有關於非官方伺服器之新政策

小妍~

早前已向各會員徵詢對有關樂古官方認可以外伺服器之意見，以下為最後結果。



最後發現68位參與投票的會員當中，超過六成會員投同意一票，故現決定試行開放討論其他伺服器內容 (即官方以外伺服器（台服／港服／韓服等等）)，

為期一個月，其後如沒大問題可能繼續實行或作出其他改善措施。

注：現暫只開放有關其他伺服器之討論，其他伺服器相關交易暫時禁止，違者將關貼及屏蔽貼子內容處理。

注２: 禁止直接宣傳 或 張貼 其他伺服器之網址 (可由PM方式發送)

如有任何問題或建議，歡迎留言交流。

守護星

我十二年前有另一帳號都係樂古幾個區域既版主。
當時樂古好紅，所以對官方認可既立場企得好硬。

不過今時已經唔同往日，可能官方既地位係樂古已不太重要，我作為會員真係唔清楚。
如果可以單靠自己區搞個投票就決定到的話，咁就真係幾簡單。

小妍~

守護星 發表於 8-8-2018 03:01
我十二年前有另一帳號都係樂古幾個區域既版主。
當時樂古好紅，所以對官方認可既立場企得好硬。

首先，十二年前，大家玩既係巨商係咩公司營運，宜家大家玩緊既巨商又係咩公司。

早期的管理團隊，版主又好，超版又好，去哂邊。

係咪樂古唔紅就跟住消失？或者可能都長大，要工作，顧家庭，但都唔係重點去斟酌或者討論。

話歸正題，台巨／宜家所謂既「港巨」／韓服，有無當樂古係官方討論區？如果官網都表示係既，當然理應只提供返官方伺服器討論啦。

當時仲興論壇討論區玩線上遊戲，但宜家趨勢係點，相信大家都好清楚。

另外，你話宜家　如果可以單靠自己區搞個投票就決定到的話，咁就真係幾簡單。

我就答你，當然唔係全因為幾個人投票就決定到，每樣野都會有人支持同反對，各持己見，所以我都講清楚，只作參考。

出左投票結果後，我都有問過有無其他樂古版主反對後，先出此政策試行。

最後，現階段以上政策只為試行，有咩問題，或者實在行唔通、中途有管理團隊反對，亦可能隨時終止。

以上只為本人立場及意見，不代表樂古或任何管理團隊成員。

SillyFish~

辛苦版主了~
只係試行~隨時可中止.沒有什麼不妥
但一個月可能較少, 建議到時看情況延長
因為現在未必有人咁快討論其他服

小妍~

SillyFish~ 發表於 8-8-2018 22:12
辛苦版主了~
只係試行~隨時可中止.沒有什麼不妥
但一個月可能較少, 建議到時看情況延長

不辛苦，只是想找方法改善樂古人流及令樂古進步。

到時再因應情況作出改善，暫時來說，沒有什麼問題，討論也不算踴躍。

+plzza+

建議開個分區 類似之前日巨咁 我唔想見到全個版都簡體字

小妍~

+plzza+ 發表於 13-8-2018 00:39
建議開個分區 類似之前日巨咁 我唔想見到全個版都簡體字

暫時都無討論~.~

周杰倫

小妍~ 發表於 14-8-2018 20:53
暫時都無討論~.~

開放左，但人流都救唔返
畢竟係少人玩

somt8

其實玩C服既人 都係個面討論開
依加先開放 好難扯得返D人返黎