野的話
   會唔會好啲?
   至於真係進修揀咩科就真係唔多想腦筋
   最緊要認受性同有冇得比你讀

我係new手

其實依加我都思考緊
   就係諗緊做野定進修好
   聽人講冇進修會差啲
   如果出黎直接搵長工做野的 ...
呀楊 發表於 28-1-2013 23:11

我覺得你衣家專心考試先.進修黎講, 認受性高就一定係degree, 之後一直數落去.
可能唔同行業有唔同分別, 但整體黎講認受性越高既課程, 對成績要求都越高. 唔好整到張cert太難睇

到你考完試, 有成個暑期比你出黎做野. 搵份長工又好pt又好做下先.
我唔知你之前有無工作經驗, 你做果幾個月野至少都睇到一部份社會現實. 搵下自己既興趣. 到時再決定進修/工作

你考完之後大把時間諗. 唔洗急

黑色﹏眼睛

想問"九千幾蚊過日子"
升唔到大學,搵9千幾,唔太差嘛...
不然就勞動D,跟車,地盤工

H20_希古恩

你唔嫌辛苦咪一路返工一路進修囉

～蛇仔～

如果成績真係唔太好,讀唔到本地大學,去外國讀係不二之選~