你對人有信任?

呀楊

Hello~

其實一直都有個問題煩擾緊我

就係點樣對人產生"信任"




最近依年

同人成為左friend既時後

大家都有講有笑

但原來最後我發現左其實對方都冇當我係朋友

係佢自己講出黎

不過比我唔小心聽到

原來只係當我好同學...

不過當時我已經唔再失望




最傷有兩次

更係我開始對人失去信任

就係初中時啲好伙伴

但後期依幾年開始離開我

因為改變左性格或者興趣而走

一個突然鐘意左結他

就突然連平時一齊食個lunch都唔同我食下

同左第依啲玩結他一齊食

甚至facebook主動聊佢都唔應機

但過往一直係好朋友

做咩都一齊...

放學、食飯、運動、學習、打機都一齊

最傷最甘就係依次!!

另一個就係純粹學壞左

又係超friend突然變到好似唔識你咁...

失望...




另外我同我屋企人關係唔好

原因就唔想多講




好彩自己樂觀、積極

咁唔知大家對人有冇信任?

最後送上

1qewasdrt

我都有個FD係由小5識到依家,

係7-8月果時都仲有一齊玩, (一齊打機,出街之類的

9月開學都有一齊去食早餐跟住番學, (佢屋企同我屋企太約隔三四條馬路左右

但係好似係11月定12月果時佢就唔知咩事,

好似傻左咁,成日係到串人 (包括我

之後因為一件小事同佢嘈左一次就冇再一齊食野/番學啦~  (嘈得都幾勁下

仲有一個係由幼稚園識到依家添,到依家都仲係好Friend

仲有一齊食早餐跟住番學~ (佢屋企同我屋企就係隔離咁濟


至於信唔信任...其實如果你同佢識得耐你地應該會對對方有一定既了解,所以....

無名小卒=]

道不同不相為謀，人會變月會圓。

所謂合久必分，即使同你點好點好，都總會有嘈交既一日，但係嘈完無見一排，又可能同你好番。

所以最緊要都係你自己，好多時患難見真情，好明顯你講既幾個都唔係真心朋友，你唔洗太介懷。

至於你屋企人，我建議你多溝通

∼香Ｂ∼

人與人就好似一面鏡..
人地點對你..就處決出你對人地的態度..
我一向都係用真心對朋友..佢地對我係咪真心..我亦feel到
我亦很慶幸在10幾歲..就遇到人生最好的知己紅顏

chipmunk123

看完全部文字，再看到那張圖，眼睛有少少濕

呀楊

人與人就好似一面鏡..
人地點對你..就處決出你對人地的態度..
我一向都係用真心對朋友..佢地對我係咪真心.. ...
∼香Ｂ∼ 發表於 31-3-2013 08:35 PM

   我一向住重禮貌
   所以我絕對敢保證冇得罪佢地!!
   反而往往都係我付出...

傲邪一少

認識一個朋友吾難，
但要維繫一段感情就非常之難,不論是友情.愛情還是親情，
不去維繫早就破裂的一天，
中三是我最為無知幼稚的時候，
亦都是我現在人生中最快樂的日子，
因為有班好朋友好兄弟陪我走過，
陪我癲過，
一齊玩一齊行路番屋企，
由最初的10多個人，
到現在中六即將畢業.....
只剩下真正的4個人(其他有時搵佢吾出...搵吾到佢...)
漸漸感情雖淡.但我地沒有放棄個我地既兄弟...
只不過有D只係朋友既關係走了...
果D讀吾上去...
真正既兄弟...有三個已在外國...
有一個番工,很難見
有一個成日潛水...都好難見
另一個本身就吾多癡我地,但我地都當佢係我地兄弟
漸漸兄弟幫只剩下最後的4個較常出現...
我覺得要維繫感情..
你真係要交個心出黎..吾一定咩野都講..
但你最有需要既時候你搵佢..佢會幫你..
我雖然係一個中六生..我緊張前途,我更緊張我的兄弟我的好朋友..
我已不知道...
要幾多年後..或者幾十年後..
先可以重聚一起...
傾計都好..食飯都好...
----------------------分割線-----------------------------------------
幾年前...我自己整...唉....

呀楊

看完全部文字，再看到那張圖，眼睛有少少濕
chipmunk123 發表於 31-3-2013 08:50 PM

   有咁厲害...?

chipmunk123

回復 8# 呀楊


   有時文字的感染力好強的，仲要加多張圖，濕了...(眼)

下..唔係掛

【人與人之間只靠金錢關係維繫著】