我自己剛剛睇完1同2期,有少少嘢想講,可能唔係咁好聽,不過忠言逆耳,苦口良藥
龍少已前的作品,其實我都唔係睇晒,唔係一個忠實fans,haha
我只係睇左小魔神,龍神,大聖王
e三部作品都各有優劣,但故事ga結尾都唔係咁好,我認為係美中不足。
其實我最鍾意小魔神冥泣,同兩個悟空,也是我睇龍少漫畫ga原因。因為龍少d角色設計不嬲都好出色,連小魔神冥泣e d主角都可以有少少邪邪地感覺,真係非常吸引。不過由於珠玉在前,<神兵4>ga角色設計就相形見拙,少左d特色,冇左一d個人風格,雖然都叫做靚仔一名......冥泣出場就表現出自己有自己的一套,悟空就口硬心軟,你點對我我點對你,龍神就有保護所有人ga正義感,但紀辰天?sorry,和一個凡人沒分別,有少少韋小寶feel(其實我好欣賞韋小寶),發白日夢的主角較難爭取讀者ga好感。當然日後仲有成長ga空間,不過由於先前表現太差,之後又變到問天式ga正義英雄,你估e家係無間道,話忠就忠,話奸就奸?要佢做英雄,難免要多d篇幅交代,一個唔好又比人話拖文戲......
第二就係兵器ga設定,我對果把刀好失望,之前仲以為草稿未完成,咁講可能有d過份,不過我好難接受佢係龍少設計。請龍少回想一下神判,佢ga線條好簡單,冇什麼特別裝飾,我卻覺得係龍少漫畫中最成功設計ga兵器!當然,兵器在設定上係未完成,將來仲有個靚d ga樣,不過e家就......未算差,不過唔討好lo,個手柄ga圈圈好似好多餘.......
第三就講故事,今次開始得唔係咁好。因為我覺得開左兩邊,由異世界到現實都要顧及,反而對兩邊ga交代都略略不足。我認為開頭應講主角多兩版,或者講多d把神兵。起碼比讀者認識多d主角或神兵ga背景,我是指多d正面描寫,放多d主角戲,不過今次唔多夠,反而最後出現ga神祕人更有氣勢,更令人注目,更奇怪係沙曼洛ga都背景都好似仲詳細d.......
第四就係本書,即係作為創刊號,我覺得唔係好。冇錯,諗到第一期送第二期的確係好吸引,不過之前神兵都送過俠客行,冇左一種特別。既然要用多d錢去打響頭炮,點解唔做一期書,兩期內容,將兩期合二為一呢?如果成本貴內文係唔係靚紙都唔緊要,起碼我覺得一期咁厚都係$14,抵!龍少ga fans更覺得$14蚊可以睇龍少四十頁,八十版ga漫畫,正!我相信1本$14四十頁ga港產漫畫可以引起大部份港漫愛好者ga興趣!如果加上封面係厚d ga拉3頁ga主角海報,書名神兵熨成金色!不過我知咁做成本會貴好多,但這樣的一本創刊號絕對係fans珍藏ga上級珍品,如果要做其他廣告,不如整本靚ga第一期,再加上龍少簽名,great!
咁話又分兩頭,<神兵4>又唔係冇嘢值得讚,首先龍少d畫真係keep到係高水平,e樣嘢真係睇得出,龍少用左4個月去整ga創刊號,我相信讀者不論新知舊雨都應該睇得出。不過希望龍少發唔功唔係得果20期la,我相信龍少點都keep到10期,不過遲d如果放大假,去下旅行,公司出新書唔夠人,我就唔敢包la,希望到時唔好keep唔到質素不特只,仲出現脫期(大吉利是)就大件事!
另外<神兵4>都係走科幻加武打的路線,我相信龍少畫慣畫熟,都應該不成問題。況且龍少今次做左資料搜集,所以我認為不論人物做型,對白同背景等等都可以做到最好,當然e樣嘢龍少不嬲都做得唔錯,例如穹白果頁跨版,神祕人最後取刀果下,兩版都好有氣勢,希望今次都可以keep住繼續發功!
龍少作品ga故事性一向都係有目共睹,或多或少令fans失望。今次有黃易先生擔任劇本顧問一職,相信可以令個劇情更有緊張刺激。三個臭皮匠已經勝過諸葛亮,今次仲加埋諸葛亮,本人十分期待故事的發展。
最後,都係祝賀龍少成立公司ga新作順利發行,相信<神兵4>都可以叫做打響頭炮!不過創業難,守業更難,希望龍少可以繼續努力,製造更多好ga作品,為新一代ga香港漫畫家爭一口氣,証明比後生仔睇,睇漫畫,唔一定睇日本,香港都有高水準作品!
ps其實龍少可唔可以加多幾個送親筆畫ga quota,我都好想要,hahaha |
發表於 24-2-2008 21:31:17
