始創者的話

Roy

被人收購，一蚊無收到????

五月_Poon

大家好，我係五月，好耐無見。
因為已經入唔返個ac，唯有開新ac。

其實已經上過嚟幾次，不過入唔返ac，所以都無留言。

尋日上嚟再望，見到原來仲有d舊人，係非常非常舊嘅人會上嚟回post，
甚至仲有人管理緊個論壇，非常之感謝仲打理緊嘅超版。

曾經係到日傾夜傾，樂古傾，msn傾，傾到變朋友，真係難以想像嘅時光。
好感謝果d曾經同我一齊傾嘅人，無論我地有無見過面。

見到聊廣嘅post，仍然有人記得自己，真係有d慚愧，
當初自己默默咁離開咗，竟然仲有人記得。

我諗已經無咩討論區可以做返果陣時嘅效果，果陣時嘅論壇交友模式，
畢竟呢家大家上網都已經習慣匿名隱身，亦都有所顧慮。

過往除咗開心吹水，都曾經為咗不同嘅事嘈過鬧過，不過呢家睇返都係寶貴嘅回憶。
雖然好幼稚，但係呢d係好獨特嘅經歷，呢家上連登罵戰都唔會有果種感受。

最後，真係非常感謝大家留低嘅回憶。願大家安好。



五月 (Poon) 上
18/03/2021

聶羅阿瑪特

Kyle.T 發表於 11-11-2020 02:14
所以就係睇下有無人有興趣一齊再搞，
係好多年前，呢度已經比人侵佔左，
由果個時間開始，我地最原始果班管 ...

感覺站務同ＩＴ論壇開發設計呢兩班人好似冇乜溝通，論壇人反映既嘢ＩＴ人好似都冇乜點理（好似用戶個人空間壇左好耐反映左好耐先隨住ＮＡＫＵＺ改版整番好）。你個權限冇左，講真咪又係ＩＴ噶邊ｓｅｔ既。。。不過既然你話已經比左個網比左個控制權人哋，相等於成間公司物業連股份全數供手相讓，所謂管理者只係個職位，人哋中意幾時踢你出去就踢你出去，駛乜通知你，因為你唔係佢哋既人，一唔係董事，二唔係員工（就算係都可以炒），點解要比權限你，從結果而言就好似你宜家name card咁（樂古神手）只係一個Ｎａｋｕｚ既資深註冊壇友。現實社會就係咁殘酷。


PS: Nakuz型男索女版塊宜家搞緊活動，大家得閒可以由我下面個簽名連結進入投票版塊，或者set個簽名圖支持推廣一下Thankyou

聶羅阿瑪特

Kyle.T 發表於 12-11-2020 03:37
呢個時代係唔易，但我又覺得唔係無得搞，
只係形式要變下，唔可以好似以前咁齋做一個純討論區。
要有商業 ...

Nakuz個名仲係有份量既我信相，但人哋唔放手你都吹佢唔漲。你話搞個新既我都支持，不過唔好太旨意呢度啲半退舊人，你可能必須靠實力（有哪個勇者故事都不是由孤身一人開始，然後新同伴慢慢增加）。既然UID1大大都32歲，搞論壇就應該用成人既角度去搞，市場學、資訊系統、資訊安全、傳意範嚋、亦都應該要深入認識，有策略有計劃咁實現你既理想。我見你寫既論壇定位都唔錯。
除左吸引人流、增加商業掛勾之外，更應該考慮能唔能夠可以實現提供一種無可替代既功能性，令玩家「只可以」黎呢度搵遊戲資訊。就好似52巨商網、Puzzle&Dragons戰友及資訊系統網，pokemon.gameinfo等等雖然唔係論壇，但如果玩家要搵必須既、有系統既資訊基本上冇可能唔去噶度瀏覽，如果一個論壇或者社群平台可以做到類似既嘢又點會愁冇人流呢。雖然每個社群都有生命週期避唔過末落終結，但好似一啲wechat / line群具即時互動功能 , IG / 抖音一類生活時報 , FB群組專頁貼文刊登 ，Ｂ站彈幕添加，Youtube實時直播　等各有其自身優點。作為一個論壇或者遊戲社群係咪可以多考慮將其它社群既優點以另一種形式實現並進化呢?  打破傳統模式開拓別樹一格既企業客戶融合平台 , 比方說平台直接進行遊戲充值 、代理遊戲官網融合於平台，睇起黎冇可能 , 但係咪真係冇可能呢。我覺得冇人打破論壇呢種舊有法則並唔止係一個文化問題，而係未有一個有足夠商才既人去進行變革。如果樓主可以做到足夠驚天地泣鬼神既商業創作，分分鐘上埋市都唔出奇，以為係蝕錢既一盤爛帳分分鐘翻盤助你公司更上一層樓。（以上只係我中二病既癡人夢話




