樂古已死

chiuandy123

不用看都知道吧
D人十個走左9個
14588563 發表於 15-10-2013 17:17

   sorry潛水好耐了

Poon

雖然大家都話時代係度變，所以論壇就慢慢淡出。
但點解唔試下改變? 我見百度貼吧果類野家陣都好HIT ...
無名小卒=] 發表於 15-10-2013 22:34

因為一開始既定位就唔同, 儲落既人都有好大分別
而且要變, 應該好早好早就開始變

superyyh

百度貼吧呀 ? 我日日都有上喎。果到係就係水貼多左D，但勝在不時會有爆點，同埋人流好旺，加上版塊多元化，幾乎咩類型咩千奇百趣嘅版都搵到。內地文化同香港唔同，佢地嘅中文用語依然好有活性，而且較少西歧化，上果到體會下內地網民嘅多元草根特色都幾好丫。水貼無視即可，何須費神呀?

想質素高? 梗係去天涯社區啦。廣泛網民嘅年歲同經驗好決定一個論壇嘅討論風氣。係果到我搵到好多有內涵、經過深入思考嘅發言，次次去都有唔同啟發。咩職業，咩年歲嘅人都有。兩鬚班白仲依然敲打鍵盤，細說歷生奇異事嘅情況，俯拾皆是!

香港論壇 ? 真係冇幾個係多元化同視野廣闊架喎。可能香港本身就太細啦，根本冇辦法承載太多文化元素。西方文化嘅融入擴大左老少兩輩嘅溝距，年輕人嘅網絡佢地睇得明咩? 人文素養已經比商業化嘅城市價值摧殘到齒膚哀慟，冇營養嘅網民嘔到幾多墨水出黎？香港有無數個壇，出位嘅咪高登囉，夠娛樂夠玩味，大家玩膠論膠不亦樂乎。不過另一面，佢又出產唔少文化符號喎，算係幾有「人性」嘅論壇啦。丫，仲有港討，無他，綜合吹水壇，唔同興趣嘅人士聚集場所。講綜合論壇佢算係香港嘅峰頂啦。

樂古太渺小啦，以GAME為定位，佢注定高極有限。GAME冇左，佢塌左都好正常姐。但係我覺得樓主唔係講緊人流，似係講緊「質素」多D喎。不過又係無他啦，無論人流定質素，早係N年前就比人惡批無數啦，同類帖見過唔少，而家我只能以欠呵應之。月經帖嘛，總有悶的時候。

全場我最buy閃靈一句「對論壇過於上心,都是沒有用的,放鬆一點^.^＂」。論壇姐，Why so serious ?

Kyle見到樂古沒落，一定會痛心疾首啦。我呢類小樂古村民，十年先online一次，真係樂古死左我都唔知。天氣咁好， 不如去游水行山 =V=

話說，「我係NEW手」同學，你最近幾個月好活躍喎。早幾年成日唔見你蒲頭，做咩今年又蒲咁多 =V= ?

恆-

百度貼吧呀 ? 我日日都有上喎。果到係就係水貼多左D，但勝在不時會有爆點，同埋人流好旺，加上版塊多元化， ...
superyyh 發表於 16-10-2013 21:35

同志所提及的論壇都有毛主席的道路作為依歸，不失為好推薦

果然是黨領導下的青少年，但願我們可一直依照毛主席的偉大總路線，向超英趕美進發

superyyh

同志所提及的論壇都有毛主席的道路作為依歸，不失為好推薦

果然是黨領導下的青少年，但願我們可一直依照毛 ...
恆- 發表於 16-10-2013 13:43

    哈哈，果真係一位典型港式憤青，稍見同大陸有任何瓜葛嘅物體，就唯恐來遲咁冠上眾多「被洗腦」嘅頭銜。

    其實呢個係香港一個悲哀現況。對部分香港人而言，尤其眼前呢位會員，大陸係一個仲停留係六七十年代，人人盲目愛黨愛國、思想遭受極權政治沖刷嘅社會。但可惜嘅係時代在變，大陸人都識用「天朝」、「和諧」等語句黎嘲諷自己國家，都識搞烏坎村暴動黎爭取人民權利。今時今日資訊流通發達嘅年代，佢地愚昧無知極都有限，愛國愛黨? 幾多年前嘅野呀 ；P(笑死)。同樣係今時今日資訊流通發達嘅年代，竟然仲有人以「有毛主席的道路作為依歸」等句語嘲諷內地網民，盲性隨之，見字軋嘖，說話完全不依大腦進程，大腦進程又過氣過時，相比起之下，食古不化嘅反而變左係我地喎。獨立思考去左邊，批判思考去左邊? 將政府嘅極權統治與民眾意願視作等同，見字就引刀，亂麻不分，港童嘅現況就係咁。佢地確實係有正義而浪漫嘅政治理念，但係缺少實際嘅學識支持，缺少廣闊嘅視野見識，蔽聰而猶自得，從不正反推敲，從不一敲再敲。思想係咁，說話就會係咁，思蛇吐蛇，冇黎學術邏輯基礎。實話實語，君作此語，恐遭後人貽笑，盡撕港人顏面啊。

恆-

哈哈，果真係一位典型港式憤青，稍見同大陸有任何瓜葛嘅物體，就唯恐來遲咁冠上眾多「被洗腦」嘅頭 ...
superyyh 發表於 16-10-2013 22:02

下，我仲以為你假膠一心掟堆五毛論壇出黎

superyyh

下，我仲以為你假膠一心掟堆五毛論壇出黎
恆- 發表於 16-10-2013 14:30

            對唔住呀大佬，我投降啦。我此真心膠物，豈敢與君攥筆生論，怕沾污聖袖，恐添浣務罷。:lol:

我係new手

百度貼吧呀 ? 我日日都有上喎。果到係就係水貼多左D，但勝在不時會有爆點，同埋人流好旺，加上版塊多元化， ...
superyyh 發表於 16-10-2013 21:35

同學? 你邊個= = 同埋我不嬲都係度

btw kyle個朵, whatsapp事件之後已經臭到無得再臭

恆-

對唔住呀大佬，我投降啦。我此真心膠物，豈敢與君攥筆生論，怕沾污聖袖，恐添浣務罷。 ...
superyyh 發表於 16-10-2013 22:41

我以為你係噴青，結果你以為我係噴青

sigh

superyyh

同學? 你邊個= = 同埋我不嬲都係度

btw kyle個朵, whatsapp事件之後已經臭到無得再臭 ...
我係new手 發表於 16-10-2013 14:43

     同學係親切D嘅稱呼姐，你果個8字頭嘅UID同埋用左N年嘅頭像，我留意左好耐=v=。
     whatsapp事件我唔知呀。果時我應該深潛緊。不過臭還臭，個壇始終係佢嘅。反而我比較想知大名響響嘅dh而家點， HAHA。因為我幾鐘意呢位人兄。