投訴巨商版版主 小妍~

brian12345

投訴人：Brian12345
投訴對象：小妍
有關版塊：巨商
有關連結： http://www.nakuz.com/bbs/viewthread.php?tid=4528427&;extra=page%3D1
有關位置：（帖子層數）無
投訴內容：
首先等我講翻近日係巨商版鬧得群情洶湧既緣由 就係兩位係港巨十分之出名既玩家 細天同嗅屁王分別各開左一篇澄清文
引來眾玩家反感及不滿 因為佢地企圖將成個港巨台巨玩家都知道既鐵一般事實 扭曲成佢地既理想
而有玩家因為依位嗅屁王自己刪帖 無處發洩對佢既反感並且為左BACK UP佢個篇精彩絕倫既澄清文章而開新帖 即係有關連結
我係度先唔評論佢地究竟係真外掛定假外掛

依位版主憑乜野無理由咁去鎖帖? 我已經係巨商版規度搵左好耐 都搵唔到依個帖究竟干犯左啲乜野版規而要去到鎖帖
唔好用引起罵戰 偏離主題依啲咁既理由黎敷衍我 你唔鎖你個老友鬼鬼細天帖?唔鎖嗅屁王個帖夠哂多罵戰夠哂偏啦?

我覺得做版主應該要大公無私 比會員更加注意自己既言行
但係我有充份理由懷疑依位巨商版主因為自身/佢既好朋友既利益受到損害或者有人落ORDER叫佢做野而去鎖帖維護自己或者佢既好朋友既利益
我講白啲啦 即係有人個米飯班主落ORDER叫佢做野等人唔好抹黑當事人

其他意見：
我要求依位版主詳細解釋根據版規點解鎖帖 同埋 若果係引起罵戰依個原因去鎖帖 點解唔鎖佢個老友細天個澄清帖同埋嗅屁王既帖
選擇性執法依個係一個好嚴重既罪行 係唔係佢個朋友就可以無視所有版規 同佢有不同立場既就會俾人針對?
依個版主原來已經有前科 http://www.nakuz.com/bbs/viewthread.php?tid=4521148&;extra=page%3D1&page=1
如果佢唔可以俾到一個合理解釋我地既 請管理層削去其巨商版版主一職 以示懲戒

小妍~

因為回覆內容已開始涉及罵戰，生事及冒犯內容。

在關閉的時候我已經填上關閉原因，發貼者會收到信息通知。

討論不是問題如涉及口角，引起罵戰，故意生事，我或其他管理人員絕對不容許。

要包庇的話，在發貼者發貼的時候我早已能將貼關閉或直接將發貼者禁言了。
小妍~ 發表於 2-3-2016 09:55 PM

九龍城

冇原冇因，封我kiyeungd AC.我冇犯過任何版規。

brian12345

依個巨商版版主既處事手法真係令我不敢恭維
細佬我玩樂古已經有10年
做得版主既佢都應該會有基本既禮貌 而唔係開官腔 點令人信服?
定係依家樂古人流少 質素都變埋質?求其搵個人可以打理到巨商版就可以放任妄為?

首先 該巨商版版主言行過份
身為版主 理應凡事避免捲入罵戰 持中立態度觀望罵戰並執行版規
但係我三番四次見到依個版主非但唔阻止罵戰 更因自身利益被損害或者其朋友被指責而參與罵戰
詳細請睇http://www.nakuz.com/bbs/viewthread.php?tid=4528381&extra=page%3D1
#2 #18

憎人富貴厭人窮 鬼叫你有錢咩

原來 好有錢=外掛/ 同外掛收子彈=外掛:/ 長知識了

唔好同我講你態度好好 言詞之間既冷嘲熱諷態度往往比直接講粗口鬧你更難聽
依點 大家都可以判斷到
另外 點解當時你唔即刻關帖 全個帖差唔多都係罵戰 定係你為左維護你既老友細天?
咁樣都做到版主?
順帶一提 依個版主一見到我投訴內容話佢選擇性執法 剩係鎖人地鬧佢米飯班主個帖而唔鎖嗅屁王同細天澄清帖
嚇到急急腳即刻將沉左好耐既細天帖鎖埋 真悲哀
乜依家啲人偷完人錢 事後放翻落去就可以當無左件事架喇?
詳細時間管理層可以對翻個時間軸(鎖討論嗅屁王>我指出佢選擇性執法>鎖細天澄清文)

仲有 係巨商版版塊「罵戰」既定義究竟係乜?
該版版主點樣判斷乜野叫做該帖是否「引起罵戰」同埋「罵戰緊」?請解釋
事關我見到依個版主有以下咁既言論
http://www.nakuz.com/bbs/viewthread.php?tid=4528548&extra=page%3D1
#4 # 6