===========================話當年看現狀====================================
Nakuz係一個體系算完整既壇，管理方式當然有問題啦～商業導向係必須既，吸引人流我覺得最有效既方式係成為一啲手遊或者online既官方指定論壇。當年我就係玩(好似係gameone)SD Gundam Online見官網有論壇就禁入去，跟住就link到黎nakuz註冊左。另外跟上時代步伐都好重要，宜家啲手遊出下又一隻出下又一隻，要密密開新版塊For啲新game先有可能捉得住啲人流。反觀目前nakuz首頁啲所謂熱門game都過曬時 , 又冇人update 而啲冇乜人氣既game甚至一啲遊戲產品生命週期走到尾段既game版塊仲keep住喺左邊個版塊目錄冇人拆版塊亦冇將有槷度既版塊置頂方便進入。其實我好懷疑宜家nakuz係咪上面噶層人已經冇再管理 , 得番下面噶層既版主處理啲簡單版務。

當年nakuz真係好有氣氛，樂古８週年活動我幾乎全部有參加去追活動分數攞金銀銅勳章，噶時好多版塊都有搞活動我亦都學到好多嘢，睇得出大部分版塊都有一定人流（比目前最多人既版塊－巨商版多人Ｎ倍），版主各施其職管得好好，論壇成員分享遊戲體驗、開展討論話題，等等都相當熱烈。CSO從舊Post專屬勳章種類同數量都可以睇出當年以約戰為賣點既CSO版塊都曾經盛極一時。當然現在時代變了，啲人唔再睇無線電視而變左手機／電腦煲日韓劇，msn收左皮公會群組改成以line群wechat群架設，PC online game少人番到屋企坐定定咁玩&宜家改成工餘、等待時間中直接拎起手機玩手遊，ＮＡＫＵＺ有冇與時並進緊貼並迎合潮流呢，我覺得冇囉。Nakuz有啲似等死Feel。


PS: Nakuz型男索女版塊宜家搞緊活動，大家得閒可以由我下面個簽名連結進入投票版塊，或者set個簽名圖支持推廣一下Thankyou

神乂怒火

大叔們 大家還好嗎?

〥逆天`而行′

Roy 發表於 24-2-2021 07:40
被人收購，一蚊無收到????

你係未以前教琴個ROY…?

954654

神乂怒火 發表於 9-6-2021 23:58
大叔們 大家還好嗎?

你仲係到

[S]魔域天使

老人聚舊論壇
想搞都係向手機APP方向發展會好D
不過真係難
論壇都要有個明確方向 TARGET先有得發展
以前ONLINE GAME / PC GAME爆發時代食正條水仲要冇咩其他通訊軟件
不過依家黎講就算係打機 手機APP 想搵同好都未必真係需要一個論壇
難搞難搞

古巨基1號

做乜會比人收咗ge?

愛玩樂

念舊的我來了

K. T
你是最帥的你知道嗎？