有感而發…有關今日考中文所遇的事。

Rebellion.KLC

今日考完第一份卷，中途小息。
我已經聽到好多個女仔話自己「肥硬」，更有大量考生投訴試卷不知所謂。
不過，我與幾位朋友討論，不知道是否是我們過份「不知所謂」，竟然覺得試卷不算難…（因為我們是怪人？）
但係份卷的確有地方問非所答似的…

然後，到第二份卷的時候，已經見到有少許考生已經放棄，沒有出席。
接到題目，囧左…得一張A4紙，重要對摺。
正式開考…
三題加埋唔夠四十字，竟然叫考生寫不少於六百字。（總是覺得有點離譜…）
見到第二條題目「樓梯與升降機」，我立即偷笑左。

以前，Miss建議我千其唔好選擇議論文…
因為比起抒情文、記敘文，我議論文係差得多。
我議論文緊緊合格是因為文筆、用詞同字體拎高左分來補給內容分，內容方面論點、論據那些其實不足，很容易令到自己「肥佬」。

結果今日我都係選擇左第二題，當議論文寫。
其實我有考慮過，第二題是否應該當說明文來寫…
最後寫左七百幾字，重有十五分鍾休息。

考完之後，順道去洗手間。
有兩名男考生講到勁大聲，話份題目超簡單，同我一樣作第二題。
不過佢寫記敘文，講述兒時及現時，由使用樓梯轉變成使用升降機，從而有感而發。
（我總覺得他們很容易「肥佬」的…）

回家的過程…
巴士上有一名很嘈的女考生，用電話大聲講大聲笑，成架巴士得佢一個講。
最慘我坐個位只相隔兩個位，想休息下都難…
個女仔講份卷太難，一定大把人唔合格，今年多數三十分頭都Pass到…
這不是重點，重點是後面的對話。
「我真係唔明點解有人比左錢，連考都唔考，情願拎ABS囉！」
「你試下做都一定有個F啦，而且中文都F？冇病呀？」

當時我真係有諗過當場照佢肺…
其實點解有人中文唔去考呢？係因為佢連Mock卷都唔合格？
這可能是其中原因，我覺得重點原因係佢校本評核過差，我學校有人校本評核15%入面連3%都冇。
如果要中文合格，起碼其餘筆試要拎到D左右先拉到。
明知自己中文差，就算筆試緊緊合格，計埋校本評核立即變成唔合格，咁點解要考？
ABS個成績唔會列入最後拉整體個數子，考完拎F要列入拉整體，咁做咩要益你，唔去考好過啦！（奸笑中～）

＊　＊　＊　＊　＊

其實「樓梯與升降機」，我覺得考試局想考生寫說明文。
說明它們的分別，從而帶出科技進步及時代轉變令人們愈來愈方便之類。

但我寫左議論文…
以常人常比較兩者的一面，從而帶出人們的毛病。
常看事物的單一面，永遠不會多方面思考，才造成今時今日的局面。

當中引用的事件：
當火警時，升降機不能使用，人們只好去走樓梯。不過，人們沒有感激樓梯，卻是埋怨走樓梯的辛苦。

cyris

我升降機果題...

haha

記事抒情啊

12102

唔....

份野係點,都要做o架啦

o的人年年都懶

唔知有咩好懶 囧

Y+Y+Y

不過作文就真係易既,閱理第一篇就真係唔知佢up乜

Rebellion.KLC

我升降機果題...

haha

記事抒情啊
cyris 發表於 24-4-2009 16:25

我係洗手格度偷聽到兩位考生講述自己全文，主要記事，抒情都唔知有冇，多數掛得。
（我個FD都寫記事抒情，佢寫升降機的發明取代左樓梯，人們貪新忘懷，對樓梯有懷舊及憐憫之情。）

12102

第二篇寫記敘 不如寫第一篇= =

cyris

有人講行樓梯係腳踏實地,升降機係走捷徑

meow喵

我作文作第2條
我寫自己點解行樓梯唔搭升降機-.-

Lemon雨

我係洗手格度偷聽到兩位考生講述自己全文，主要記事，抒情都唔知有冇，多數掛得。
（我個FD都寫記事抒情，佢寫升降機的發明取代左樓梯，人們貪新忘懷，對樓梯有懷舊及憐憫之情。） ...
Rebellion.KLC 發表於 24-4-2009 16:29

跟我一樣－－．．．

不知情

樓梯
我都係寫小量兩者分別
跟住火警走佬用樓梯
又兩者比較下
最尾唔多夠字數
死塞咩過份依賴升降機 而放棄行樓梯(日行x步 健康)
咁頂下字數 先完場-0 -