因為回覆內容已開始涉及罵戰，生事及冒犯內容。
在關閉的時候我已經填上關閉原因，發貼者會收到信息通知。
討論不是問題如涉及口角，引起罵戰，故意生事，我或其他管理人員絕對不容許。
要包庇的話，在發貼者發貼的時候我早已能將貼關閉或直接將發貼者禁言了。
有任何違規歡迎去投訴貼舉報，任何引起罵戰及生事，絕對不容許，有關可以留意返版規。

我係唔係冷戰團既 識唔識某人 唔會影響到我點處理版務
所有違規貼我見到會做野，見到有舉報亦會處理
無既我唔會理，正如該已關閉貼子一例，開了數天我都沒任何行動。
這段時間各會員做的事早已引起各版主的關注
唔洗拎D咩黎針對我 即使換著另一位版主
亦會依版規處分

哇,尤其係第2個言論「該已關閉貼子一例,開了數天我都沒任何行動」
請問該關閉帖子係數天後有邊啲引起罵戰既回覆而導致你要大費周章咁去鎖帖?請引用該回覆 清清楚楚 詳詳細細解釋
龍門任你擺 你睇唔順眼既帖乜你都可以話引起罵戰啦 咁仲成世界既?
細佬不才 我剩係知罵戰既簡單定義係兩班人互相以筆戰指罵
請問討論嗅屁王既帖邊度有罵戰?
相反 對於與版主係同團關係甚至係朋友既兩個澄清帖
可以稱之為穩如泰山 即使真係有出現罵戰 真係對罵個隻 該巨商版版主都可以視若無睹 我睇你唔到 厲害厲害

其二 該巨商版版主唔避嫌 屢次參與事件 欠令人信服之由
瓜田不納屐,李下不整冠
何況依位版主與相關人士有同團及朋友既關係
點令人唔聯想起當中存在利益關係?係現實依種叫做貪污 刑事黎
輕則參與其討論當中 出面維護自己既朋友 並無即時叫停罵戰
重則無合理理由鎖自己對立立場既帖 事後擺出一副官腔 你咬我食呀?仲點服眾?
據我所知 巨商版版塊仲有其他活躍版主 點解唔交俾其他版主處理
而要自己唔避嫌咁親身上陣?定係有人落ORDER靜靜雞係天光個陣就鎖帖?
依樣真係好神奇 佢一鎖完帖 有人開另外個post出黎
疑似米飯班主即係嗅屁王就即刻沖左出黎回應 請大家自行參透當中玄機

依個版主已經惹起公憤
需知版主日常工作就係執行版規 確保版塊擁有一個良好既環境討論
一個不能服眾既版主 佢執行版規個陣仲點樣令人信服?仲點樣做依個巨商版版主?
我重申多次
選擇性執法 不避嫌 依啲都係做版主既大忌 任何一樣都唔能夠接受
況且一次不忠百次不用
何況依個版主居然係做見習版主個陣就態度惡劣 擺起個官腔 意圖馬虎了事
惟管理層已經給予一次機會 從輕發落
希望今次事件可以將前事及今事一並處罰 還我地會員一個公道

foolruner

依個巨商版版主既處事手法真係令我不敢恭維
細佬我玩樂古已經有10年
做得版主既佢都應該會有基本既禮貌 而 ...
brian12345 發表於 3-3-2016 17:47

版主首先是一位會員，除非其以版主身份發言，否則該版主身份仍然只是會員，受版規所限，不應以版主視之。
該言論並不涉及任何版規，不予加入考慮之列。

罵戰，係指毫無道理，只為貶低他人的發言
該帖道理已經於前幾頁說完，後面已經淪為打招呼和純綷指罵
所以版主先行關帖，但並不處置任何人，屬較佳做法。
同時，我們亦歡迎各位會員另啟新帖提出理據，並作正常指責(而事實確有會員如此作為)
另外引起罵戰，與及罵戰參與者，都會受到版規所限。但我們正密切留意該版各人的言論，並已準備隨時執行版規。
我們暫時未發現其有利益問題，但已經要求該版主暫停處理該會員的事務。
(由於太長，匆忙間無法一一回應，如有遺漏，請再回覆)

brian12345

版主首先是一位會員，除非其以版主身份發言，否則該版主身份仍然只是會員，受版規所限，不應以版主視之 ...
foolruner 發表於 3-3-2016 19:02

