[情人節毒拎]而家D男仔有佢咁堅持 有咩女溝唔到

我思故我在

回復 10# ∼香Ｂ∼
好多女仔都覺得靚仔冇本心，同靚仔一齊果陣擔驚受怕，反而性格先係重點，樣貌順眼唔太差佢地已經覺得ok

GiantStep

大致上同意，但係有時啲野，樣貌只係一個優勢，如果一個靚仔但係好內向同一個普通樣既男仔但係好健談識搞 ...
我思故我在 發表於 19-2-2014 22:45

   鐘意男仔較被動會易相處的意思?

我思故我在

回復 12# GiantStep
唔係，係女人通常被動，如果個男仔內向既話就蝕底啲

GiantStep

劇情老土到爆......想表達既主題又係一D人所皆知,,流於表面的廢話..詮釋手法過於理想化

一大班港女就用段 ...
∼香Ｂ∼ 發表於 19-2-2014 22:32

    d韓劇唔知點解男主成日都要被set成好有錢好有本事咁

同日本唔少主角的寫法可以話完全相反

好似現實派vs理想派一樣

〝細wIN_

轉戰台灣吧~_~

我思故我在

轉戰台灣吧~_~
〝細wIN_ 發表於 21-2-2014 12:32

台妹係溫柔但係好痴身好煩

GiantStep

而家D男仔有佢咁堅持 有咩女溝唔到?
以我所知有港女溝唔到

∼香Ｂ∼

d韓劇唔知點解男主成日都要被set成好有錢好有本事咁

同日本唔少主角的寫法可以話完全相反

好似現 ...
GiantStep 發表於 20-2-2014 07:37 PM

如果你既人生就好似韓劇咁  轉自高登


你一出世你老豆老母會有錢過誠哥，
大個左仲要靚仔過金城武，木村。
明明你一出街只係鴨住條底橫，Ｄ女已經出哂水。
但係你一定要扮窮到褲穿窿咁，去找尋你既真愛，

然而你開通既老豆老母會為左幫你找尋真愛，
送你入一間全部都係靚仔靚女既平民學校，
史詩式既愛情就此揭幕。

通常黎講學校最靚果個女仔都會係最巴渣，
成日借啲２同你嘈交，
但係一次露營既營火會，
你幫佢擋左一粒火花，
佢對你就漸漸生情愫。
同行去既營火會既人會突然之間走哂，
得番你地兩個，而你地兩個係烏燈黑火既樹林入便，係絕對唔會驚同心寒，
你地會對於Ｄ人突然消失哂既處景欣然接受。
你地會望住個營火，然後開始打車輪，繼而打野戰。

你搞完佢之後條女會完全變左第二個人，
變得溫文爾雅。
然後你就會好想娶佢結婚。
但係昔日送你入平民學校幫你找尋真愛既老豆老母，
會食飽飯無屎痾，厭棄個女仔既出身，唔比你娶佢。
然後你就會用你既財力谷到女仔果邊果家人有錢過索羅斯。
當你父母答應比你地兩個拉埋天窗既時候，
你父母會突然之間比你舅父呃哂啲家產。

你就會正正式式咁窮到底褲都無一條。
你條女一家人見到你咁既情形，唔幫你不突止仲要雪中送屎。

然後你就會生無可戀，走出條馬路度想比車車死，
正當你就比架貨車車中既時候，你身前突然殺出一個人影
原來就係你女朋友，架高速行駛既貨車會因為比你條女擋一擋而減速。
減到咁岩就停係你面前。
之後你就梗係好傷心，即刻沖去條女度睇佢有咩遺言講。
被車到五臟六腑俱裂既女方會道出所有事情既真相。
佢其實係夾埋你舅父同老豆老母一齊呃你，
想你發奮圖強……唔好成世指意你父母，但萬萬估唔到你會自殺。
講完條女就暈左，之後仲變埋植物人。

然後你就會深明大義，為左唔好辜付個女仔既苦心而去七仔打工
每日你打完工就會探條女，如是者日復日
兩年後你做左七仔既ＣＥＯ（完全唔靠你屋企人既人脈）
搵到第一桶金。

係一次你探條女，同佢講「我賺到第一桶金」既時候，
你會講講下好傷心，流左一滴眼淚，咁岩滴左係條女塊面上。
然後奇蹟就會出現，條女會醒番，瞓左兩年左右既女主角醒番之後
係完全唔洗做物理治療，第二日就同你結婚。

當你結婚果日，你會收到醫生既報告，話你有Cancer得番三個月命，
你為左條女唔會成世背付你呢個重擔，你會係果日走佬，
走到去一個無人搵到你既地方係咁喊，
而你條女會著住婚紗，係咁大個地球入面搵到你係一個角落頭度喊，
當初你唔同條女結婚既決定又會被推翻，
你會比條女感動，仲會係無人証婚底下幫佢帶上戒子結婚，
結左婚之後，奇蹟又出現，你個病會不藥而癒。
但係你老婆就會死左，因為佢係同魔鬼做交易換你條命番黎，
之後你會好嬲，同魔鬼同歸於盡，
最後你都死埋。

全劇終

〝細wIN_

台妹係溫柔但係好痴身好煩
我思故我在 發表於 21-2-2014 22:30

咁先好@@唔理你又話對你愛理不理

我思故我在

回復 19# 〝細wIN_
我覺得要有適當既空間，無論男定女