高洛普成接掌紅軍大熱

白特約雪

利物浦喺打吡戰作客1比1賽和愛華頓後，領隊羅渣士隨即被請食無情雞。目前紅軍仍未公布接任人選，外界推測多蒙特前教頭高洛普接掌機會好大，外國多間博彩公司都將佢嘅賠率調到好低，成為最大熱門。另一熱門人選係安察洛堤，「肥安」曾執教多支歐洲頂級勁旅，攞過唔少錦標，絕對係一位身經百戰嘅領隊。英傳媒仲列出另外3位熱門人選，包括阿積士主帥法蘭迪保亞、國際米蘭前領隊馬沙利及美國國家隊教頭奇連士文。咁多個候選人之中，我個人較支持高洛普，事關佢將多蒙特由一支中型班帶到上頂班，曾連續兩季擊退拜仁成為聯賽冠軍，係出色嘅戰術大師，佢加盟的話，紅軍有望捧得首個英超冠軍。