我睇唔到你有答過我任何野 我只係見到你帶我遊花園

乜野叫做除非其以版主身份發言,否則該版主身份仍然只是會員?
咁佢發表言論個陣 佢仲係唔係版主?你自己諗下合唔合理
作為一個版主理應知道乜野可為乜野不可為 依啲言論明顯就過左界
我已經係兩篇文章中提及多次當中既起源因由 但仍未得到回應

不如你地整理後根據逐個PT咁回覆 我唔想再重覆重覆咁提出
唔急 最緊要俾到個令人信服既合理解釋

foolruner

我睇唔到你有答過我任何野 我只係見到你帶我遊花園

乜野叫做除非其以版主身份發言,否則該版主身份仍然只 ...
brian12345 發表於 3-3-2016 19:27

    其實不少都已有所回應，不過匆忙間未必清析，詳請稍待

foolruner

我睇唔到你有答過我任何野 我只係見到你帶我遊花園

乜野叫做除非其以版主身份發言,否則該版主身份仍然只 ...
brian12345 發表於 3-3-2016 19:27

   

   依個巨商版版主既處事手法真係令我不敢恭維
細佬我玩樂
..................(略)
詳細請睇http://www.nakuz.com/bbs/viewthr ... &extra=page%3D1
#2 #18

版主首先是一位會員，除非其以版主身份發言，否則該版主身份仍然只是會員，受版規所限，不應以版主視之，是以「一位巨商版主應該…」的指責不成立。
該言論並不涉及任何版規，不予加入考慮之列。

  唔好同我講你態度好好 言詞之間既冷嘲熱諷態度往往比直接講粗口鬧你更難聽
依點 大家都可以判斷到
#2 #18

「言詞之間既冷嘲熱諷」於正常文明討論屬正常行為，不在限制之列

另外 點解當時你唔即刻關帖 全個帖差唔多都係罵戰 定係你為左維護你既老友細天?
咁樣都做
..................(略)
相反 對於與版主係同團關係甚至係朋友既兩個澄清帖
可以稱之為穩如泰山 即使真係有出現罵戰 真係對罵個隻 該巨商版版主都可以視若無睹 我睇你唔到 厲害厲害

罵戰，係指毫無道理，只為貶低他人的發言
該帖道理已經於前幾頁說完，後面已經淪為打招呼和純綷指罵
所以版主先行關帖，但並不處置任何人，屬較佳做法。
(根據版規，罵戰會禁言七天，但並未有任何人被禁言)
同時，當時該版主並未禁止各位會員另啟新帖重新提出理據(那怕是重複)，並作正常指責(而事實確有會員如此作為)
另外，引起罵戰，與及罵戰參與者，都會受到版規所限。但我們正密切留意該版各人的言論，並已準備隨時執行版規。
(因為警告公示已經發出)

其二 該巨商版版主唔避嫌 屢次參與事件 欠令人信服之由
瓜田不納屐,李下不整冠
何況依位版主與相關人士有同團及朋友既關係
點令人唔聯想起當中存在利益關係?係現實依種叫做貪污 刑事黎
輕則參與其討論當中 出面維護自己既朋友 並無即時叫停罵戰
重則無合理理由鎖自己對立立場既帖 事後擺出一副官腔 你咬我食呀?仲點服眾?
據我所知 巨商版版塊仲有其他活躍版主 點解唔交俾其他版主處理
而要自己唔避嫌咁親身上陣?定係有人落ORDER靜靜雞係天光個陣就鎖帖?
依樣真係好神奇 佢一鎖完帖 有人開另外個post出黎
疑似米飯班主即係嗅屁王就即刻沖左出黎回應 請大家自行參透當中玄機

依個版主已經惹起公憤
需知版主日常工作就係執行版規 確保版塊擁有一個良好既環境討論
一個不能服眾既版主 佢執行版規個陣仲點樣令人信服?仲點樣做依個巨商版版主?

未有證據證明有利益問題，而版主職責要求其管理所有討論帖，事先未要求其避嫌。
現已經要求該版主暫停處理該會員的事務以作避嫌。

另外，選擇性執法、貪污等罪名，應為申訴專員公署或廉政專員公署之職責，樂古討論區無權處理。

------------------------------------------------------------------------------------------
如果任何人認為自己論點正確，請更加謹言慎行
不要讓他人於粗言、無聊推論等地方抓住痛腳
以免明明錯誤都被癲倒是非黑白，或者觸犯規條被提早停賽
此親者痛，仇者快矣

Hellkite

由於涉及機密內容，所以屏蔽有關內容

有關涉密的情況將會作出調查，並會向涉密者保留追究權限利