金屬煉魂 Ex-S Gundam

白特約雪

白特約雪

Metal Robot魂，以Robot魂為基礎加入金屬Parts，保持Robot魂一向嘅高可動性之餘，關節嘅受力及穩固程度更高，拎上手亦更有質感。雖然Metal Robot魂Ex-S Gundam嘅大部分外部組件都係塑膠製品，攞上手同「超合金」呢個招牌有啲距離，其實佢嘅主要受力位，包括膊頭、手肘、膝頭及足踩都係用Die-cast製成，相當實淨，唔會扭而扭就軟手軟腳。背包設計更有驚喜，唔只夠大夠分量，而且加入多段可動設計，背包外側與四支激光炮相當接近，炮身嘅白色幾易刮甩喺背包表面。

Goth

精密、重裝、修長係Katoki嘅設計特色，打正「Ka Signature」牌頭嘅Metal Robot魂Ex-S Gundam，就將呢三項必殺技統統立體還原，而且比以往嘅S Gundam走得更前，除咗上文提及嘅背包，兩邊膊頭新量裂甲設計，機身表面多處又有宇宙迷彩加清晰Marking，雖然比例接近1/144，但係論精細度，實在比1/100 MG模型更出色。

Goth

Ex-S Gundam嘅外掛武器唔多，只有一把長距離步槍及兩把激光劍，Metal Robot魂亦冇偷工減料，前者嘅雷達罩有精細雕功與塗裝，又有一組結構複雜嘅支架與主體腰間連接，可以傳神擺出平放長槍嘅招牌甫士；不過呢組支架嘅功用似乎亦僅止於此，難以做到雙手持槍嘅甫士。另一方面，線控感應炮係S Gundam嘅特色武器，Metal Robot魂就以換件形式還原，黑色鐵線可以隨意扭出任何角度，實現感應炮無死角攻擊，鐵線轉向位置又可加上迷型灰色圓形組件，加上紅色感應炮表面又有細緻Marking。

Goth

地台本身問題不大，沿用Metal Build系列款式，可作多段高低調校，弊就弊在地台支架與Ex-S Gundam背包連接嘅組件唔夠力，原因有二，其一係材料太過軟身，其二係榫柱太短。

ladyemperor

建議零售價係16,500日圓，抵港後街價約HK$1,300

ladyemperor

ladyemperor

m1rr0R

m1rr0R